اسرار حماتي كاملة جميع الاجزاء
امك هي و10 أشخاص تانيين من ضمنهم أخوها وجوز أختها كانوا أعضاء منظمة سرية اسمها منظمة ال 11 أخ، المنظمة دي كانت بتحارب عبدة الشيطان في مصر وبتحرض الناس ضدنا، وانا كنت لازم أكسب حربي في النهاية، والجماجم انا بستخدمها في تحضير أرواح أصحابها، احنا دلوقتي عندنا جيش من الأرواح مجندين لخدمة أهدافنا..
دلوقتي انت فهمت كل حاجة وعرفت الحقيقة، وقدامك اختيار من اتنين، يا تكون معايه يا تكون ضدي، لو بقيت معايه هتعيش للأبد، ولو بقيت ضدي هتدوق كل اصناف العڈاب، هحول حياتك لچحيم..
تعابين ضخمة بتخرج من كل مكان، اټفزعت وحاولت أجري، لكن فجأة التعابين كلها اختفت..
قالتلي دي عينة بسيطة من اللي اقدر اعمله فيك..
قالت كدا ودخلت الأوضة وقفلت على نفسها..
مراتي خرجت، قالتلي ايه يا محمد، مش سامع الجرس بيرن، مردتش عليها، خرجت فتحت الباب كان كيرلس اللي جايلي حسب الاتفاق اللي بينا..
لقيته مخضوض وبيقولي
- محمد، يالا نمشي من هنا فورا
- تعالى بس هوريك حاجة بس لازم تشوفها برا مينفعش هنا..
نزلت معاه، روحنا القهوة اللي قدام البيت، كانت شبه فاضية بالنهار
- ها يا كريلس، حاجة ايه اللي هتوريهالي
= بص يا محمد، انا كنت شغال في امريكا في الصحافة، كنت بكتب في مجلة روحانية كدا اسمها the souls world، مجلة الكترونية بتتنشر على النت..
وكنت عامل تقرير صحفي عن جم١عة من بتوع عبادة الشيطان اللي كلمتك عنهم دول، فيه مجموعة انتحروا اڼتحار جم١عي وسط طقوس غريبة كدا عشان يوهبوا روحهم للشيطان، والجلسة دي كلها كانت متصورة فيديو وانا يومها نشرت الفيديو مع الخبر..
ضمن الجم١عة اللي انتحروا دول اتنين مصريين، ام وبنتها..
شوف كدا الصورة دي يا محمد، دي صورة البنت وأمها، البنت دي هي اللي فتحتلي الباب لما جيت عندك البيت.. هي كمان مېتة..
= مش ممكن، دي مراتي وحماتي
