رجعت من السفر بقلم هويدا زغلول
انت في الصفحة 1 من 7 صفحات
رجعت من السفر لقيت مراتي
قبل مابدا حكايتي اعرفكم بنفسي انا اسمي عمر عندي 30 سنة وكنت مسافر في شغل وقولت لمراتي
عمر
انا مسافر الغردقة الصبح يا أمنية عشان جالي شغل هناك ضروري
أمنية
هو انت مكنتش تعرف ياعمر ولا ايه انت مقولتش يعني
عمر
لسه عارف دلوقتي وانا راجع من الشغل اتصلو بيا وعرفوني اني لازم اسافر وهاروح بعربيتي
غريبة انت دايما بتسافر بالطيارة ايه اللي يخليك تروح بعربيتك
عمر
مش عارف والله المدير هو اللي طلب مني كده على العموم عايزك تجهزيلي الشنطة قبل ماتنامي عشان هصحي الفجر امشي
أمنية
طيب ياحبيبي تروح وترجع بالسلامة
وجه الفجر صليت ونزلت ركبت العربية ومشيت
اتصل بيا شريف مديري في الشغل وصاحبي
عمر
ايوه لسه يادوب طالع من القاهرة وداخل الطريق الدولي
شريف
ربنا معاك لما توصل ابقي طمني عليك ياصاحبي
عمر
تمام ياشريف
وفي عند مراتي راحلها شريف وبيبخبط
أمنية
شريف انت ايه اللي جابك ده عمر نزل من بدري اوي
شريف
منا عارف انه نزل من بدري جدا انا جيت عشان اشوفك اصلك وحشتيني
شريف اعقل يامجنون انا خاېفه لعمر يرجع تبقا مصېبة
شريف
عمر مين ياحبيبتي ده عمر زمانة رااح خلاص وارتحنا منه
أمنية
نعم بتقول ايه مش فاهمة تقصد ايه ياشريف
شريف اتوتر وقال
ها لا لا مقصدش حاجة ياقلبي انا اقصد انه زمانة قرب يوصل الغردقة
أمنية
امممم طيب لو سمحت ياشريف امشي دلوقتي وبعدين ابقى تعالي لما نطمن انه وصل
وبعدين ياشريف مفيش اي اخبار عن عمر انا قلقانة اوي عليه
شريف
بصي يا أمنية انا مش عارف اقولك ايه بس انا عندي خبر وحش
أمنية اتخضت وقالت
عمر جراله حاجة ياشريف مش كده انا قلبي كان حاسس ايه اللي حصل ياشريف متخبيش عليا
شريف
بصراحة كده لما عمر اتأخر ومش عارفين عنه حاجة كلمنا الشرطة والكماين وعرفنا انه عربيتة ولعت في الطريق وتقريبا عمر راح
انت بتقول ايه ياشريف يعنى عمر خلاص راح
شريف
اهدي يا أمنية متعمليش في نفسك كده
وبيعيط بخبث وقال ربنا يرحمة كان اعز صديق ليا
وراحو اصحابي البيت في العزا
وبعد اسبوعين
شريف
انتي هتفضلي عاملة كده في نفسك يا أمنية عمر خلاص مش راجع تاني
امها
قولها ياشريف يابني دي من ساعت خبر جوزها ده وهي مش حاسة بحد وفي دنيا تانيه
منا بقولها اهو ياطنط وبعدين انتي صغيرة على الحزن يا أمنية اخرجي من الحزن ده
أمنية
ارجوك ياشريف انا نفسيتي تعبانه ومش عايزة اتكلم مع حد
الام
ماهو يابنتي شريف خاېف عليكي وعايز مصلحتك
شريف
اه والله ياطنط دي حتى أمنية دي غاليه عندي اوي اقصد يعني زي اختي بالظبط والمرحوم كان اخويا
الام
الله يرحمة يابني ده عمر ده مكنش فيه منه والله قطع بيا خالص
وفي مكان تاني بفتح عنيا وبفوق وبقول
انا فين انا فين
مختار
حمد الله على السلامة يا بني
عمر
الله يسلمك ياعم الحج هو انا فين
مختار
انت هنا في بيتي انا عمك مختار ودي الحجة ام ندى مراتي بس انا يابني معرفش انت اسمك ايه
عمر
انا انا معرفش انا مين وايه اللي جابني هنا انتو جبتوني هنا ازاى
مختار
انا هحكيلك يابني انا كنت في الأرض بتاعتي على الطريق وبعدين لقيت الناس بتجري وبتقول الحقو في عربيه مولعه جامد
فلاش باك
مختار
ياساتر يارب في ايه ياولاد ايه اللي حصل ده
مجهول
مش عارف ياعم مختار العربية مولعه بقالها يجي ساعتين مش عارفين نطفيها
مختار
ياساتر طيب يابني كان فيها حد
مجهول
ايوه كان واحد اللي سايق بس تقريبا كان لوحده وشكله كده الله يرحمة
مختار
لا حول ولا قوة الا بالله الطف يارب
عمر
اااه اااه الحقوني
مختار
ايه الصوت ده انت مين انت يابني
وبس فضلت اكلمك لقيتك اغمى عليك جبتك
