مازال في العمر بقية للكاتب عادل عبد الله الجزء الثاني والاخير

لسه في العمر بقية 
للكاتب عادل عبد الله
الجزء الثاني
طيب قوليلي بصراحة لو أتقدملك راجل محترم ومناسب مش هتفكري تتجوزي 
أنتي بتهزري يا هبة أتجوز ايه في السن ده !!
اومال يعني هتعيشي لوحدك !
أيوه وفيها ايه خلاص بقي احنا وصلنا البيت .
طلعت الشقة ودخلت وفعلا لأول مرة كنت احس اني بقيت وحيدة !!!
دخلت ووقفت قدام المرايا وبدأت اتفرج علي شكلي اللي فعلا حسيت أني صغيرت كتير اوي .

قلعت الفستان ولبست قميص نوم من اللي كنت بلبسهم زمان أيام المرحوم ونمت علي السرير وكلام هبة بيرن في وداني ونظرات الرجالة في الفرح شايفاها في خيالي !!
وافتكرت كلام كريم وخصوصا لما قالي انه معجب بيا وعايز يتجوزني !!
وبدأت افكر يا تري ممكن فعلا افكر اتجوز تاني !! 
وفجأة يرن الموبايل والمتصل كريم !!
أترددت في ان أرد ثم قررت أني أرد  علي التليفون .
نعم 
 ايه يا زيزي  مكنتيش عاوزة تردي عليا ولا أيه !!
 لا   اصل التليفون كان  بعيد عني
 طيب مردتيش عليا يعني !!!
 ارد عليك في ايه 
في طلبي اللي انا قولتلك عليه .
 اللي هو ايه 
 أننا نتجوز 
 انت يابني فاهم انت بتقول ايه ! انت عارف معني الكلام ده ايه !
 ايوه عارف طبعا .
 يا كريم  انت مچنون !! انت مش عارف اني ارملة وعندي بنت في سنك دا غير فرق العمر اللي بيني وبينك !!
كل دا مش مهم المهم أننا نتجوز .
 بس بهمني انا دي حاجة هتبقي عيب في حقي   روح يا كريم حب بنت في سنك وأتجوزها وأفرح .
 انا بحبك وعايز أتجوزك انتي .
قولتلك مينفعش .
 ليه يا زيزي 
زيزي كده من غير طنط !!
 انتي مش كبيرة كدا عشان اقولك يا طنط وبعدين في واحد يقول لحبيبته ولمراته  يا طنط !
 مش كبيرة !! انا اد عمرك مرتين يا بني !!
 ميهمنيش بردو .
 اطلع من دماغي يا ابني انا دماغي تعبانة من الفرح و مش فاضية للمراهقة بتاعتك دي .
 انا مش مراهق يا زيزي !!
تاني هتقولي يا زيزي  !!  يلا بقي انا عايزة انام سلام .
لا استني مخلصناش كلام .
معلش يا كريم سلام .
وفضلت صاحية علي السرير بفكر ايه الحاجة اللي تخلي واحد زي كريم يفكر يقولي الكلام ده  ! ويا تري الاحساس اللي انا حسيته ده فعلا هو ده الحب ولا خوف وتوتر من الموقف ! ويا تري  ممكن فعلا أحب واتجوز واحد زي كريم !!
صحيت الصبح بصيت في الموبايل كان رن عليا اكتر من ٥٠ مرة !! 
جهزت نفسي وخرجت اروح ابارك لايناس وجوزها .
أتفاجئت بكريم جاي ورايا وبيوقفني في الشارع !!
ايوه يا كريم في حاجة 
طول الليل ولحد من شوية وانا بتصل بيكي مبترديش عليا ليه 
ارد عليك اقولك ايه يا بني 
علي الاقل تشوفيني كنت بتصل ليه كل ده !!
ما انا عارفة اللي هنتكلم فيه .
وعلشان كده بتهربي مني 
أنت اكيد مش طبيعي يا كريم .
مش طبيعي علشان عايز أتجوزك !
ايوه طبعا المفروض تفكر تتجوز بنت من سنك علشان تكون مناسبة لك انما انا مش مناسبة لك ابدا .
لكن أنا بحبك و عايز اتجوزك  انتي .
بعد اذنك يا كريم حاول تنسي الموضوع ده خالص وسبني بقي علشان عايزة اروح ابارك لايناس وجوزها .
مشيت وروحت باركت لبنتي وجوزها لكن طول الوقت كان كلام كريم بيرن في وداني وتفكيري كله لعدة ايام بعدها .
كان من جوايا حيرة بين اني أعيش الحالة   اللي عيشت طول عمري اسمع عنها  وبين خۏفي من التجربة اللي العقل بيرفضها وكل الناس اكيد هترفضها وهتبقي ڤضيحة لو حد عرف أني هرتبط وأتجوز  بشاب  من سن بنتي !!!
كريم كمان بطل يتصل بيا تقريبا لأنه زعل من كلامي له ورد فعلي عليه .
لكن علاقتي بامه هبة أستمرت كما هي هي بتيجي تقعد معايا وانا بروح اقعد معاها لأننا أحنا الاتنين فاضيين أغلب