زيتونة الملكة للكاتب عادل عبد الله الحلقة الثانية

زيتونة الملكة 
للكاتب عادل عبد الله
الحلقة الثانية 
ملك اللي يشوفك يفكر أنك بتحضر ماجستير ولا دكتوراه !!!
فايز يضحك ياريت أنا بحضر اللي أكبر من الماجستير والدكتوراه .
ملك فيه حاجة اكبر من الدكتوراه 
فايز ايوه يا حبيبتي .
ملك بتحضر ايه 
فايز يضحك لاااااا لسه بدري عليكي بس مسيرك هتعرفي .

ملك ربنا يوفقك يا حبيبي   طيب هتفطر دلوقتي ولا لسه شوية 
فايز يضحك أيوه يا قلبي جهزلنا فطار نفطر سوا وبعدين ندخل أوضتنا ناخد شوية عسل .
ضحكت ملك من عينيا يا حبيبي .
تناولت ملك وفايز طعام الفطور ثم دخلا غرفة نومهم .
وبعد مرور بعض الوقت.....
ملك أنا هقوم أخد شاور .
فايز لأ أستني شوية .
ملك لأ مينفعش أنا هاخد شاور علشان تدخل بعدي أنت كمان تاخد شاور و تنزل تلحق صلاة الجمعة .
فايز أيه !!!
ملك مالك يا حبيبي فيه ايه 
فايز لا مفيش انا مش هنزل .
ملك ليه يا حبيبي أنت مش هتنزل تصلي الجمعة 
فايز لأ يا حبيبتي أنا مش عايز أسيبك النهاردة لحظة واحدة .
ملك وماله يا حبيبي أنزل صلي ولما تطلع نفضل مع بعض طول اليوم .
فايز حبيبتي .
ملك نعم يا حبيبي .
فايز بلاش تكلميني في المواضيع دي تاني أرجوكي وسيبيني براحتي .
ملك ماشي يا حبيبي زي ما تحب أنا بس قولت أذكرك من باب وذكر انما الذكري تنفع المؤمنين .
فايز بصوت عالي خلااااص .
ملك مالك يا فايز بتزعق كده ليه 
فايز مفيش يا حبيبتي بس حاسس اني مخڼوق شوية .
ملك طيب خلاص تحب أعملك عصير ليمون معايا 
فايز لا يا حبيبتي مش عايز .
بعدها بقليل رفع أذان الظهر وبدأ الناس في الذهاب لصلاة الجمعة واذا بفايز يدخل ويأتي بزجاجته ومعها كأس ويتناول عدة رشفات منها !!
ملك أيه ده يا فايز !!  أنت أزاي قاعد بتشرب خمړة وقت صلاة الجمعة  
فايز أيوه حاسس بصداع جامد .
ملك وده اللي هيعالج الصداع 
فايز أيوه .
ملك لكن حرام كده الناس رايحين يصلوا وأنت هتقعد تشرب !!
فايز بصوت عالي قولتلك مش عايز أسمع الكلمة