تزوج عليها في السر
انت في الصفحة 1 من 6 صفحات
جوزي اتجوز عليا في السر ولما عرفت عملت فيه
وقبل ما نبدأ حكايتنا اعرفكم علي نفسي انا اسمي ندي وعندي 30 سنه متجوزه ومعايا بنت ولد توأم عندهم 8سنين وجوزي موظف في شركه كبيره ومرتبه كويس واهله مرتاحين ماديا وقبل ما يتجوزني فتحوله سوبر ماركت كبير كمان بجانب شغله في الشركه
وفي يوم كنت بنيم ولادي في اوضتهم وابني قالي
ماما انتي تعرفي طنط مايا ولا لا
ندي
مين طنط مايا دي يا حبيبي وتعرفها منين دي مامت حد من صحابك في المدرسه يعني
رد عليا وقالي
لا يا ماما دي صاحبة بابا اللي بيكلمها في الفون وهو واقف في البلكونه وكان بيقولها انه هياخدها ويتعشو بره هو احنا هنروح معاهم صح
ندي بدموع
ايوه يا حبيبي ان شاء الله كلنا هنروح مع بعض نام يلا وكفايه كلام عشان اختك ما تصحااش هي كمان
ندي
ايه رئيك يا حبيبي ادخل اعملنا فشار ونقضي السهره سوا ومع بعض النهارده ونجيب فيلم حلو نتفرج عليه
حسام
ايه يا ندي الجو القديم ده وبعدين انا مش فاضي انا عندي دلوقتي معاد مهم
ندي
دلوقتي يا حبيبي ده الساعه عشره ازاي يعني ومعاد ايه ده
شغل يا ندي هو انتي يعني لازم تسألي وتستفسري اوووي تعالي بس طلعيلي هدوم لحد ما اخد شاور
ودخل اوضته وانا قومت وروحت طلعتله هدوم وكمان ساعدته يلبس زي ما بعمل معاه كل يوم واول ما نزل لبست هدومي بسرعه وحتي نسيت البس الجزمه ونزلت لالشبشب عشان الحقه وفعلا لحقته واخدت تاكسي وفضلت ماشيه وراه لحد ما وصلت للمطعم اللي نزل عنده ولما دخلت ورااه لقيت الناس بتبصلي وتضحك
يا كسفتك يا ندي نازله بالشبشب بس كويس عشان شكلي هحتاجه دلوقتي اوووي
واخدت بالي ان حسام جوزي قاعد مع بنت حلوه اووي وبيتعشو مع بعض وبيضحكو وقولت بعصبيه
ندي
بقي هو ده المعاد المهم يا حبيبي طيب كنت قولي كنت عملتلك فشار تجيبه معاك مدام ما كنتش عايز تاكله معايا
حسام پخوف
يا نهار اسود ندي ااا انتي بتعملي ايه هنا دلوقتي وايه المنظر الي انتي نازله بيه ده
ثواني يا بيبي هي دي ندي مراتك بجد انا مش مصدقه انت ازاي عايش مع البتاعه دي بيئه اووي وكمان ايه الشبشب ده
حسام
نتي ايه اللي بتقوليه ده يا ساره عيب كده وانتي يا ندي تعالي نروح البيت وانا هفهمك كل حاجه والله
ندي
استني بس خليني ارد عليها عايزه تعرفي يا حلوه ايه الشبشب ده من عينيا هرد عليكي وانا بنزله علي دماغك يا خطافة الرجاله
هي مين دي اللي خطافة رجاله لا فوقي واتكلمي كويس حسام جوزك يبقي جوزي انا كمان مع ان المقارنه بيني وبينك صعبه طبعا في فرق كبير بينا
ندي بدموع
هي بتتكلم جد يا حسان انت اتجوزنها انت متجوز عليا ليه طيب انا قصرت معاك في ايه ده انا اللي خريجة كلية الطب قبلت اقعد في البيت من غير شغل عشانك وعشان اربي ولادنا ما جيتش يوم وقولتلك اني تعبانه ولا زهاقنه ولا طلبت حاجه منك فوق طاقتك
كانت ساره بتبصلي بشماته وقالي
لو سمحتي يا ندي لينا بيت نتكلم فيه وانتي يا ساره روحي وانا بكره هجيلك يا حبيبتي
ندي
بتقولها حبيبتك بقيت بتحب غيري يا حسام اخص عليك
بجد يا قليل الاصل
حسام پحده
اسكتي بقي وتعالي معايا انا مش فاهم انتي ايه اللي بتعمليه
