باب أمل للكاتب عادل عبد الله

الحزن اللي قريتها وازاي بنت في سنها تكون عندها احساس الحزن ده كله .
اثناء قرائتي للاشعار فوجئت بها امامي .
ارتبكت جدا وتوقف لساني عن الكلام .
هي ايضا لم تنطق بكلمة ولكنها نظرت لي نظرة جعلتني اشعر بالخجل .
مدت يدها وسحبت من يدي اوراقها .
طوال المحاضرة التالية كنت الاحقها بنظراتي وهي كانت تلاحظ ولكنها تتصنع عدم الانتباه لي .
بعد المحاضرة واثناء انصرافنا من الجامعة حاولت اني اعتذر لها ......
انا اسف جدا يا انسة .انا عارف اللي حصل قلة ذوق مني بس صدقيني فضولي غلبي .مش عارف اعمل ايه علشان اعتذرلك وتسامحيني .
خلاص محصلش حاجة .
لكن واضح عليكي انك لسه زعلانه اوي .مش عارف اعمل ايه علشان اعتذرلك .
يا استاذ متعملش حاجه خلاص حصل خير .
بعدها انصرفت هذه الفتاه من امامي وبعدها مشيت انا وروحت علي البيت .
الصراحة تفكيري فيها وفي الكلام اللي كانت كتباه واعتذاري لها وردها علي .كل ده ظل في تفكيري طول الطريق وبعد ما روحت البيت لحد ما نمت .
انا شفت فيها شخصية غريبه كلها غموض وكنت عاوز اعرف ايه اللي ورا الغموض ده .
الحلقة الثانية 
انا شفت فيها شخصية غريبه كلها غموض وكنت عاوز اعرف ايه اللي ورا الغموض ده .
بقيت بعد الايام علشان اروح تاني الجامعة واشوفها رغم اني معرفش حتي اسمها .
روحت الجامعة وبقيت عنيا بتبص عليها في كل مكان ومش لاقيها .
كنت حاسس اني هتجنن لحد لما جت متأخرة .
اول ما شفتها قلبي بقي بيدق بسرعة .
ضحكت في نفسي وقلت ايه ده هو ده الحب اللي بيقولوا عليه .
انا عمري ما حسيت بالاحساس ده .
خلصت المحاضرة وبين المحاضرتين لقيتها قاعدة لوحدها .
كنت خاېف اروح اكلمها تصدني وتحرجني .
شجعت نفسي وروحت ...
صباح الخير .
صباح النور .
انا خاېف تكوني لسه زعلانه مني .
انا قلت لحضرتك حصل خير مش زعلانه ولا حاجه .
كنت عاوز اعبرلك عن اعجابي باللي كنتي كتباه حقيقي كلام جميل بيدل انك انسانه مشاعرك رقيقة .
شكرا .وهتقولي بقه عاوزين نتعرف .مش كده بردو  
اذا مكنش يضايقك .
بص يا استاذ العنوان غلط انا مش من بتوع نتعرف .
واضح انك فهمتيني غلط .
لا .انا فهماك صح .
لا .فهماني غلط .انتي في ظنك اني عاوز اتعرف عليكي علشان اتسلي بيكي .
يا استاذ انا ولا بتاعت تسلية ولا غيره .ريح نفسك .
هو انتي مرتبطة 
يا عم لا مش مرتبطة ولا هرتبط .في حاجة تانية 
طبعا انا حسيت باحراج شديد ومعرفتش ارد ومشيت .
طوال المحاضرة التانية وانا شايفها بتبص عليا كل شوية .
عنيها زي ما تكون كانت عاوزة تعتذر .
بعد المحاضرة حاولت اتاخر شوية في الخروج لحد لما تخرج هي .
فعلا هي خرجت الاول بعدها بشوية انا خرجت لقيتها واقفه لوحدها وبتبص عليا زي ما تكون مستنياني .
روحت كلمتها ....
انتي واقفة كده ليه .ممكن اساعدك في حاجه 
انا اسفه اني كلمتك باسلوب يضايقك بس اعذرني انا مش بكلم شباب .
ولا يهمك ولكن انا مش قصدي حاجة غلط .
انا عارفة .وبكرر اسفي لو كنت احرجتك .
انا اسمي اسامة ولو احتجتي اي حاجه ياريت تعتبريني صديق ومتتردديش انك تقوليلي .
حاضر ان شاء الله .وانا اسمي امل .
بعدها انصرفت امل وانا مشيت ونظراتها مش بتفارقني .
بقيت بفكر في امل طوال الوقت وكل ما اروح الجامعة احاول اتكلم معاها كتير .
لكن امل كانت دايما بتتكلم معايا بحرص شديد .
كل ما كنت بحاول اقرب منها كانت هي مش بتديني الفرصة عكس نظراتها اللي كنت بشوف فيها اعجابها بيا وانها عاوزه تقرب مني اكتر .
استمرينا علي كده حوالي شهرين لحد ما في يوم كلمتها بصراحه .
انتي ليه يا امل كل ما احاول اقرب منك بتبعدي 
لان احنا لسه منعرفش بعض كويس غير ان انا مش بفكر في الارتباط دلوقتي .
لكن انا معجب بيكي جدا ومتعلق بيكي وبفكر فيكي علطول .وفعلا عاوز ارتبط بيكي.
سكتت امل شوية واتنهدت وقالت وانا كمان مش