سعادة لم تكتمل بقلم كيان كاتبة

الرسالة دي وصلتني من اسبوعين علي الخاص واحدة من الاصدقاء بعتت الجملة دي . السعادة لم تكتمل. سالت ليه يا فندم ومين حضرتك بدات تحكي بكل صراحة وكل جراة وبدون خوف او احراج او تردد قالت انا عايزة من حضرتك تكتب قصتي وتنشرها ذي ماهي كده انا سهير من مصر المعادي عندي 38 سنة جميلة وجسمي جذاب عندي ولدين وبنت البنت الكبيرة عندها داوقتي 12 سنة ولدين تؤام 4 سنين تزوجت وانا عندي 20 سنة عن قصة حب دامت 4 سنبن .
ايام ما كنت في الدراسة كنت جميلة الجمال اللي يلفت النظر بقوام ممشوق وجذاب اتعرفت علي شاب اسمه خالد كان معايا في الدراسة حبني وانا كمان حبيته كان ليا صديقة بحبها جدا اسمها اميرة وخالد كان ليه صديق قريب منه جدا اسمه حسن اتخطبنا بعد حب سنتين واتجوزنا بعد الخطوبة بسنة كنت دائما بسمع ان صحبتي اميرة سمعتها مش كويسة بس دائما كنت بكدب نفسي واستعجبت جدا لما لقيت رد فعل اميرة الغريب بعد ما سمعت اني هتجوز من خالد ذي ما تكون عارفة حاجة انا ما اعرفهاش بعد الخطوبة بسنة اتجوزنا لسي فاكرة الفرح واللي حصل فيه من 18 سنة ذي ما يكون كان امبارح احداث كثيرة جدا حصلت مش ممكن انساها اهمها فرحة ابويا وامي واهلي اللي كانت باينة في عنيهم وفرحتي انا كمان وحلم عمري اللي علي وشك انه يتحقق وخلاص هخرج من سجن العزوبية نهائي ويجمعني انا وخالد بيت واحد وسفرة واحدة وسرير واحد كمان فيه حاجات غريبة حصلت في الفرح خلتني اقلق واخاڤ من اليوم ده.

الجزء الثاني.
حاجات كتيرة حصلت خلتني اقلق واخاڤ من اليوم ده .
نظرة صحبتي مروة الغريبة ليا وابتسامتها اللي بتحاول تداري وراها سر كبير كل ما عنيا تيجي في عنيها.
قلق وخوف وترقب جوزي كل ما بنقرب من انهاء الحفلة وكل شوية يمسح العرق من عليه وكل ما اساله مالك يقولي