العرافة العجوز للكاتب عادل عبد الله الحلقة ٢١

نتعامل معاهم بنفس طريقتهم .
الأم الجلستين ميعادهم امتي 
فريد بعد حوالي شهرين .
الأم طيب ما تحاول تصالحها يا بني أو تتفاوض معاها لو عايزة تطلق وتطلقها بهدوء بعيد عن المحاكم  .
فريد هروح لصاحبي المحامي وأشوف هينصحني اعمل ايه .
أنصرف فريد ثم صعد الي شقته و أتصل علي صديقه أحمد المحامي وقال له ازيك يا أحمد أنا واقع في مشكلة وعايزك تفف معايا .
احمد المحامي انا معاك أطمن فيه ايه يا فريد أتكلم 
فريد تغريد مراتي رفعت عليا قضية طلاق وقضية تانية بالقايمة .
احمد المحامي ياااه للدرجادي الدنيا أزمت بينكم ايه اللي حصل لكل ده 
فريد هقولك بأختصار بعد مۏت شريف اخويا أمي صممت أني أتجوز أرملته ولما تغريد عرفت مشيت من البيت 
المحامي عندها حق أي واحدة مكانها لازم كانت تعمل كده .
فريد أنت معايا ولا معاها  
المحامي انا بقول الحقيقة .
فريد أنا قولتلها ان جوازي انا وهند صوري وهي مش صدقتني .
المحامي كنت حاول معاها مرة واتنين وتلاته قبل ما المواضيع تتطور بالشكل ده .
فريد علفكرة يا احمد دي مش بداية المشاكل بينا معاملتها معايا ومع اهلي وغرورها وتكبرها واهمالها لأمي وقت تعبها كل ده كان السبب اني اقفل معها ومشاعري تتغير تجاهها .
احمد المحامي يعني انت خلاص قررت تنهي حياتك معاها ولا لسه فيه فرصة للصلح 
فريد بصراحة انا لسه عايزها لكن لو كانت دي النهاية مش هتفرق كتير .
المحامي طيب بص من ناحية المحاكم والقضايا دي لعبتي وممكن أدوخها واخليها تقعد سنة واتنين وتلاته تجري ورا القضايا وتصرف فلوس اكتر من اللي هتاخدها منك أنما انت صحبي ويهمني مصلحتك وراحتك ياريت تحاول تصطلح معاها أو لو لا قدر الله فيه طلاق يكون بشكل ودي وده في صالحكم انتوا الاتنين سيبني يا فريد أنا هحاول أدخل وأصالح بينكم .
فريد وأنا معنديش مانع أنا هسيبلك الموضوع ده وانت صحبي ومش هترضالي الضرر .
أحمد المحامي ماشي يا فريد متقلقش .
أنهي فريد المكالمة وجلس وقد بدأ يهدأ قليلا بعد استيعابه للصدمة و