باب أمل للكاتب عادل عبد الله

هنكر اني بفكر فيك بس انا مش هينفع ارتبط بيك .
ليه علشان كنت متجوز قبل كده 
لا خالص مش ده السبب .
اومال ايه السبب 
الحلقة الثالثة 
ليه علشان كنت متجوز قبل كده 
لا خالص مش ده السبب .
اومال ايه السبب 
مفيش سبب محدد .بس انا لسه عاوزه اكمل دراسات عليا ومش بفكر في الارتباط الا بعد ما اوصل للي عايزاه .
طب وايه المشكلة انك تكملي واحنا مع بعض خصوصا اننا في نفس مجال الدراسة وممكن نساعد بعض واكمل انا كمان .
هيبقي صعب .جواز يعني مسئولية بيت واولاد مش هعرف اركز في مستقبلي .
مادام هنبقي مع بعض مفيش حاجه صعبة وانا هساعدك لحد ما تحققي احلامك .
اقتنعت امل بكلامي وبدأنا نتكلم كل يوم سواء تليفون او نت بالساعات .
بقيت امل كل حياتي وانا كل حياتها.
وبدأت افكر اني ابدأ حياتي من جديد حياة كلها امل وطموح في مستقبل افضل .
.وبدأنا نخطط لمستقبلنا مع بعض .
وازاي وامتي هتقدم لخطوبتها وهقول لأهلها ايه عن جوازي اللي فات .
فكرنا كمان اننا هنفتح مكتب مع بعض لينا احنا الاتنين واننا هنشتري شقة كبيرة شوية يكون جزء منها مكتب وجزء نعيش فيه مع بعض لغاية ما ظروفنا تتحسن ونشتري مكتب .
لقيت امل بقيت انسانه تانية خالص بتتكلم معايا علطول وظهر عليها انها بتحبني اوي .
كمان مظاهر الحزن اللي كانت ظاهرة عليها دايما بدأت تختفي وتتبدل بمظاهر السعادة والفرح .
امل كانت دايما بتقولي ان انا احسن حاجه حصلت في حياتها .وان حياتها كانت كلها احزان لغاية ما اتقابلنا .
عيشت مع امل اجمل قصة حب بكل تفاصيلها .
استغربت اوي لما لاحظت انها رغم انها كانت رافضة الحب في البداية الا انها بعد كده بقيت بتحبني اوي .
وقالتلي انها عمرها ما عرفت طعم السعادة الا لما اتقابلنا .
من اول ما بنصحي من النوم بنفطر واحنا مع بعض علي الفون ونروح شغلنا واحنا مع بعض علي الفون .لحد ما ننام واحنا صوتنا في ودان بعض .
حتي في احلامنا كنا مع بعض .عيشنا مع بعض احساس الحب اللي معرفتوش قبل كده .
واللي قربنا اكتر من بعض ان حياتنا كانت كلها هموم واحزان لحد ما اتقابلنا وحسينا لاول مرة بطعم الفرح والسعادة .
حبي لأمل كان حقيقي واحساس السعادة معاها خلاني اتعلق بيها جدا لدرجة اني مبقتش اتصور حياتي من غيرها .
اغرب حاجه لفتت انتباهي انها كل ما كنت اجيب سيرة اني اروح اتقدملها كانت بتتغير ملامحها وكانت بتحاول تأجل الكلام في الموضوع ده .
وفي مرة واحنا بنتكلم قلتلها .....
امل انا عاوز اعرف ليه كل ما اجيبلك سيرة اني اروح لوالدك واتقدملك بتغيري الموضوع 
لا انت فاهم غلط مفيش حاجة .
لا انا متاكد . انا لاحظت ده كذا مرة .
سكتت امل ومكانتش عاوزة تتكلم .
انتي مخبية عليا حاجه يا امل ولازم اعرفها .
انت ليه مش مصدق اني مش مخبية عنك حاجة 
علشان احساسي وكل حاجه بتقول انك مخبية عني حاجة .
انا لازم امشي دلوقتي .
مش هتمشي الا لما اعرف .
ارجوك لازم امشي لو بتحبني صحيح .
مشيت امل وانا دماغي كانت ھتنفجر من التفكير .
شكوكي اتأكدت ان في حاجه مخبياها واكيد كمان حاجة خطېرة .
بعد ساعتين اتصلت بيها وقلتلها وحياة حبي ليكي يا امل لازم تقوليلي انتي مخبية عني ايه .
سكتت امل شوية وبعين قالت اوعدني انك متزعلش مني .
اوعدك .قولي بقه .
احنا مش هينفع نتجوز .
ليه 
لان انا ھموت .
ما كلنا ھنموت .
انا عندي مرض خطېر في القلب واخر دكتور كنت عنده قال ان قلبي مش هيقدر يعيش اكتر من سنتين او تلاته بالكتير واني ممكن اموت في اي وقت .
كلامها نزل عليا كالصاعقة من الصدمة .
والمړض ده مش ممكن انه يتعالج 
لا .الحل الوحيد اني اعمل عملية خطېرة في الخارج ونسبة نجاحها ضعيفة وهتتكلف فلوس كتير . 
ولو مش عملتي العملية مش هينفع تتجوزي 
مستحيل اتجوز . الا