رواية" شغالة ونص دستة رجالة " للكاتب عادل عبد الله

الحلقة الاولي 
البداية 
بلاغ الي الشرطة بالعثور علي چثة خادمة في حالة تعفن داخل احدي الشقق السكنية في احد الاحياء الراقية !!!!!
انتقلت قوة من الشرطة والطب الشرعي الي مكان الحاډث .
عندما وصل رجال الشرطة الي مكان الحاډث وجدوا دكتور عاصم صاحب الشقة وزوجته دكتورة زينة علي سلم العمارة امام الشقة المذكورة في حالة فزع وخوف شديد !!!
وبسؤالهم تبين اكتشافهم لچثة خادمتهم داخل شقتهم عقب عودتهم من اسبوع المصيف في حالة تعفن شديد !!!
دخلت قوة الشرطة الي الشقة ولم يستطيعوا تحمل رائحة التعفن الشديد حتي ارتدوا الكمامات الطبية ومعهم افراد الطب الشرعي الذين وجدوا چثة الخادمة فتحفظوا عليها وتم نقلها الي المشرحة لمعرفة سبب الۏفاة واكتشاف بعض التفاصيل التي تقود لكشف ملابسات الحاډث . وبدأوا في عمل الاجراءات اللازمة ورفع البصمات ووصف مكان ووضعية الچثة حين اكتشافها .

عادت قوة الشرطة الي القسم باصطحاب دكتور عاصم وزوجته لأخذ اقوالهم ومعرفة كيفية اكتشافهم للحاډث .
بدأ الضابط بأخذ اقوال الزوج .....
اسمك وسنك وعنوانك وعملك 
اسمي عاصم ٤٩ سنة طبيب اسنان عنواني هو نفس عنوان الشقة محل الحاډث .
اتفضل قول ايه اللي حصل بالظبط  
انا كنت مع مراتي وولادي في المصيف من حوالي اسبوع ولما رجعنا النهاردة اول لما دخلنا الشقة مقدرناش نستحمل الريحة .ريحة تعفن شديدة جدا .دخلت انا ومراتي نشوف في ايه في الشقة شفنا شمس الشغالة اللي عندنا مېتة بالمنظر اللي سيادتك شفته ده . اتصلت وبلغت حضراتكم علطول .
هي كانت عندها كام سنة و بتشتغل عندكم من امتي  
هي بتشتغل عندنا من سنتين وتلت شهور بالظبط . وانا معايا صورة بطاقتها هتلاقي فيها تاريخ ميلادها اتفضل يا فندم .
دي عندها ٢٤ سنة ومش متجوزة . بس غريبة انك فاكر تاريخ شغلها عندكم بالظبط .
لا يا فندم اصل هي اشتغلت عندنا بعد عيد جوازنا بحوالي اسبوع . كانت زينة مراتي استغلت مناسبة عيد جوازنا و طلبت مني اجيب حد يساعدها في البيت .علشان كده فاكر التاريخ كويس .
تعتقد مين اللي قټلها 
وانا هعرف ازاي يا فندم !! احنا كنا مش موجودين .
لكن الحاډثة حصلت في بيتك والمفروض انك تعرف مين بيدخل بيتك في غيابك !! خصوصا ان مفيش حاجة اتسرقت من الشقة يعني الحاډثة مش بغرض السړقة .
يجوز انها استغلت انها لوحدها في الشقة وجابت راجل في الشقة .
ياااه هي كان سلولكها سيئ للدرجادي 
الفترة الاخيرة لاحظت عليها انها تعرف رجالة .
عرفت ازاي ان سلوكها كده 
لاحظت انها بتتكلم رجالة في التليفون كتير بالليل في المطبخ وفي مرة شوفتها في الاسانسير مع شاب شغال في شركة في العمارة كانوا في وضع غلط .
مين الشاب ده 
اسمه خالد شغال في شركة مقاولات في نفس العمارة .
تمام . و ازاي تشغل واحدة زي دي في بيتك !
في البداية كانت كويسة جدا لكن بقول لحضرتك في الفترة الاخيرة بس اللي لاحظت عليها كده .
والمدام عندك تعرف كده 
ايوه طبعا .
وليه مش مشيتها من عندك لما عرفت ان سلوكها اتغير بالشكل ده 
اتفقت انا والمدام اننا هنمشيها لما نلاقي واحدة تانية كويسة .
حضرتك ممكن تتفضل تستريح بره شوية و دخل المدام اخد اقوالها .
ينفع اكون موجود وسيادتك بتاخد اقوالها 
اسف يا ريت حضرتك تنتظرها بره .
حاضر يا فندم .
خرج دكتور عاصم من حجرة التحقيق ودخلت زوجته زينة .....
اسمك وسنك وعنوانك وعملك 
زينة ٤١ سنة نفس العنوان طبيبة اسنان .
مين اللي قتل شمس الشغالة اللي عندكم 
معرفش يا فندم انا كنت في المصيف انا وجوزي والولاد .
عندك ولا قد ايه  
عندي بنت وولد .
عندهم كام سنة 
منال عندها ١٦ سنة ومروان عنده ١٩ سنة .
مدام زينة ايه رأيك في القتيلة 
الله يرحمها في البداية كنا بنثق فيها وكنا فاكرنها محترمة لكن من فترة عرفنا انها بتعرف شباب وسلوكها مش تمام .
عرفتي منين ان سلوكها مش تمام زي ما بتقولي 
كنت بسمعها تتكلم بطريقة مش كويسة في التليفون وخصوصا بالليل غير ان جوزي شافها في وضع مخل مع واحد في الاسانسير .
وليه سبتوها تستمر بعد ما عرفتوا كده  
سبناها مؤقتا بس وكنا بندور علي واحدة تانية تشتغل مكانها .
مخوفتيش علي جوزك وابنك منها 
جوزي رجل محترم وابني لسه صغير .
لكن ١٩ سنة مش صغير ده بقه شاب وفي سن خطړ كمان .
ايوه بس ابني متربي كويس وعمره ما يبص لوحده زي دي .وكمان احنا كنا قررنا اننا هنمشيها ونجيب واحدة غيرها علشان نبعد عن