العرافة العجوز للكاتب عادل عبد الله الحلقة ٢٥
دماغك متلخبطة وأفكارك بقيت مش طبيعبة .
فريد بالعكس أنا كل كلمة بقولها قدامها دليل لازم نعترف ان كلام العرافة طلع حقيقي ومش موضوع صدفة والا هنكون بنضحك علي نفسنا .
الأم طيب ممكن تشيل من دماغك موضوع العرافة ده دلوقتي لأن عندنا اللي أهم منه .
فريد فيه ايه يا أمي
الأم أحنا مفيش عندنا شهادة ۏفاة لأخوك لحد دلوقتي .
الأم معرفش لكن اللي اعرفه أن لازم يكون معانا شهادة ۏفاة ضروري جدا .
فريد ليه فيه ايه
الأم علشان فلوس اخوك الله يرحمه والمطعم اللي اشتراه ابن أخوك ومراته مش هياخدوا منه جنيه واحد طول ما مفيش شهادة ۏفاة .
فريد انا الصراحة مش فاهم في المواضبع دي كويس لكن اعتقد اكتر واحد ممكن يفيدنا هو احمد المحامي .
ذهب فريد لصديقه المحامي وسأله دلوقتي يا أحمد أنا عايز أطلع شهادة ۏفاة لإخويا ومش عارف اعمل ايه
أحمد المحامي قصدك اخوك أسامة
فريد أيوه .
المحامي أخوك اسامة في نظر القانون الي الان لسه عايش .
فريد بتقول ايه لسه عايش
فريد وبعدين يا أحمد فلوسه وحاجاته هتفضل كده ! مراته وابنه مش هيستفيدوا منها و تضيع عليهم
المحامي لأ مش للدرجادي أحنا لازم نرفع قضية علشان نستصدر حكم محكمة يفيد بمۏته بعدها تصدر شهادة ۏفاة وبعدها كل الأمور بتمشي طبيعية .
المحامي في حالة الغياب بدون سبب واضح بيصدر الحكم بعد مرور فترة غياب ٤ سنين بدون أي أخبار عنه .
فريد ٤ سنين !!!!! كتير اوي !!
المحامي ده في الأحوال الطبيعية أما في الحالات اللي زي حالة أخوك لما يكون في طيارة وقعت او علي سفينة ڠرقت في الحالات دي بيصدر حكم المحكمة بعد الحاډث ب ٣٠ يوم بس .
المحامي لكن اللي له الحق في رفع الدعوي دي هم الورثة الشرعيين له في حالة ۏفاته .
فريد اه فهمت يعني لازم مراته قصدي أرملته هي اللي ترفع الدعوي دي باسمها وباسم ابنها مصطفي لأنه قاصر وهي الوصيه عليه .
المحامي بالظبط كده ومعاهم والدتك كمان .
فريد طيب امي وارملته طبعا الايام دي تعبانين جدا فأنا ممكن أمشي في الأجراءات دي معاك بالنيابة عنهم .
فريد طيب انا هقولهم
