قصة التؤام

إن شاء الله بالتليفون... السلام عليكم.
فضلت أزودله الجرعة وحالته بقت تسوء اكتر عشان اضمن لما الدكتور يكلمه مايبقاش عنده إي بديل تاني وفي نفس الوقت مايبقاش مركز في الكلام الملخبط والغير العلمي إللي الدكتور بيقوله. 
وأول ماحسيت أن حالته النفسية اټدمرت على الأخر رنيت على الدكتور عشان يتصل بيه ويكمل الخطة

السلام عليكم يا استاذ انا الدكتور عماد
وعليكم السلام يا دكتور طمني والنبي التحليل طلع فيه ايه
للاسف كان نفسي اطمنك بس الوضع صعب اوي 
المړض اللي عندك ملهوش علاج ...
يعني ايه يا دكتور هفضل طول عمري كدة انا مابقتش اتحكم في اي حاجة في جسمي لازم يكون في حل ماقدرش اعيش كدة 
هو في امل واحد بس
هو ايه يا دكتور قولي ارجوك 
الأمل الوحيد ان يكون عندك أبن ويكون ولد من صلبك هناخد منه اقل من سم من النخاع الشوكي ونزرعه عندك وساعتها هترجع لحالتك الطبيعية تاني ولا أكن كان عندك اي حاجة
أيوة أنا عندي أبن يا دكتور أنا ابني عايش وموجود قولي الله يخليك اقدر اعمل العملية امتى وازاي ارجوك بسرعة
كنت المفروض ساعتها التزم بالخطة وافضل ساكتة لغاية ما اعرف طريق أبني فين وباعه لمين وساعتها أبلغ عنه هو والدكتور وادخلهم السچن زي ما اتفقت مع العميد هشام جاري اللي ساكن في الدور الرابع بعد ما حكيتله القصة كلها ووريتله صفحة الدكتور المشپوه والعمليات اللي بيعملها
لكن بصراحة مقدرتش استحمل لما سمعته بيقول ايوة انا عندي ابن وعايش وانهرت على الاخر وفضلت أقوله أبني فين أبني فين وبقيت اضرب فيه لغاية ما أغمى عليا وماحستش بنفسي غير وهما بيفوقوني في المستشفى.
بدأت افتح عيني واحدة واحدة بصعوبة واول حاجة شوفتها ولادي التؤام ولدين زي القمر نايمين في السرير اللي جنبي والناحية التانية أم شهد شايلة بنتي الكبيرة اللي اول ما شافتني بفتح عينية وخبطت على ايدي بما معنى اطمني يا ماما كله تمام
وبدات ام شهد تحكيلي على اللي حصل من اول ماسمعت صوت عربية الاسعاف تحت البيت وشافت الدكتور المشپوه بيركبني الاسعاف ومعاه اتنين ممرضين وانا غايبة عن الوعي فجريت على العميد هشام بسرعة عشان يلحق يتصرف.
وإللي ماكنتش اعرفه إن من ساعة ما حكيت للظابط جاري على الدكتور وهو حطه تحت المراقبة ومستني فرصة عشان يقبض عليه متلبس ودي كانت احسن فرصة بالنسبة له للقبض عليه
وطبعا اول ما اتقبض عليه اعترف على جوزي في ساعتها انه شريك معاه بس للاسف جوزي اترحل على مصحة للأمراض النفسية والعصبية لأن الاعشاب اللي كنت بديهاله طلعت نوع خطېر من المخډرات اثرت على عقله جامد زي ما أثرت على
باقي جسمه وطبعا مقدرش يتكلم ولا يقول على مكان أبني فين.
لكن ماكانش صعب عليا بعد كدة إني اعرف مكان أبني واوصله سواء
عن طريق شركة الاتصالات أوالمكالمات والرسايل اللي على موبايله.
لكن إللي كان صعب فعلا ازاي اقدر اخد طفل ماكملش 3 سنين من احضان امه حتى لو مش هي اللي خلفته بس هو مايعرفش أم غيرها وأنا بالنسبة له كنت الست الغريبة الشريرة 
وقفت قدام معضلة الأم هي اللي ربت وتعبت ولا إللي حملت وولدت عشان كدة سيبته يعيش معاهم فترة وخصوصا انهم كانوا بيحبوه حب رهيب وكنت بزوره من فترة لتانية عشان يتعود عليا واقدر بعد كدة اخده يعيش معايا
تمت.