رواية زوجة رجل ضعيف " حصرية " للكاتب عادل عبد الله

كامل لا أبدا متقولش حاجة المهم تهتم بشغلك كويس وتجيب مراتك معاك علطول علشان تساعدك في المصاريف .
شادي حاضر يا فندم أنا فعلا حبيت الشغل في المطعم هنا وان شاء الله أكون عند حسن ظن سعادتك .
أخذ شادي دعاء ثم أنصرفا وهو في قمة السعادة وقال لها شوفتي مستر كامل أداني ايه !!
دعاء ايه ده 
شادي خمسمائة جنية وقالي دول خارج حسابي علشان حاسس بظروفنا وقالي أهتم بالشغل وأجيبك معايا علطول علشان نساعد بعض في المصاريف .
دعاء فعلا هند المشرفة قالتلي أنه كريم أوي لكن الصراحة انا مش مرتاحة للراجل ده .
شادي ليه يا دعاء 
دعاء مش عارفة لكن مش مرتاحة له خالص نظراته كده فيها حاجة غريبة وكلامه فيه تلميحات مش فاهمها لحد دلوقتي !!
شادي بعصبي نظرات أيه وتلميحات أيه !!! ده راجل قد أبوكي ومن ساعة ما أشتغلت في المطعم مفيش واحدة أشتكت منه !! 
دعاء أنا بقولك علي أحساسي .
شادي أحساسك غلط وبلاش بقي الكلام ده علشان منقطعش عيشنا عنده بأيدينا احنا ما صدقنا لقينا شغل والراجل كريم وأيده فرطة أهو .
دعاء طيب يا شادي يارب يطلع أحساسي غلط .
شادي تحبي تتعشي أيه بقي 
دعاء أي حاجة .
شادي بضحك نتعشي سمك وجمبري علشان تبقي ليلتنا حلوة .
وفي اليوم التالي ذهب شادي ودعاء الي عملهم في المطعم وفوجئ شادي بمستر كامل يقول له أنت من النهاردة مش هتدخل المطعم جوه تاني !!
تعجب شادي ليه يا مستر أنا عملت حاجة غلط 
مستر كامل لا يا حبيبي بالعكس لكن بدل اعمال لم الصحون والأطباق وأعمال النضافة هخليك تقف علي باب المطعم تستقبل اللي داخلين هتستقبل اللي داخلين وتقعدهم مع كلمتين حلوين وابتسامتك الحلوة وبس وتنادي كابتن الصالة لهم وترجع تقف تاني بره .
تعجب شادي ثم قال له حاضر يا مستر .
مستر كامل أنا شايفك لسانك حلو وبتتكلم كويس ومظهرك حلو علشان كده لازم تبقي واجهة مشرفة للمطعم وفي مقابل ده هزود اجرك .
شادي بفرحة حاضر يا مستر وان شاء الله هكون عند ظنك فيا .
استلم شادي عمله الجديد في المطعم وأنقطعت صلته نهائيا بالمطبخ وأصبح لايري دعاء الا وقت خروجهم فقط !!
مستر كامل أصبح دائم التردد علي المطبخ سواء بسبب او بدون !!
وبعد عدة أيام دخل مستر كامل للمطبخ وسأل دعاء ايه يا دعاء أخبار الشغل معاكي أيه 
دعاء تمام يا مستر .
وضع مستر كامل يده يتحسس ظهرها بلمسات شھوانية ثم قال لها لو فيه أي مشكلة معاكي في الشغل قوليلي .
زوجة رجل ضعيف 
للكاتب عادل عبد الله
الحلقة الخامسة
وضع مستر كامل يده يتحسس ظهرها بلمسات شھوانية ثم قال لها لو فيه أي مشكلة معاكي في الشغل قوليلي .
ردت دعاء بتأفف لا يا مستر كله تمام . ثم ابتعدت عنه !!
سحب مستر كامل يده ونظر الي هند ثم خرج بينما كانت دعاء منزعجة بسبب ما فعله مستر كامل .
نظرت لها هند ثم سألتها مالك يا دعاء في حاجة مضيقاكي 
دعاء يعني أنتي مش شوفتي هو عمل أيه !
هند قصدك مين مستر كامل 
دعاء أيوه .
هند هو كده مستر كامل دايما بيحب يهزر .
دعاء لكن انا مش بحب الهزار من النوع ده .
هند تبقي غلطانة طبعا .
دعاء غلطانة !!! ليه 
هند فاكرة لما قولتلك أن مستر كامل كريم ۏسخي وممكن يغرقك فلوس بس المهم أنك تسمعي كلامه 
دعاء طيب انا بسمع كلامه في الشغل لكن يمد أيده بالشكل ده لا !!!
هند يا عبيطة هو هياكل منك حته ده كله هزار ولو كنتي مش ظهر عليكي أنك اتضايقتي كان زمانه عطاكي ورقة بمائتين جنية !!
دعاء لا يا هند أنا مش بحب كده .
هند أنتي كده هتغيري فكرتي عنك وممكن تتسببي بغبائك ده في قطع عيشك من هنا ومش أنتي بس ده ممكن جوزك كمان يتقطع عيشه !!!
خرجت دعاء وأكملت عملها طوال اليوم وقبل أنصرافها بدقائق دخل مستر كامل الي المطبخ وأعطاها ألف جنية وقال لها خدي الفلوس دي ليكي أنتي ومتعرفيش شادي أني عطيتك فلوس .دعاء فلوس ايه دي يا مستر كامل 
مستر كامل الفلوس دي ليكي أنتي لو حبيتي تشتري حاجة نفسك .
دعاء ومعرفش شادي جوزي ليه 
مستر كامل يا عبيطة لازم يبقي معاكي فلوس بتاعتك أنتي بعيد عن جوزك ومش لازم كل حاجة جوزك يعرفها !! خليكي ناصحة وأسمعي اللي بقولك عليه .
نظرت له دعاء في تعجب وحيرة وقالت حاضر يا مستر كامل .
وضع مستر كامل يده علي ظهرها مرة أخري وقال لها يلا بقي علشان تروحي مع جوزك .
خرجت دعاء مع شادي وأثناء رجوعهم الي منزلهم كانت دعاء شاردة الذهن تفكر .
فسألها شادي مالك يا دعاء بتفكري في أيه 
دعاء بفكر في صاحب المطعم .
شادي مستر كامل 
دعاء أيوه .
شادي ماله 
دعاء