فندق المۏتي بقلم عادل عبد الله

فندق المۏتى ايوة انت قرأت صح فندق المۏتى هتعرف حكايتى متستعجلش .
انا خالد موسي عندى 48 سنة صاحب فندق فخم وشهير جدا ، بيجيلى ناس من كل العالم بس كل ده اتد.مر فى يوم وليلة بعد ما جاتلى مكالمة مهمة جدا ان فيه مستثمر جاي مصر وهينزل عندى الفندق .
طبعا جهزت الغرفة والفندق لاستقباله ، تانى يوم جه وكان مبسوط من الترحيب والاستقبال ، ولكن من يوم ما شوفته وانا مش مرتاحله !! كان واضح عليه انه شخص غامض جدا !!!

من بعد وصوله عدد النازلين فى الفندق بدأ يزيد بشكل ملحوظ !!!
لحد ما جاتلى شكوى من نزيل عندى ف الفندق روحت علشان اشوف ايه المشكلة وكانت من غرفة المستثمر ده .
:  ايه المشكلة ؟
ادم وقالى يعنى ايه فندق كبير زى ده اﻻقي الامن يفتح عليا الباب بالطريقة ديه ؟!!!
بصيت لمحمد وياسين افراد الامن !!! قالولى احنا بنمر كالعادة علشان نطمن ان مفيش مشكلة مع النزﻻء سمعنا صوت زعيق وتخبيط على باب غرفة الاستاذ من جوه ، فضلنا نخبط وننادى محدش رد لحد اما قررنا نفتح الباب ولما فتحناه ﻻقيناه.... 
قبل ما ياسين يكمل كلامه ادم قاطعه وقاله كنت بعمل ايه وبرقله بعينه بصيت على ياسين ﻻقيت وشه اتوتر وقال مكنتش بتعمل حاجة وكان بيحاول تجنب النظر ﻻدم !!
ادم اتكلم وقال خلاص مفيش مشكلة بس اتمنى متتكررش تانى ودخل غرفته ورزع الباب بصيت لياسين باستغراب من اللى عمله وقولتلهم يتفضلوا يكملوا شغلهم . 
وفضلت واقف قدام غرفة ادم مستنى اسمع اى حاجة .
لحد ما سمعته بيزعق لحد وبيقوله مش ذنبي الغبي هو اللى فتح الباب ومرة واحدة قال ...ايييه واقف برة ؟؟؟؟؟
الجملة ديه نزلت عليا زى الصعقة وﻻقيت الباب بيفتح وخرج ادم وبصلى بنظرة رعبتنى وقالى بصوت خشن فيه حاجة يا استاذ ؟؟؟
قولتله ﻻ مفيش حاجة انا كنت بمر ف الدور علشان اطمن على النزﻻء بصلى بقرف وقالي ياريت متركزش معايا احسنلك ... وقفل الباب في وشي !!

أخدت نفسي بصعوبة وروحت على مكتبي بفكر فى اللي بيعمله ادم جه ف بالى كاميرا المراقبة اللى قدام غرفته نزلت جرى على غرفة المراقبة وبصيت على غرفته مكنش فيه حاجة وفجأة  ﻻقيت الباب بتاعه بيتفتح وبيخرج منه حاجة سوداء اشبه بجسم الانسان مشي خطوتين ووقف فجأة وبدأ يتحرك ناحية الكاميرا ومرة واحد قرب وشه للكاميرا علشان اشوف اپشع منظر في حياتى ومن ړعب الموقف محستش بنفسي غير والمراقبين بيفوقوني من الغيبوبة !!!

بعدها قررت اني اطلع اشوف حكايته ايه بالظبط الرجل ده .
طلعت وخبطت علي باب غرفته لكنه مردش !! وفضلت اخبط علي الباب كتير ومفيش حد بيرد !!!
في النهاية فتحت الباب ودخلت كانت الغرفة فاضية نهائيا !!!
راح فين الرجل ده ؟ وخرج أمتي ؟ مش عارف !!!
خرجت من غرفته اتفاجئت ان الفندق فاضي نهائي مفيش اي حد موجود !!
مفيش نزلاء نهائي والموظفين كلهم اختفوا !!!
بقيت لوحدي في الفندق ومفيش اي حد تاني !!! فضلت ادور في الغرف وفي الريسبشن وفي كل الاماكن في الفندق مفيش اي حد !!!
نزلت علي كاميرات المراقبة في غرفة المراقبة اكتشفت ان كل الكاميرات اتعطلت !!!
ومن بعد اليوم ده كل ليلة الكهرباء بتطفي ونسمع صرخات من كل غرف الفندق لدرجة ان مفيش حد بينزل في الفندق وبيقعد فيه ليلة كاملة ويمشي !!!