رواية كلهم قالوا عنها ذلك (كاملة) للكاتب عادل عبد الله
وكده كل ده كان عادي .
تمام .
لأ مش تمام .
ليه
لأن بعدها قالي انه هينزل يشتري لب وسوداني لزوم السهرة !!
سابهم معاكي ونزل !!!
ما انا استغربت وجريت وراه قولتله انت هتسيبني معاهم لوحدي وتنزل قالي عادي دول زي اخواتي واكتر !!! انا اتكسفت ارجع اقعد معاهم لوحدي فأضطريت اني اقعد في أوضتي مستنية انه يرجع .
ايوه صح كده احسن .
ده انسان عجيب اوي وبعدين كملي يا ايناس
حاول يطمني ويفهمني اني غلطانه واته بيثق في اصحابه اكتر من نفسه بعدها دخلنا تاني قعدنا معاهم وشغلنا قنوات الاغاني والكليبات وصبري صحبه طلع سيجارتين مخډرات وبدأوا كلهم يشربوهم مع بعض فأنا اضايقت من الدخان وقومت دخلت اوضتي .
وبعدين
اتكررت سهرات اصحابه اكتر من مرة وكل مرة يحاول يقعدني معاهم .
وكنتي بتقعدي معاهم فعلا
مع الضغط عليا وافقت وقعدت معاهم في الاول كان ريحة الدخان بتضايقني لكن مع الوقت اتعودت عليها لحد ما في يوم اتفاجئت بعد ما شربوا كتير بأيهاب جوزي بيقولي ما تقوم ترقصلنا شوية !!
زي ما بقولك كده .
مش ممكن !!!! كملي كملي وعملتي ايه
رفضت طبعا وسبت البيت بعدها ورجعت قعدت عند تيتا .
كانت تيتا لسه عايشة
ايوه .
وبعدين حصل ايه
ايهاب حاول يصالحني بكل الطرق و حاول يقنعني انه كان مبسوط شوية وانه مش يقصد حاجة وحشة .
ممكن سؤال
اتفضل اسال يا عز برحتك .
هو ايهاب ده كان مش بيغير عليكي خالص
وبعدين حصل ايه
بعدها اتصالحنا واصحابه قلوا من زيارتهم عندنا وكنت مش بقعد معاهم لحد لما تيتا ماټت .
وبعدين
بعدها ايهاب اتغير ورجع اصحابه يزورونا كل يوم وطلب مني اني اقعد و اشرب معاهم مخډرات كمان وهددني .
هددك ازاي
قالي انه كان عاوز يتجوز واحدة فرفوشة ومتحررة وانه كان فاكرني فرفوشة ومتحررة اكتر من كده ولو فضلت بالاسلوب ده هيطلقني .
انا بعد مۏت تيتا كان مش ليا حد في الدنيا غير ايهاب فأضطريت اني اوافق .
وافقتي !!!
ايوه .
وبعدين
كفاية كده النهارده نكمل كلامنا بكره احنا الساعة ٤ الفجر دلوقت وكده مش هنعرف نروح شغلنا بكره .
قفلت معاها ونمت علطول والصبح صحيت بالعافية بسبب قلة النوم وروحت الشغل متأخر .
انا اسف والله اوعد حضرتك مش هتتكرر تاني .
وبعد دقيقتين وصلت ايناس واستاذ عبد المنعم حذرها بردو بسبب التأخير وقالنا انتوا جايين مع بعض ولا ايه
لا ابدا يا فندم دي مجرد صدفة .
ردت ايناس هنيجي مع بعض ازاي يا استاذ عبد المنعم ده هو ساكن في الزتون وانا في امبابه !!
ومر اليوم ولاحظت ان استاذ عبد المنعم شبه بيراقبني كل ما اتكلم مع ايناس بعدها ايناس قالتلي خف الكلام معايا شوية علشان عبد المنعم مركز معانا اوي .
قبل نهاية اليوم بحوالي ساعة وكانت الساعة اربعة تقريبا لاحظت ان عبد المنعم بيقول لايناس بلاش تمشي في ميعادك استني شوية علشان عاوزك ردت ايناس حاضر ولما عبد المنعم لاحظ اني اخدت بالي من الكلام قال لايناس بصوت أعلي فيه كام ورقة مش عارف عنهم حاجة لما تخلصي شغلك تعالي شوفيهم عاوز اعرف بتوع ايه .
اندهشت لأني حسيت أن في شئ غامض مش طبيعي بين الاستاذ عبد المنعم وبين ايناس وكنت عاوز افهم طبيعة الشى المريب ده !!
الساعةخمسة الا عشرة تقريبا طارق مشي وبعده بخمس دقايق هدي كمان مشيت وبعدها بدقتين مشي شادي وانا جهزت نفسي علشان امشي بينما هدي كانت قاعدة جنب استاذ عبد المنعم ومعاهم مجموعة اوراق .
ومش باقي في الشركة الا عبد المنعم وهدي والاوفيس بوي اسمه سمسم وده المفروض انه اخر واحد بينزل من الشركة ومعاه استاذ عبد المنعم كل يوم .
كنت مش
