حكاية البنت المظلومة
الاكل!
رقية بتلعثم ايوة انا منفعش ولا ايه!
طارق متنفعيش ايه بس انتى مكانك مع الشيف الشربيني
فى اليوم التالى ذهب محمد الى الشركة وكان كمال ف انتظاره ...محمد بعتذر عن التأخير بس منمتش كويس
كمال ليه!
محمد ليه ايه ما بين اللى عملته ف الظابط والله اعلم هتعدى ولا هلبس وما بين الهانم اللى الارض اتشقت وبلعتها ومعرفش عنها حاجة وما بين مراتى اللى رافضة ترجعلى وولادى اللى مبقتش اشوفهم وحياتى اللى مبقتش عارف فيها راسى من رجلى
محمد تمام امبارح قولتلى انك عاوزنى ضرورى خير!
كمال بابتسامة انا بقدر جدا الناس اللى مبتنساش كلامى ودلوقتى انت هتبقى راجل من رجالتى لانك اثبتلى ان اقدر اعتمد عليك ف الشغل التقيل
كمال كوكتيل
محمد مش فاهم
كمال يعنى تزوير وتجارة عملة وغيره
محمد پصدمة نعم انت بتقول ايه ي كمال انت شارب حاجة ولا ايه
كمال اهدى شويه ومتعملش نفسك من بنها انت عارف ومتأكد كويس ان شغل الشركة ده مجرد ستارة مش اكتر
محمد ايوة بس انا جيت اشتغل هنا بالشركة مش ف الشغل التانى ده!
محمد وافرض اتقبض عليا وقتها الفلوس هتفيدنى بايه!
كمال وانت ليه تقدر الشړ سلك نيتك انت بس ونفذ التعليمات بالحرف
محمد بتفكير موافق
كمال تعجبنى يلا قوم معايا
كمال هاخدك ع مكانى الخاص محدش يعرفه الا انا وانت ومرتضى وبس
محمد وانت مأمنلى اوى كده!
كمال ما قولتلك انت كسبت ثقتى يلا
قام محمد راح مع كمال ع شقته القديمة وهناك كان فيه خزنة محتفظ فيها بكل الاوراق والعملات وغيره وبعد ما رجع محمد ع الشقة اتصل فورا بطارق وعرفه
طارق هايل جدا والله عاش ليك يا حمادة انجزت المهمة بدرى بدرى بس اهم حاجة ميكونش شاكك فيك
طارق تمام انا هتصل بالرجالة يطبوا ع المكان ويجيبوا الورق وموضوع صاحبك هيتقفل ملفه للابد
محمد ان شاء الله هى رقية عاملة ايه ولا موجودة فين!
طارق اطمن هى بأمان وبكرة ان شاء الله لما نخلص كل حاجة هجيبها ليك لحد عندك
محمد ع الله تصبح ع خير
طارق وانت من اهله
كمال پخوف ازاى يعنى ي باشا طب وانت هتتخلى عنى
....... هو انت مراتى ايه هتخلى عنك دى انت اللى بغبائك وتهورك ضيعت نفسك
كمال يعنى انت هتسيبهم يقبضوا عليا لا ده انا عليا وع اعدائى انا وقعت اه بس مش لوحدى اللى هروح ف داهية كله هيجى معايا
........ انا مبتهددش وانت عارف كده كويس ولو فكرت تجيب سيرتى انت عارف كويس مصيرك هيكون ايه ووووو.....يتبع
الفصل التاسع
انا مبتهددش
وانت عارف كده كويس ولو فكرت تجيب سيرتى برضه عارف هيكون مصيرك ايه فوق لنفسك ي كمال وشوف مين اللى وقعك ي اذكى اخواتك سلام
رزع كمال الفون بالارض وقال ي ولاد ..... طلعتوا بتشتغلونى ف المكسب حبيبكم ولما وقعت خليتوا بيا بس معليش مش كمال ابو الليل اللى يتاكل لحم ويترمى عضم
مسك فونه التانى ورن ع مرتضى انت فين
مرتضى هسافر
كمال هتسافىدر ازاى احنا مطلوب القبض علينا
مرتضى عليك انت مش عليا انا مفيش حاجة تدينى كل الاوراق والحاجات اللى لقوها كانت فى بيتك وباسمك
كمال پصدمة حتى انت هتتخلى عنى
مرتضى ف الحالات دى الجرى نص الجدعنة سلام ي كراميلا
كمال لااااا مش دى النهاية لا يمكن دى تكون نهايتى ابدا
لكن فجأة دخلت الشرطة اثبت مكانك ي كمال مطلوب القبض عليك والاحسن تستسلم
مقدرش كمال يعمل اى حاجة وطبعا اتقبض عليه وراح ع السچن
عند طارق لقى فونه بيرن وكان ايهاب ايه ي صاحبى مبروك ي طارق الملف اتقفل
طارق بفرحة بجد اتقبض عليهم
ايهاب اتقبض ع كمال لان مرتضى مفيش عليه ادلة واصلا خلاص سافر يعنى مش هتشوف وشه تانى
طارق الحمدلله
ايهاب هتنزل امتى لازم تكون موجود قبل عرضه ع النيابة
طارق هركب واجى دلوقتى
ايهاب هتجيب رقية
طارق بغيرة وانت مالك بتسأل عليها ليه
ايهاب بخبث ف ايه ي عم الله مش كنت واقف جنبها لحد ما القضية تخلص واهى خلصت خلاص
طارق ي عم خليك ف حالك ونقطنى بسكاتك
ايهاب طيب متزقش سلام
قفل طارق ودخل لرقية احم بقولك قومى البسى عشان هنرجع ع القاهرة
رقية القاهرة! طب ليه!
طارق كمال اتقبض عليه واقل حاجة ممكن ياخدها اشغال شاقة مؤبدة يعنى انتى دلوقتى حرة
رقية بدموع وتفكير يعنى خلاص كده مش هشوفك تانى ي طارق كنت عارفة ان اليوم ده هيجى بس ليه بدرى كده طب هروح فين ولا اجى منين
طارق رقية انتى روحتى فين يلا قومى
رقية حاضر
لبست رقية وخرجت سلمت ع زينب هتوحشينى اوى ي تيتة بجد انتى اطيب حد عرفته ف حياتى
زينب بس انتى مش هتوحشينى اوى عشان اكيد هنتقابل قريب وقريب اوى كمان
طارق احم يلا ي رقية عشان منتأخرش
بالفعل ركبوا ووصلوا ع القاهرة ولاحظت رقية انهم رايحين ع بيتها
رقية پخوف انت رايح فين ي طارق بيه
طارق ع بيتك ي رقية
رقية بعياط بيتى! بيت ايه انا مليش مكان هنا ومليش حد عشان ترجعنى هنا محمد اتخلى عنى واتبرى منى كمان
طارق بس انتى ليكى حق وورث هنا
رقية مش عوزاه
طارق مش بمزاجك يلا انزلى
رقية لا مش هنزل انت بأى حق تتحكم فيا كده!
طارق هتعرفى بعدين
نزلوا وكانت رقية مړعوپة من رد فعل محمد لما يشوفها ولما فتح محمد الباب وشاف رقية جرى عليها واخدها ي قلب اخوكى انتى بخير!
رقية قلب اخوكى! انت كنت فين وانا ف شدتى كنت فين وانا محجوزة ف وسط ناس مش شبهى وكل شويه يتأجلى عشان مفيش محامى راضى يترافع عنى مع انك عارفنى كويس وصدقت اللى اتقال كنت فين ي محمد
محمد لطارق هو انت مقولتش ليها ولا ايه!
طارق هى اختك عطيانى فرصة لاى حاجة وبعدين حبيت احكيلها وهى معاك
رقية تحكيلى ايه وانتم تعرفوا بعض ازاى!
طارق هنا ع الباب طب ندخل الاول
محمد انا اسف جدا ماخدتش بالى اتفضل ادخلى ي
روقا
دخلوا وقعدوا وبدأ طارق بحكى لرقية كل حاجة من الاول ...طارق يعنى القبض ع كمال الفضل فيه لمحمد وكمان عرض نفسه للخطړ عشانك
رقية باحراج طب ...طب ليه محكيتش ليا ليه سيبتنى الوقت ده كله الڼار بتاكل فيا والظن قاتلنى!
طارق عشان كل وقت وليه اوانه ولو كنت حكيتلك اكيد كنتى هتخافى عليه
رقية امال فين فاطمة وحشتنى اوى
طارق فاطمة ڠضبانة عند اهلها من يومها
