رواية" شغالة ونص دستة رجالة " للكاتب عادل عبد الله

.
اومال هي كانت حامل من مين  
حامل !! لا لا قطع لسان اللي يقول عليها كده شمس كانت شريفة وعمرها ما تعمل كده ابدا .
هي دي الحقيقة الطب الشرعي اثبت انها كانت حامل في اربع شهور وقت ۏفاتها .
هي فعلا كانت بتشتكي من تعب في بطنها الفترة الاخيرة لكن لا لا لا مستحيل شمس تعمل كده .
تفتكري شمس تكون اڼتحرت  
لا يا بيه مستحيل شمس عمرها ما فكرت في الاڼتحار ولا ممكن تفكر في الاڼتحار انا بقولك اللي قټلها الواد مسعد الكهربائي .
بصي انتي تقدري تتفضلي تمشي دلوقتي لكن اعملي حسابك هنبعتلك تاني علشان نكمل التحقيق .
حاضر يا فندم .
جلس رؤوف بك في حيرة يفكر في هذه القضية الغامضة المعقدة ثم قرر ان يستعين بمعاونه الضابط سليم وقال له ......
انا عاوزك معايا يا سليم في قضية البنت شمس الشغالة دي .
انا معاك يا فندم في اي حاجة هي قضية البنت دي معقدة للدرجادي 
القضية فيها ملابسات كتير ومش واضح اذا كانت ماټت منتحرة ولا اټقتلت ده غير ان واضح ان البنت كانت لها علاقات كتير ومتشابكة وده مخلي القضية معقدة .
حضرتك قدها يا فندم ياما كان في قضايا اصعب من كده بكتير وحضرتك قدرت توصل للجاني بكل سهولة .
لكن انا بردو محتاجلك معايا في القضية دي .
انا تحت امرك يا فندم .
اول حاجة يا سليم عاوزك تجيب مسعد الكهربائي علشان نشوف موضوعه ايه ده كمان وبعدين تقعد معايا نراجع اقوالهم كلهم .
تمام يا فندم و اكيد عايزين التقرير النهائي للطب الشرعي .
وبعد عودة مسعد الكهربائي من قريته تم احضاره الي القسم لأخذ اقواله ....
اسمك وعمرك وعملك 
اسمي مسعد ٢٩ سنة شغال في محل ادوات كهربائية .
تعرف ايه عن شمس الشغالة اللي عند دكتور عاصم  
اعرف انها بنت حلال وغلبانه .
مين اللي قټلها 
معرفش انا معرفتش انها اټقتلت الا لما رجعت من البلد .
سافرت بلدك ليه في التوقيت ده تحديدا 
انا متعود كل شهر اسافر البلد اشوف اهلي واقعد معاهم كام يوم وارجع .
علاقتك ايه بشمس 
مفيش اكتر من صباح الخير صباح النور واحيانا كنت بطلع عندهم لما يكون عندهم شغل في الكهربا .
كنت بتعاكسها ليه باستمرار  
مش معاكسة انا كنت عاوز اتجوزها وعرضت عليها الجواز اكتر من مرة .
وهي كانت بترفض 
ايوه .
وطلعت عندهم الاسبوع اللي فات تعمل شغل ودكتور عاصم وعيلته في المصيف  
ارتبك مسعد وقال لا لا مطلعتش .
تعرف نادية الشغالة في نفس العمارة 
ايوه اعرفها .
تعرف ايه عنها 
عيلة غلبانه بس مجنونه ودماغها ضاربة شوية .
مچنونة ازاي يا مسعد 
كل اللي في دماغها الجواز ومفيش قدامها غيري كل شوية تقولي اتجوزني اتجوزني .
وهي كده تبقي مچنونة !! يمكن بتقولك كده علشان بتحبك .
انا قولتلها كتير اني بحب شمس ومش بحبها .
تفتكر تكون هي اللي قټلت شمس بدافع الغيرة منها عليك  
معرفش يابيه لكن معتقدش انها تعمل كده دي بت غلبانه وكانت بتحب شمس اوي وكانوا قريبين من بعض اوي زي الاخوات .
ولما شمس رفضتك اكتر من مرة مفكرتش ټنتقم منها 
انا انتقم منها !! ازاي وانا بحبها اللي يحب يا فندم عمره ما يكره ولا يفكر في الاڼتقام .
اخر مرة طلعت تعمل شغل في شقة دكتور عاصم كان امتي  
من فترة طويلة يمكن اكتر من ٦ شهور وزيادة .
شمس كانت بترفض الجواز منك ليه يا مسعد  
كانت بتقولي انها مخطوبة لعاطف ابن خالتها بس انا كنت سامع ان ابن خالتها ده ماټ من فترة طويلة بصراحة معرفش عاطف ابن خالتها ده عايش ولا ماټ .
هل شمس كان لها علاقات مشپوهة بأحد او بعض الرجال 
لا لا البت دي كانت شريفة ومحترمة وانا لما شوفتها محترمة واخلاقها كويسة فكرت اتجوزها .
اومال هي كانت حامل من مين 
حامل !!! لا لا مستحيل !!!
هي دي الحقيقة شمس كانت حامل قبل ما تتقتل . 
لا انا مش ممكن اصدق .
تقرير الطبيب الشرعي اثبت انها كانت حامل يا مسعد في اربع شهور .
انا اول مرة اعرف كده وبصراحة مش مصدق انها ممكن تعمل كده .شمس تعمل كده !! لا مستحيل .
تقدر تمشي دلوقتي يا مسعد وبلاش تسافر بلدك دلوقتي علشان هنحتاج نستكمل اقوالك تاني .
حاضر يا فندم .
جلس الضابط رؤوف مع معاونه سليم و قاما باعادة قراءة اقوالهم جميعا ثم اخذ رؤوف نفس عميق و قال