رواية متعة الحياة للكاتب عادل عبد الله
بدأت اشك ان في حد عمل سحر بوقف الحال للمصنع والشركة !!!!!!
وبدأت الشركة تتأخر في تنفيذ العقود مع العملاء بسبب وقف الانتاج !!! وبدأت في تأجيل التسليم لبعض العملاء والبعض الاخر طالب الشركة بدفع الشروط الجزائية .
وفي يوم اتفاجأت بطلب حضور للنيابة باسم هادي ابني !!!!!
طبعا كانت صدمة لكن عرفت ان همس قدمت بلاغ بتتهم ابني هادي بأنه استغل تواجدها في مكان عملها في شركة والده وقام باستدراجها وهتك عرضها واغتصابها ومواقعتها جنسيا دون ارادتها !!!!!
كان لازم هادي يروح النيابة علشان تحقق معاه وفعلا روحنا النيابة ومعانا اتنين من كبار المحاميين لكن
ولأول مرة ابني يتحبس علي ذمة القضية !!!!
مش مصدق اللي بيحصل !! ده شيئ مش ممكن كنت اتخيله هادي اللي كان نفسي انه يكون الدكتور هادي بقي مچرم واتحبس ومستقبله ضاع !!!
ارسلت احد المحاميين للتفاوض وقولتله اني مستعد ادفع لحد مليون جنية .
لكن المحامي رجع وقالي متحاولش يا طارق بيه ابو البنت رافض مبدأ التفاوض والصلح نهائي .
قولتله اتفاوضت معاه لغاية المليون جنية
قالي ايوه يا طارق بيه والراجل رفض ولما حبيت اجيب اخره قولتله هنكتبلك شيك علي بياض حط فيه الرقم اللي انت عاوزه الراجل رفض بشكل قاطع ونهائي !!!
مكنش قدامي الا اني اروح للراجل بنفسي علشان احل الموضوع .
ركبت عربيتي وروحت لعبد الستار بيته !!!
اول ما شافني علي الباب قالي اتفضل يا طارق بيه معلش البيت مش قد المقام .
احل ازاي يا بيه
مش المحامي جالك وعرض عليك الفلوس اللي انت عاوزها
ايوه جي وعرض الفلوس .
و مش اتفقت معاه ليه
اتفق علي ايه يا بيه
تاخد مبلغ محترم تأمن بيه مستقبلك ومستقبل اولادك وتعيش عيشة مرتاحة بدل التعب .
لا مش هاخد فلوس .
اصلك انت مش فاهم يا طارق بيه
الناس اللي انت بتقول عليهم جعانين زي حالاتي فلوسك مش بتشبعهم .
اومال ايه اللي يشبعك
الستر يا طارق بيه .
قولتله بعصبية انت جايب الكلام ده من فيلم عربي قديم !! ما تعيش معانا الحياة اللي احنا عايشنا . الحياة يعني فلوس سيبك من الكلام الفاضي اللي ميأكلش عيش ده دلوقتي .
طيب قولي انت عاوز ايه علشان تتنازل
انا مش هتنازل يا بيه وهاخد حقي وحق بنتي بالقانون .
ده اخر كلام عندك .
ايوه ومعلش بقي تقدر تتفضل دلوقتي مش عاوز اعطلك اكتر من كده .
انت كمان بتطردني !!
لا يا بيه مقدرش طبعا .
نزلت من عند الراجل وانا مولع ڼار واتصلت بالاتنين المحاميين وطلبت اقابلهم مع بعض .
ولما قعدت معاهم قولتلهم الراجل مش هيتنازل وانا عاوز اطلع ابني من القضية دي بأي طريقة اتصرفوا والفلوس اللي كان هياخدها حلال عليكم .
قالولي ان العلم اتقدم دلوقتي والطب الشرعي ممكن يثبت بسهولة اذا كان الجنين اللي همس حامل فيه ابن هادي لكن الجزئية اللي هنحاول ننفيها تهمة الاڠتصاب !! وبالتالي هيكون الحكم اخف .
يعني ابني هيتحبس
ده شيئ اكيد لو همس وابوها اصروا علي رفض التنازل .
وطيب انا عاوز ابني يطلع من السچن !!
يبقي مفيش الا انه يوافق واذا مش وافق ياخد فلوس ممكن تهدده علشان يتنازل .
متعة الحياة
للكاتب عادل عبد الله
الحلقة الثانية عشر
يعني ابني هيتحبس
ده شيئ اكيد لو همس وابوها اصروا علي رفض التنازل .
وطيب انا عاوز ابني يطلع من السچن !!
يبقي مفيش الا انه يوافق واذا مش وافق ياخد فلوس ممكن تهدده علشان يتنازل .
جربت مع ابو همس الفلوس تاني وعطيته شيك ب ٥ مليون لكنه رفض !!! هددته وقولتله ان لو هادي اتحبس هدمره هو وبنته لكن الرجل كان عنده ثبات غريب علي موقفه !!!
واستمر حبس هادي حوالي شهرين لغاية يوم المحاكمة !!!
في خلال الشهرين كانت الشركة وقفت نهائيا لكن اهتمامي كله كان بنجدة ابني من السچن !!
وبدأ بعض العملاء مطالبتنا بالشروط الجزائية ورفعوا دعاوي قضائية ضد الشركة !!!!!
وفي يوم الجلسة كانت اول مرة اشوف سهام بعد ما طلقتها .
كان حزنها علي ابنها غير شكلها وكبرت اكتر من عشرين سنة في خلال شهرين !!
وكمان ولادي ميادة وزياد كان اول مرة اشوفهم من يوم طلاق امهم وكان واضح عليهم الحزن الشديد .
وفي نفس القاعة عبد الستار وبنته همس قاعدين مع باقي اسرتهم .
كان قلبي مقبوض طول الجلسة وقلبي حاسس ان ابني هيتحبس وكان كل تفكيري اعمل ايه علشان اخرجه من المصېبة دي !!!
روحت لعبد الستار قبل بدء الجلسة وقولتله اتنازل يا عبد الستار وهديلك نص فلوسي .
ضحك وقالي بعد الكلام اللي قولتله عليا وعلي بنتي وطردك ليا وقطع عيشي يا طارق بيه هقولك نفس الرد تاني فلوسك مش هتملا عينيا ولا هتشبع الجعان اللي زي حالاتي .
بدأت المحاكمة اللي استمرت اكتر من ساعة وكانت كل دقيقة بتمر بتأكد اكتر ان مستقبل ابني ضاع وانه هيدخل السچن !!
لكن المصېبة ان تهمة الاڠتصاب وهتك العرض ثبتت عليه والحكم كان بالاعډام !!!
مش ممكن الكلمات توصف شعور الصدمة عندي وعند سهام والولاد لدرجة انها فقدت الوعي وانتقلت للمستشفي وانا وقعت مكان ماكنت واقف !!!
ولما روحت المستشفي عرفت اني اصيبت بجلطة !!!
قعدت في المستشفي ايام وكانت يارا بتيجي تزورني كل يوم وتقعد معايا ساعة او اتنين وتمشي .
وفي اليوم الخامس خرجت من المستشفي وروحت لعبد الستار ابو همس و قولتله يا عم عبد الستار انا هكتب المصنع والشركة باسمك واتنازل عن القضية
قالي لأ .
نزلت دموعي مني وقولتله انت عاوز تضيع ابني ليه حرام عليك
قالي زي ما ضيع بنتي .
لكن انت بنتك هتعيش وتتجوز وتعيش حياتها انما هادي ھيموت .
علشان تعرف بس يا طارق بيه ان الفلوس مش كل حاجة لسه مش مصدق وبتقول كلام قصص وافلام !!! انت حر لكن خلي فلوسك تنقذ ابنك !!!!!
قولتله بعصبية هدفع ملايين واهربه .
قالي لو لسه له عمر هيعيش انما لو عمره انتهي فلوسك كلها مش هتمنع عنه المۏت .
ارجوك ابوس ايدك اتنازل وانقذ ابني .
عيب يا بيه
