العرافة العجوز للكاتب عادل عبد الله الحلقة الرابعة
ليه
فريد جاي أساعدك يا قلبي .
تغريد لا يا حبيبي روح أنت أستريح علي ما أجهزلك الغدا .
فريد لا يا حبيبتي انا عايز أساعدك عايز تفضلي علطول قدام عينيا ومتغبيش لحظة عني .
ووقف يساعدها و يداعبها ويمزح معها حتي أنتهوا من أعداد الطعام .
وبعدما تناول فريد وتغريد طعامهم سويا قال لها فريد وحشتيني يا قلبي .
فريد برومانسية يا حبيبتي انتي بتوحشيني وأنتي قدام عينيا .
تغريد ياااه !!! بتحبني اوي كده يا فريد
فريد بمۏت فيكي يا روح قلبي .
ضحكت تغريد بدلال وقالت وأنا كمان بحبك اوي يا روحي .
ضحك فريد وقام وامسك بيدها وقالها طيب تعالي جوه نشوف مين فينا بيحب التاني أكتر .
رن جرس الباب ... تررررن ترررن .
تغريد يا تري مين الرخم ده اللي جاي دلوقتي
فريد هسسسس ده اكيد ماما واخواتي طالعين يباركولنا .
تغريد وهو ده وقته
ضحك فريد بصراحة مش وقته ابدا !!! سبيهم علي الباب دلوقتي .
ضحكت تغريد لا يا حبيبي مينفعش نسيبهم علي الباب كده !!!
قام فريد وذهب لفتح باب الشقة .
فتح فريد لأهله وأستقبلهم بالترحاب وخرجت تغريد ورحبت بهم .
فريد اهلا وسهلا يا ماما اتفضلوا اتفضلوا تعالوا ادخلوا .
ام فريد ايه ده كله يا فريد !! أحنا واقفين علي الباب من ساعة !! زهقنا وكنا خلاص هننزل تحت .
فريد مش ساعة ولا حاجة يا ماما مكملتش عشر دقايق معلش يا ماما كنا نايمين .
فريد ضحك حاضر يا ماما .
أم فريد ألف مبروك يا فريد يا حبيبي ألف مبروك يا تغريد يا بنتي ماشاء الله عليكي يا حبيبتي زي القمر ربنا يحميكي .
تغريد ربنا يخليكي يا طنط حضرتك اللي عينيكي حلوين .
أم فريد خلي بالك يا حبيبتي من فريد دا ابني الوحيد حطيه في عينيكي .
أم فريد أوعي يا تغريد تنكدي عليه وتزعليه في يوم من الأيام .
فريد قاطع كلام مامته وقالها مش تقولي يا ماما لتغريد الف سلامة .
أم فريد الف سلامة عليكي يا بنتي مالك يا حبيبتي في ايه
فريد توتا تعبت الصبح وجبتلها دكتور وكانت حرارتها عالية اوي .
أم فريد تعبت من ايه يا حبيبي هي لحقت تتعب !!!! ولا هي جاية عيانة من بيت مامتها
نظرت أم فريد لتغريد وقالت لها ليه يا حبيبتي انتي مش كانوا بيأكلوكي
