العرافة العجوز للكاتب عادل عبد الله الحلقة الثامنة
عيد الأم بعدما تسبب في عدة مشاكل بين فريد وتغريد ومرت أيام وبدأوا يتناسوا الأمر حتي أقترب قدوم شهر رمضان الكريم .
وقبل بدأ شهر رمضان بأيام ....
تغريد أعمل حسابك يا فريد ماما عزمانا أول يوم رمضان نفطر معاها .
فريد أول يوم رمضان
تغريد أيوه .
فريد لا طبعا مش هينفع .
تغريد ليه !!
فريد أحنا أول يوم رمضان متعودين نفطر كلنا في شقة ماما .
فريد لكن السنادي مختلفة علشان بابا ټوفي ومش هيكون موجود معانا زي كل سنة ولازم كلنا نتلم حوالين ماما علشان نخفف عنها غياب بابا !! ومتنسيش كمان أن أخويا أسامة سافر و مش هيكون موجود مع ماما الا أنا وشريف !!!
تغريد وأنا كمان بابا مټوفي ومتعودين نفطر مع ماما كلنا علطول و السنة دي مختلفة لأني أول سنة أكون متجوزة ولازم أحسس ماما أننا كلنا لسه حواليها !!
تغريد ايه !!! تقصد ايه
فريد أقصد أنهم لازم يتعودوا انك بقي ليك بيت وزوج يا هانم ولهم حقوق عليكي ولما جوزك يقولك علي حاجة تقوليله حاضر .
تغريد وأنا من أمتي مش بقولك حاضر علي كل حاجة لكن في موضوع فطار أول يوم رمضان ده أسمحلي لازم افطر مع ماما وأخواتي .
فريد لو عايزة تفطري معاهم يبقي تفطري معاهم لوحدك وأنا كمان افطر مع أمي وأخواتي .
فريد ماهو أنتي اللي مصممة تفطري عند مامتك وأنا مستحيل أفطر بعيد عن ماما السنادي بالذات في أول يوم !!
تغريد أنت كمان مش مقدر أن أنا كمان بابا مټوفي و السنة دي أول مرة اكون بعيدة عن ماما وأخواتي ومش عايزاهم يحسوا أنك أخدتني منهم .
فريد خلاص أنا عندي حل كويس .
فريد أحنا نفطر أول يوم تحت عند ماما وتاني يوم نفطر عند مامتك ايه رأيك
تغريد وأنا عندي حل أحلي من ده .
فريد قولي بس متقوليش أننا هنفطر عند مامتك اول يوم .
تغريد اسمع الأول بس يا حبيبي فكرتي هتعجبك أوي .
فريد قولي .
تغريد أحنا نتسحر عند مامتك أول يوم و بعدين نروح نفطر عند ماما .
فريد أنا بقي عندي أحسن حل أنا هفطر أول يوم علي مائدة الرحمن في الشارع !!!
يذاع في التلفاز أن اليوم هو المتمم لشهر شعبان وأن غدا هو أول ايام شهر رمضان الكريم ...
تغريد كل سنة وأنت طيب يا حبيبي .
فريد وأنتي طيبة يا قلبي أعملي حسابك بقي علشان هننزل نتسحر مع ماما عندها .
تغريد حاضر يا حبيبي .
وبعد منتصف الليل بساعتين ....
نزل فريد مع
