مازال في العمر بقية للكاتب عادل عبد الله الجزء الثاني والاخير

أتكلمي  معاه أحسن من كده يمكن يكون فيه نصيب وترجعوا لبعض .
أنا وهو !! لااا أنا مصدقت خلصت منه ده راجل نكدي وكنا كل يوم نتخانق أنا كده كويسة جدا .
بس الشهادة لله كان مش حارمكم من حاجة وكل طلباتك كانت مجابة .
وهو كل حاجة طلبات البيت يا زينة !! فيه حاجات تانية الست بتحتاجها .
هو كان مقصر معاكي من ناحية الحاجات التانية !!
هبة ضحكت وقالت لا أنتي دماغك راحت لفين !! لا يا حبيبتي مكنش مقصر في الحاجات دي لكن اللي اقصده حاجات تانية زي الاهتمام و الكلمة الحلوة أو هدية بسيطة حتي لو كانت شوكولاته أو أنه ياخد رأيي في أي حاجة من الاخر احس أني ليا كيان وان جوزي ده بيحبني وموجودة في حياته .
وفي المساء قعدت  مع نفسي في غرفتي و تذكرت كلام جمال اني ما زلت محتفظة بشبابي وجمالي و مسكت بمرآة موجودة بجواري بصيت لنفسي وضحكت لماذا انا ملفته لهذا  الشاب العشريني الذي يبدو أعراض المراهقة مازالت تسيطر عليه وكمان نولت أنتباه هذا الرجل الخمسيني الناضج ايضا !!!  
وفجأة يرن الموبايل والرقم غريب !!! تعجبت من الذي يطلبني في هذا الوقت  
ألو مين 
معقول نسيتي صوتي !
وأنا اعرفك منين علشان افتكر صوتك ولا أنساه !!
ايوه أنتي تعرفيني كويس .
هتقول أنت مين ولا اقفل 
ده حتي أنتي لسه شايفاني النهاردة .
انا مشفتش حد هتخلص وتقول أنت مين ولا اقفل 
أنا معرفش انك عصبية بالشكل ده !!
زينة أغلقت الاتصال معه مباشرة !!!
عاود الأتصال مرة أخري زبنة شاهدت نفس الرقم يتصل بها مرة ثانية وثالثة ورابعة وخامسة !!!
انا مش فاضية للمعاكسات البايخة دي لو اتصلت تاني هبلغ عنك مباحث التليفونات .
خلاص خلاص انا جمال ابو كريم .
أزيك يا ابو كريم دي حركة بردو تعملها معايا !! انا كنت فاكرة حد غريب بيعاكس !!
لا ده انا اللي بعاكس .
ضحكنا احنا الاتنين وبعدها سألته خير يا ابو كربم فيه حاجة 
ايوه طبعا .
خير فيه ايه 
فيه اني من ساعة ما شوفتك النهاردة وانتي في بالي وبفكر فيكي .
ايه ده ايه اللي بتقوله ده يا ابو كريم !!
بقول اني معجب بيكي اوي ومن زمان وعايز اتجوزك .
الكلمة صدمتني وبقيت مش عارفة ارد عليه انا كنت فاكره كلامه ليا قدام مراته وابنه علشان يضايقها او كلام مجاملة عابر مش اكتر !!!
سكتي ليه يا زيزي 
انا مش عارفة اقولك ايه بصراحة !! لكن اللي أنت بتقوله ده أبعد حاجة لتفكيري !! 
خدي وقتك وفكري برحتك لكن صدقيني معايا حياتك هيكون لها طعم تاني أجمل بكتير وهعوضك عن سنين عمرك اللي راحت .
انا قصدي يا ابو كريم اني مش بفكر في فكرة الجواز من اساسه .
وليه يا مدام زينة انتي خلاص ربيتي بنتك وجوزتيها و ضيعتي عمرك علشانها  معقول هتعيشي باقي حياتك وحيدة !! أكيد محتاجة ونيس ليكي يحبك ويرعاكي ويعوضك كل اللي فاتك .
لكن انا ...
أنا مش عايز رد منك دلوقتي لكن عايزك تبقي عارفة اني من زمان كنت معجب بيكي لكن لما طلقت هبة لغيت  فكرة الجواز تاني بسبب المعاناة اللي عيشتها معها لحد ما شوفتك النهاردة وشوفت جمالك اللي كنت مبهور به من زمان واتجدد حبك في قلبي .
 خلاص بعد اذنك يا ابو كريم كفاية الكلام ده .
ارجوكي بلاش رد دلوقتي فكري برحتك وردي عليا وحطي في حسابك اني هعوضك كل اللي فاتك بجد .
كلامه ليا كان له مفعول مش ممكن اوصفه خاصة انه بكلامه لمس كل الافكار اللي بتدور في دماغي .
وبدأت فعلا افكر في كلامه هو فعلا انسان محترم جدا واخلاقه عالية لكن المشكلة انه طليق صاحبتي هبة !! هتجوزه ازاي !  وشكلي هيكون ايه قدامها !! وهعمل ايه مع ابنه كريم دي هتبقي صدمة عمره !!!
لكن الصراحة خۏفي من هبة اكبر !! كريم كده او كده لسه شاب