رواية ابن أمي وأبويا ( حصرية ) للكاتب عادل عبد الله

ليه كدبتي وقولتي لأسامة أني عاكستك  
هقولك يا احمد انا كنت عارفة من زمان انك بتحبني و كنت عاوزة اشتكيلك من اخوك يمكن تقدر تأثر عليه وينعدل حاله معايا .
انا مش مصدقك بصراحة لكن هعتبر ان كلامك صح عاوز اعرف بقي ليه كدبتي وقولتي اني عاكستك  
ردك عليا كان صعب اوي حسيت انك جرحت كرامتي علشان كده بصراحة كنت عاوزة انتقم منك .
تقومي تتهميني پتهمة زي دي !! والله حرام عليكي .
معلش يا احمد سامحني وانا في اول زيارة لأخوك هعترف له بالحقيقة بس بالله عليك تقف جنبه للنهاية .
ربنا يقدم ما فيه الخير احنا هنقوم محامي نقض كبير القضية وان شاء الله ربنا يظهر برائته بس يا ريت بلاش تتصلي بيا تاني وانا هقف جنبه للنهاية ولو عاوزة اي حاجة بلغيها لسامية او فريدة .
وفعلا قومنا محامي نقض كبير يمسك القضية وقدم مذكرة نقض واتقبل النقض واتحددت جلسة محاكمة وفي يوم المحاكمة روحنا كلنا الجلسة وكنا ھنموت من القلق واول ما أسامة شافني
ابن أمي وأبويا 
الحلقة السادسة عشر
وفي يوم المحاكمة روحنا كلنا الجلسة وكنا ھنموت من القلق واول ما أسامة شافني نادي عليا وقعد يبكي ويقولي سامحني يا احمد عبير قالتلي الحقيقة انا ظلمتك كتير .
قولتله سيبك من الكلام ده مش وقته اهم حاجة نطمن انك تطلع براءة .
قالي عارف انا نفسي برائتي تظهر لسبب واحد بس هو اني احاول اصلح الغلطات اللي كنت بعملها .
بدأت جلسة المحاكمة ومر وقتها اللي استمر اكتر من ساعة واحنا كل دقيقة بتمر علينا كأنها سنة .
وفي نهاية الجلسة كان حكم البراءة .
ملئت قاعة المحكمة صيحات الفرح والحمد لله و الزغاريد .
وفي اليوم التالي خرج أسامة وعاد لبيته .
وقبل ما يدخل بيته وصل عندي ومعاه مراته عبير .
سندس اول لما شافتهم اتضايقت دخلوا البيت عندي وقعدنا كلنا وكان معانا سامية وفريدة وازواجهم .
أسامة قالي انا عارف اني غلطت في حقك كتير يا اخويا وعاوزك تسامحني .
انا مسامحك بس يارب تكون فعلا اتغيرت مش تغيير وقتي علشان اللي حصل .
لأ صدقني انا الايام اللي فاتت دي علمتني حاجات كتير اولها اني كنت فاهم كل حاجة في الدنيا غلط .
قدامك فرصة تبدأ من جديد وتصلح اخطائك وتعيش حياتك صح .
عاوزين يا احمد نبقي عيلة واحدة بجد ونعيش كلنا مع بعض ايه رأيك تيجي انت ومراتك وعيالك نعيش كلنا في بيت العيلة الكبير .
ردت سندس وقالت لأ معلش احنا اه عيلة واحدة بس كل واحد يعيش في بيته .
بصيت لسندس وضحكت وقولت لأحمد فعلا ايه لزمتها نعيش كلنا في بيت واحد ونضيق علي نفسنا مادام ربنا موسع علينا وكل واحد عنده بيت كل واحد يعيش في بيته وبردو هنفضل عيلة واحدة .
رد أسامة اللي تشوفوه لكن انا عاوزك يا اخويا تمسح من قلبك اي حاجة وحشة حصلت مني ليك ونبقي بجد عيلة واحدة ونقف جنب بعض .
و هي دي الحقيقة وربنا ما يدخل شيطان بينا ابدا .
يعني انت حقيقي سامحتني  
ايوه يا اخويا وعفا الله عما سلف .
ويا ريت كمان تسامح امك 
هسامحها ازاي وهي حرمتني من كل حاجة حلوة حتي من حنانها عليا تقدر تقولي كنت اجيب أم تانية منين وهي عايشة احساس الظلم وحش اوي خصوصا لما يكون من اقرب حد ليك في الدنيا .
ايوه بس انت قلبك كبير وطيب سامحها هي اكيد بتتحاسب علي ظلمها ليك .
ربنا اللي بيسامح .
النهاية .