العرافة العجوز للكاتب عادل عبد الله الحلقة ١٦
.
وما ان مرت دقائق معدودة حتي رن جرس الباب !!!!
قامت هند وفتحت الباب لتفاجئ بوالدتها أمامها !!!
هند أهلا وسهلا يا ماما تعالي أتفضلي .
دخلت الام وجلست ثم سألتها عاملة ايه يا بنتي ألف مبروك يا حبيبتي .
هند الله يبارك فيكي يا ماما .
الأم العريس فين معقول لسه نايم !!
تغريد فريد فوق .
الأم تتعجب فوق فين
هند فوق في شقته .
هند ايوه عند تغريد .
الأم سايبك وبيعمل ايه عندها يا بت
هند قاعد في بيته يا ماما .
الأم وده مش بيته ولا ايه !!!
هند يا ماما
الأم قوليلي يا هند محصلش حاجة بينكم
هند يا ماما فريد اتجوزنى علشان يرضي حماتي و علشان حمزة ورودينا مش يتربوا مع حد غريب وأنا وهو اتفقنا بوضوح اننا هنكون زي الأخوات بالظبط وجوازى منه صوري على الورق وبس .
هند ما انتي عارفة يا ماما ضغط امه علينا وأنتي وافقتيها علي رأيها !!!
الأم وأنتي وافقتي ليه لما انتي مش راضية علي الجوازة كنتي رفضتي مهما ضغطنا عليكي وتصبري لما يجيلك ابن الحلال اللي تحسي انك راضية وموافقة عليه !!!!!
هند يا ماما أنا لما فكرت كويس لقيت أن فريد بيحب مراته ومش بيفكر فيا كزوجة وأنا لقيتها فرصة كويسة أني أكون قدام الناس اسمي متجوزة علشان مفيش حد يفكر او يطمع فيا وأنا اربي عيالي في هدوء.
هند تضحك ما أنا متجوزة اهو يا ماما .
الأم لا انا قصدي جواز حقيقي
هند انا شوفت نصيبي خلاص وشيلت الفكرة دي من تفكيري نهائي ومش هفكر الا في حمزة ورودينا ولادي وبس .
الام لكن أنتي لسه صغيرة وحرام تضيعي شبابك كده !!!
هند انا وحياتي وعمري كله لاولادي ويس با ماما .
مشهد أخر
فريد فيه ايه
تغريد شكلك زي ما تكون لسه صاحي من النوم !!!!
فريد يبتسم بأرتباك صاحي من النوم !!! لا ابدا بالعكس ده أنا راجع من الچنازة تعبان وعايز أنام .
تغريد طيب لو عايز تنام أدخل نام شوية .
دخل فريد غرفته واستراح علي فراشه وأغمض عينيه محاولا النوم !!!
أستفاق سريعا فريد قائلا أعوذ بالله من الشيطان الرجيم اعوذ بالله من الشيطان الرجيم أنا لازم أكلم أسامة حالا .
أمسك فريد بهاتفهه واتصل بأخيه أسامة
فريد أسامة عامل ايه طمني
