قصة زوجي وزوجة أخي
ليلة وهو نايم اخدت تليفونه ادور فيه علشان اشوفهم بيتصلوا ببعض والا لا
لاقيته عامل رقم سري للتليفون وديه اول مرة يعمل فيها رقم سري لتليفونه
قلت يمكن علشان قفشته قبل كدة اكتر من مرة بيكلم بنات
واستنيت تاني يوم وقلتله هات تليفونك ارن على ماما علشان مش معايا رصيد
فتح لي التليفون خدته وعملت اني بكلم والدتي ودخلت المطبخ علشان الاكل على الڼار طلبت رقمها ولاقيته مسجله باسم ابراهيم شركة
من سكات مسحت الرنة اللي رنيتها عليها ورنيت على والدتي
قولتلها عاملة ايه
قالتلي مال صوتك
قولتلها ماليش بس داخل عليا دور برد المهم انتي كويسة
قالتلي الحمد لله
قفلت مع والدتي ورجعت له التليفون
طبعا ماكانش مصدق في الاول بس
قالي اوعي تبيني لجوزك انك عرفتي اي حاجة !
وانا هتصرف قلتله هتعمل ايه
قالي هفهمك بعدين
وبالرغم من ان اخويا قالي مابينش لجوزي اي حاجة بس ما قدرتش وكنت بحاول اتجنبه على غير عوايدي بس هو حتى من كتر ما كان دماغه مشغول بيها ما اخدش باله !
قالي انا قلت لمراتي اني عندي مأمورية بعد بكرة وهبات بره
أخويا اتصل بيا وقالي أنو قال لمراتو أنو عندو مأمورية
بعد بكرةوقالي كمان أن بكرة اخواتي
هيتجمعوا عند أهليلازم أروح وكمان أخد جوزي معايا
قلتله بلاش مش هتقدر تتحكم في أعصابك
لو حصل أي تجاوز قدامك بعد ما عرفت اللي بيحصل من وراك.
المهم أنك ما تبينيش أي حاجة لجوزك.
قلتله ماتقلقش بس عرفني أنت ناوي تعمل ايه
قالي ماتشغليش بالك أنت سيبيها علي ربنا.
قلتله ونعم بالله وقفلنا.
قبل ما جوزي ييجي بالليل كنت نيمت البنات وجهزت العشا
زي كل ليلةلما جه واحنا بنتعشي
قولتله ان شاء الله بكرة هروح عندنا أقضي اليوم مع اخواتي
رد عليا والفرحه هتنط من عينيه
وقالي هقعد لوحدي أعمل ايههاجي أقضي اليوم
معاكي أنت والبنات.
قلتله هنروح علي الغدا ان شاء الله!
قالي وليه علي الغدا مانروح من أول النهار زي كل مرة.
قلتله غريبة !
قالي ايه اللي غريبة !
قلتله ده أنا كنت بتحايل عليك قبل كده تيجي بس تتغدي معانا
قالي لو مش عاوزاني أروح هفضل هنا
شكلك مش مبسوطة أني هقضي اليوم معاكم.
قلتله لأ طبعا مبسوطة بس خلينا نروح علي الغدا أكون خلصت اللي ورايا.
وزي ما يكون خبر مرواحنا لأهلي فتح نفسه علي الأكل......
بعد العشا قعد هو يتفرج علي التيليفزيون وأنا دخلت نمت جنب البنات.
تاني يوم قبل العصر بحاجة بسيطة لبست ولبست البنات هو كان لابس
وروحنا عند أهلي
