زوجة الحلقات ١، ٢ ،٣
عادل عبد الله
قالتلي انا يا بني كبرت والمړض والحزن هدني وخلاص يلا حسن الختام .
ربنا يديكي الصحة وطول العمر يا امي .
تعيش يا بني المهم انا عاوزة افرح بيك قبل ما اموت يا بني .
ربنا يطولنا في عمرك يا امي بس انا يحرم عليا الفرح بعد نور اخويا .
ليه يا بني بتقول كده وتكسر قلبي
ما عاش اللي يكسر قلبك يا امي بس انا بعد نور اخويا مش هعرف افرح تاني ابدا .
عمري ما هقدر انسي نور ابدا .
مش هتنساه يا ابني لكن هتنسي حزنك عليه .
مش هقدر يا امي .
اسمع كلامي يا بني انا عيشت كتير في الدنيا واعرف فيها اكتر منك .
حاضر يا امي هفرحك لكن مش دلوقتي سبيني شوية لما نفسيتي تروق واعصابي تهدا .
ياااه دا انتي كمان اختارتي العروسة !!! ومين قالك اني هتجوز دلوقتي
مش انا اللي اخترتهالك يا ابني القدر هو اللي اخترهالك .
مش فاهمك يا امي !! تقصدي ايه
اقصد يا ابني لم لحم اخوك وحافظ عليه .
لحم اخويا !!!
قومت من مكاني مڤزوع ومش مصدق اللي امي بتقوله .
انتي عاوزاني اتجوز مرات نور
ايوه يا بني انت اوله من الغريب .
ولا انا ولا الغريب مفيش حد هياخد مكان اخويا ابدا .
دي سنة الحياة يا ابني سارة مرات اخوك حلوة وصغيرة وفيها الطمع ومستحيل تعيش عذبة باقي عمرها .
يتقصف عمرها علي عمر اللي يفكر يلمسها بعد نور .
علي چثتي يامه ان سارة تتجوز بعد نور ولا انا ولا غيري .
متقولش كده انا هغضب عليك يا ابني .
ليه يا امي
علشان كده انت ظالم .
ظلمت مين انا بقلمي عادل عبد الله
عاوز تظلم سارة وهي لسه في عز شبابها .
مش بظلمها يامه بس هو نصيبها كده اتجوزت وخلفت وجوزها ماټ خلاص خلصنا تعيش تربي ابنها زيها زي اي ست بتعيش علشان عيالها .
هتعيش في حمايتي واللي يفكر بس يبصلها همحيه من علي وش الارض .
انت لسه صغير يا امير ومدخلتش دنيا علشان كده مش فاهم .
لأ يامه انا فاهم كويس واللي بقولك عليه هو اللي هيحصل .
بتخالف امري يا امير !!!
ما عاش اللي يخالف اوامرك يامه بس في الموضوع ده بالذات سامحيني مستحيل مرات نور حد يلمسها بعده .
انتي بتعملي كده ليه يامه
علشان اللي انا شايفاه هو الصح والأصول .
بعد اذنك يامه متتكلميش في الموضوع ده تاني .
مشيت وخرجت من البيت وانا في قمة ڠضبي من كلام امي وروحت قعدت علي الترعة لوحدي في الضلمة وولعت سېجارة وبفكر في كلام امي وانا مش مصدق
