العرافة العجوز للكاتب عادل عبد الله الحلقة ١٥
طيب ما تيجي معايا وأجلي العشا بعد الشاور .
تغريد تضحك أنت مالك النهاردة يا حبيبي !
فريد يضحك مفيش يا قلبي كل الحكاية عايزين نستعيد شهر العسل .
تغريد ربنا يجعل ايامنا كلها عسل يارب بس قولي أشمعني النهاردة !!
فريد مفيش سبب غير أني عايز نعيش سعداء يا قلبي مش أكتر .
تغريد ربنا يسعد أيامنا كلها يارب يا حبيبي .
تغريد فريد ... فريد ... أصحي يا حبيبي الساعة ٧ دلوقتي كده هتتأخر علي الشغل .
فريد لا يا حبيبتي مش هروح الشغل النهاردة .
تغريد بتعجب ليه
فريد أخدت أجازة النهاردة .
تغريد ليه يا حبيبي
فريد تعبت من السفر البارح وحبيت اريح يوم من تعب السفر .
فريد يا حبيبتي نامي دلوقتي ولما نصحي نتكلم .
حوالي الساعة ١٢ ظهرا ....
تصعد الأم الي شقة هند ومعها الصباحية مائدة ممتلئة بأشهي المأكولات .
تفتح هند باب شقتها فتتفاجئ بحماتها أمامها !!!!
هند بأرتباك أهلا يا ماما أتفضلي .
الأم بأبتسامة صباحية مباركة يا عروسة .
الأم أومال العريس فين
هند بأرتباك فريد
الأم أيوه فريد هوه فيه عريس غيره !
هند اه اه فريد نزل من شوية يشتري حاجات من تحت .
الأم معقول !! فيه عريس ينزل الشارع يوم صباحيته !!!
هند عادي يا ماما أحنا كبرنا علي الحاجات دي خلاص .
الأم كبرتوا !! ولا كبرتوا ولا حاجة ده أنتوا في عز شبابكم وبعدين قوليلي فريد أزاي ينزل كده ومش خاېف تغريد تشوفه وهو المفروض قايلها أنه مسافر !!!
الأم قوليلي بصراحة يا هند فريد كان بايت هنا البارح
هند أيوه يا ماما كان بايت هنا .
الأم يعني أنتوا الاتنين ..
هند تقاطعها أيوه يا ماما أحنا الاتنين كويسين الحمد لله .
الأم تضحك طيب شدي حيلك بقي عايزاكي تخاوي ولادك بولد من فريد يبقي أخوهم وابن عمهم في نفس الوقت .
الأم لا أنا هنزل وهاخد العيال معايا وابقي أنزلي خديهم بالليل قبل ما يناموا .
هند يا ماما ....
الأم من غير يا ماما أنا عايزة العيال يونسوني بدل قعدتي لوحدي يلا خدي راحتك أنتي وجوزك ربنا يهنيكم .
أخذت الأم احفادها ونزلت شقتها وتركت هند وحدها !!!
في شقة فريد وتغريد ......
بعدما أستيقظ فريد سألته تغريد أنت مش هتنزل يا حبيبي
فريد لا مش عايز انزل النهاردة هفضل قاعد معاكي
