رواية أحلام قاټلة للكاتب عادل عبد الله الحلقات(٤-٥-٦)

رواية احلام قاټلة
للكاتب عادل عبد الله
الحلقة ٤
عمرو اصل شكلك ده مش شكل مذيع ابدا .
عاصم دي خلقة ربنا وعجباني .
عمرو مش قصدي انا اقصد شوف حلاقة شعرك عاملة ازاي !!! شوف لبسك عامل ازاي !!! مش منظر مذيع خالص يا عاصم متزعلش مني . انت قديم اوي يا عاصم مفيش شاب لبسه ولا شعره زيك كده .
عاصم مش مهم شكلي ايه المهم المحتوي اللي هقدمه واسلوبي في التقديم وازاي اكون متميز بين زملائي .

عمرو انت غلبان اوي يا عاصم وشكلك مش فاهم الدنيا ماشية ازاي .
عاصم طيب عرفني انت يمكن استفيد منك .
عمرو لأ يابني انت خليك كده لحد ما هتتعلم كل حاجة لوحدك .
و بعد حوالي شهر تقريبا كان اغلب طلبة الدفعة يعرفوا ان بينهم طالب اسمه عاصم مختلف عن كل الدفعة .
عاصم كان كل محاضرة لازم يسأل في اي نقطة مهمة وأسئلته كانت دايما متميزة وبيشيد بها كل الدكاترة والاساتذه في الكلية .
اصبح لعاصم عدة اصدقاء اولهم عمرو الذي كان يعد بالنسبة لعاصم اقرب اصدقاؤه وبوابته للعالم الذي لا يعرفه فكان دائما يقول له انت يا عاصم شاب كويس ومجتهد لكن قديم اوي .
عاصم مش فاهم تقصد ايه بكلمة قديم اوي 
اقصد انك شاب لكن جاي من التمانينات او التسعينات .
ودي تفرق في ايه يا عمرو مش فاهم !!!
تفرق انك مش شاب عصري زي باقي الشباب اللي زيك واخد حياتك مذاكرة وبس ده غير انك مش لك في اي حاجة ولا بتعرف تتكلم مع بنات ولا بتعرف تضحك وتهزر وتعيش حياتك زينا حتي مظهرك كمان بتلبس لبس غالي لكن مش يليق بسنك .
كل الحاجات اللي بتقولها دي يا عمرو اخر اهتماماتي .
قولي الصراحة يعني انت مش نفسك تخرج مع بنات وتتفسح وتشوف الدنيا 
بصراحة عايز اجرب بس مش عارف .
صدقني يا عاصم انت لما تجرب هتحس انك دلوقتي مش عايش خالص .
طيب يا عمرو انا هجرب وهمشي زي ما هتقولي .
لا يا عم مليش دعوة . انت حر في نفسك . 
مازن كان قليل الحضور في الكلية وحين حضور مازن يجتمع حوله الكثير من الاصدقاء خاصة الفتيات التي كن يعجبن بوسامته و مظهره الانيق وسيارته الفارهة .
امنية احدي فتيات الدفعة وهي من اوائل من تعرف عليهم عاصم وبدأ في تكوين زمالة معها فقد كانت فتاة خجولة هادئة تهتم بدراستها مثله وجمعهم الاهتمام بالدراسة والتعلم .
كان اليوم الجامعي لعاصم يبدأ بالذهاب مبكرا للكلية والجلوس في المدرجات الاولي المقابلة للدكتور وبجواره زميلته أمنية وبجوارها بعض من صديقاتها .
عاصم كان الصديق الشاب الوحيد لأمنية التي لولا شخصيته المهذبة المحترمة و تفوقه والتزامه ما اصبح صديق لها .
اما عمرو ورحاب فلا يلتزمان بحضور كل