صاحبتي الغدارة
تقلانة اوي ياض ياسامح مش عارف اجبها ازاى بس هتجنن عليها
سامح
البت دي يامعلم لازم تتكسر عنيها عشان تجي راكعه تحت رجليك وانت لازم تشوف حل للموضوع ده بسرعه انت عمر ما حد قالك لا علي حاجه
وليد
طيب واكسر لها عنيها ازاى بقا
سامح
انا هاقولك ياسطى بس اسمع الكلام ده مش ببلاش اكيد هتدفع قرشين حلوين ليا
وليد
عنيا ليك يا سيدي بس قولي اعمل ايه انت
سامح
الا قولي الاول هو انت عملت ايه مع البت اسراء
وليد
وليه السيره الغم ده بقي علي المسا
ما تخلص وقول هعمل اي وبدأ سامح يقولوا
وعند اسراء عماله ترجع ومش عارفة تاكل ومرات ابوها قالت
دلال
مالك يابت كل ماتاكلي لقمة تقومي ترجعي هو في ايه بالظبط
إسراء
مفيش يامرات ابويا انا الظاهر واخده برد في معدتي انا هنزل الصيدليه اشوف لي حاجه لمعدتي دي
استني عندك يابت انتي لازم تروحي لدكتور يكشف عليكي ويشوف ايه اللي في بطنك ده انتي بقالك كام يوم على كده
إسراء
لا الموضوع مش مستاهل لدكتور قولتلك هنزل الصيدلية اشوف في ايه وبعدين من أمتي
جنيه القلب اللي فيكي دي
دلال
مش حنيه يا حبيبتي اصل انا عرفاكي اكيد
هتقولي لابوكي أن بسبب الاكل اللي بتكلي
اسراء
ريحي نفسك يا مرات ابويا انا ولا بقول ولا بعيد
بعد اذنك انا نازلهة
ونزلت إسراء وعدت على مها صاحبتها اللي
بتشتغل في الكوافير واللي عارفة حكايتها مع وليد
إسراء
الحقيني بامها انا مش عارفه اعمل ايه ووليد مش راضي يجي يتقدم ليا ومرات ابويا بدأت تشك فيا اعمل ايه
مها
بقولك ايه يا اسراء هو انتي هتفضلي كل ساعة والتانية تنطيلي هنا مينفعش كده ده محل اكل عيش ياحبيبتي
يعني ايه يامها يعنى مش هتساعديني وتكلمي الزفت اللي اسمه وليد ده انه يجي البيت عندنا هو مش انتي اللي معرفاني بيه وانتي اللي قولت لي انه عايز يتجوزني
مها
قولتلك انه عايز يتجوز مش قولتلك تسلميه نفسك بقولك ايه انتي مش تغلطي الغلطة وتيجي تتمسحي فيا ويلا بقا امشي دلوقتي انا ورايا شغل
إسراء
ابوس ايدك يامها ابوس كلميه دلوقتي وخليه يشوفلي حل وحيات امك
خلاص يابت صعبتي عليا استني كده لما ارنيلك عليه اشوف المنيل على عينه ده ياختشي قطيعة الرجاله واللي بيجي منهم
واتصلت مها بوليد وقالتله
هو انت مش عايز تعقل يا وليد وتيجى تصلح غلطتك مع البت الغلبانة دي
وليد
بقولك ايه يا مها اطلعي من دماغي انا مش ناقصك على المسا وبعدين ماهي اللي جاتلي برجليها هو انا كنت ضړبتها على ايديها
ماهي جاتلك برجليها بعد ماعشمتها بالجواز ياخويا ولا انت نسيت اسمع ياوليد انت لازم تصلح غلطتك مع البت ياما هي هتروح تقول لابوك كل حاجة اهي عندي اهيه وبتقول انها عايزة تروح لعم جمال بس انا اللي حوشتها
وليد
لااا ابويا ايه ياختي انتي وهي انا مش عايز استعباط اوعي ابويا يعرف حاجة يابت
مها
خلاص يبقا تيجي وتصلح اللي انت عملته معاها ياما هيبقا مفيش قدامها غير ابوك قولت ايه بقا
وليد سكت شويه
طيب اقفلي دلوقتي وانا هبقا اكلمها البت واشوف حل معاها
وقفلت مها وقالت لها
خلاص ياستي قالي انه هيتصرف ويجي لكم البيت بس لما يخلص شوية حاجات كده بيعملها
إسراء
طيب مخلتنيش اكلمة ليه يامها عشان اعرف هيعمل ايه وهيجي لابويا امتى
مها
بقولك ايه يا اسراء انا عملت اللي عليا وكلمته زي مانتي طلبتي مني والباقي ده بتاعك انتي ويلا بقا ياحبيبتي امشي دلوقتي خليني ادخل اكمل شغلي بدل ماترفد
وعندي في بيتنا كنت قاعده في اوضتي لقيت امي بتقولي
الام
ماتجيبي فلوس يا حبيبه عايزة اكل لاخواتك والفلوس اللي معايا خلصت
حبيبه
هو انا مش لسه مدياكي الاسبوعيه بتاعتي اول امبارح ياما اجبلك منين بس تاني ولسه الاسبوع ده مش خلص
الام
اعمل ايه بس يابنتي مصاريف اخواتك كتير ياحبيبه ومحدش بيجيب فلوس غيرك اروح اشحت يعنى يابنتي ولا اعمل ايه وبعدين ماكان وليد بيجيب لنا كل حاجة وانتي اللي منعتي الرزق ده
حبيبه
لا ياما الرزق ده بتاع ربنا هو اللي بيرزق مش وليد هو اللي بيرزق
الام
يابنتي ونعم بالله انا عارفه طبعا بس الواد كان شاريكي وكان هيعيشك في العز انتي واخواتك
حبيبه
لا ياما الله الغني مش عايزين منه حاجة خودي ياما الفلوس اللي معايا كلها اهيه وياريت بقا متجبيش سيرة الزفت
