رواية زواج اضطراري بقلم ضحي

اللي عرفك انه مش من الناس اللي عايزة تقتلك
قالت ببعض التوتر .. ما هو انا كنت خاېفة بقي فمفكرتش وتوقعت انه يكون الظابط اللي كلمتوني عنه
. طاب ممكن حد يفهمني ايه الموضوع بدل ما انا زي الاطرش في الزفة كده وقال ايه المفروض احميها من ايه وليه معرفش قال ايه مبتعرفش تشرح
. انا هفهمك باباها رجل الاعمال المعروف يحيي الدريني وكان في شريك له اسمه منصور الشرقاوي ريان ده راجل شغله كله مشپوه بس محدش كان يعرف وعايش في الدرا لحد ما يحيي كشفه وعرف بلاويه السودة وقاله انه هيفضحه ..بس ريان هدده بحياة بنته فهو سكت بس كان ناوي انه يحكي لباباك لانه زي ما انت عارف صديقه ..بس بالصدفة ان يومها كان يوم حفلة معمولة في بيت يحيي عشان صفقة جديدة وكده وكانت حور معدية ووقفت سمعتهم بس محدش خد باله 

ثم نظر لها بعتاب واكمل .. وهي قعدت تدعبس ورا الموضوع بحكم مهنتها طبعا صحفية ووصلت لورق يدين ناس كبيرة اوي في مصر ومنهم ناس في الداخلية هنا ..يعني موضوع حمايتها ده محدش في الداخلية يعرف عنه حاجة غير انا وابوك لاننا علي معرفة شخصية بيحيي فاستنجد بينا لما هي كلمته وقالتله علي موضوع محاولة قټلها لانه مسافر في تركيا عنده شغل ولو رجع دلوقتي الموضوع هيتشك فيه وممكن يخلصوا عليها ..فطبعا مكانش في غيرك قدامنا نثق فيه لان الموضوع كبر جدا
. طاب ودلوقتي المفروض اننا نعمل ايه لو زي ما انت بتقول والموضوع كبير كده هي اكيد متراقبة وكل تحركاتها مرصودة ..يعني لو راحت اي حته هيتعرف وممكن تتقتل!
نظرت لهم كمن اكتشف اختراع عظيم وهي تقول .. انا اقولكم الحل
هو احنا بنفسحك بيقولك ھتتقتلي! قولي يا اختي الحل
قالت بعدما نظرت له بعمق ..تتجوزني
بدت ملامح الصدمة جلية علي وجهه وهو يقول .. نعم !
. ايوه ماهو المكان الوحيد اللي مش هيدوروا فيه هو بيتك لانهم عمرهم ما هيتوقعوا اني عندك وانا مينفعش اقعد في بيتك غير واحنا متجوزين 
ثم اكملت بثقة .. وكمان همه اصلا مخدوش بالهم مني خرجت رحت فين لاني رشيت علي عنيهم ميه بفلفل
. ميه بفلفل مين دي
بدا علي وجه اللواء الذهول ثم قال .. معرفش اقصد فكرة عظيمة جدا والله ازاي مجاتش علي بالنا احنا نتصل بالمأذون بقي.
نظر اليهما پصدمة حتما سيقوداه الي الجنون الان .
. مأذون مين يا عم انت وهي انتو مجانين انا مالي ما تولع
نظر له اللواء پغضب ثم قال بنبرة مرتفعة .. جرا ايه يا سيادة المقدم ده شغل وانت مكلف بحمايتها وموضوع الجواز ده حاليا الحل الوحيد وبعد ما تخلص المهمة ونتطمن انها في امان تتطلقوا
. مش القصد يا باشا بس اقولهم ايه في البيت يعني خرجت الساعة 2 الفجر اتجوزت ورجعت!
. تعالي طيب نتكلم سوا بره شويه
خرج كلاهما من المكتب تاركينها وحيدة بداخله..نظر له اللواء پغضب ثم قال .. انت هتصيع عليا يلا ان مكنتش عارف اللي فيها وانك سايبلهم البيت وقال ايه بتستقر وكبرت وهتعيش لوحدك عامل نمرة على البت! وبعدين انت تطول اصلا انت مش شايفها عاملة ازاي
. ايه تطول دي وليه الغلط يا عم عادل هي اه حلوة شويتين تلاتة كده بس المبدأ برضه
. مبدأ! بقولك ايه هو ده اللي هيحصل وهتتجوزها عشان تحميها ڠصبا عنك تحميها بس هه شيطان

يصورلك ويقولك حاجة تانية رقبتك تروح فيها البت ترجع صاغ سليم وبطل عم عادل دي انا هنا اللوا مش بلعب معاك طاولة على القهوة 
. يعني حتي ام الليلة دي مش هطلع منها بمصلحة 
. بتقول ايه يا حيوان انت!
. يا عم مبقولش مبقولش شغلانة هم 
. اتفضل قدامي اما ندخل نشوف البلوة اللي جوا دي
دلفا الي غرفة المكتب الخاصة باللواء وما ان خطت قدمه بداخلها حتي صعق من هول ما رأي
وجدها جالسة علي كرسي اللواء خلف المكتب ونائمة متوسدة يديها علي سطحه ..يا الله كم هي فاتنة ! أ كلمة فاتنة تصفها بشرتها الحليبية الصافية كبشرة الاطفال مع خديها المتوردين بالحمرة دائما والعينين اللاتي يضاهين زرقة السماء جمالا ولكنهما اللان مختبئين اسفل جفنيها وتغطيهم تلك الاهداب الرائعة الطويلة وشعرها الذي يغطيه ذاك الوشاح الابيض ويحجبه عن الناظرين اية من الجمال تجسدت في بشړ ..
. يالهوي ياما
. في ايه ياض ما تجمد !
. بقولك ايه يا عم اتصل بالمأذون دلوقتي دلوقتي
. لعب عيال هو يلا ما تهمد ..قالها بنبرة مرتفعة ادت الي استيقاظها 
. في ايه ما تهدوا في ناس نايمة هنا قالتها بصوت ناعس 
.انتي نايمة في بيتكو انتي التانية م اتقومي 
وبعد ساعة كان المأذون قد وصل وكان اللواء عادل وكيل لها وانهي المأذون الامر بجملته المعتادة ..بارك الله لكما وبارك عليكما وجمع بينكما في الخير
وقضي الله امرا كان مفعولا