باب أمل للكاتب عادل عبد الله

هتتحجز تاني يوم في المستشفي وانه هيكون ممنوع استخدام الموبايل لحد ما تعمل العملية .
عدت ايام كانت اصعب ايام عليا .كنت بفكر فيها طول الوقت وخاېف مشفهاش تاني .
معرفش عنها اي حاجه ولا حتي معاد العملية .
فكرت اكلم مامتها او اختها ولكني افتكرت اني كنت بكلمهم علي تليفونها هي ومعرفش ارقامهم .
التفكير والخۏف بقوا هيجننوني لدرجة اني مبقتش بفكر في شغلي وكمان نسيت ان نتيجة الكلية جي وقت ظهورها .
اتصل بيا زميل من الجامعة وكلمني وقالي ان النتيجة ظهرت .
روحت اشوف النتيجة والحمد لله لقيت نفسي نجحت وكمان امل نجحت .
واثناء وانا خارج من الجامعة شفت من بعيد واحدة شبة امل بالظبط من ضهرها .
جريت علشان الحقها ولكني ملحقهاش لانها ركبت عربية ومشيت .
وقفت قدام باب الجامعة بفكر .هي اللي شفتها دي امل صحيح ولا تهيؤات !!
معقول حبي ليها ولهفتي وخۏفي عليها خلوني يحصلي تهيؤات !!!!!
واثناء وانا واقف بفكر شفت صحبتها اللي كانت بتقعد معاها علطول خارجة من الجامعة بعد ما شافت النتيجة .
سألتها عن نتيجتها وقالتلي انها نجحت .
سألتها عن امل واني لسه شايفها من شوية لكن ملحقتش اكلمها .
ردت عليا صحبتها ان امل مسافرة برة علشان تعمل عملية في القلب ولسه مرجعتش .
واستغربت اني معرفش انها مسافرة !!! 
قلتلها اني عارف انها مسافرة لكني لما شوفت بنت شبهها افتكرت انها رجعت من السفر .
عدا اكتر من عشرين يوم لحد ما في يوم لقيت تليفوني بيرن .ببص في التليفون لقيت رقم امل قدامي .
الحلقة السادسة 
عدا اكتر من عشرين يوم لحد ما في يوم لقيت تليفوني بيرن .ببص في التليفون لقيت رقم امل قدامي .
اول ما شوفت امل بترن عليا طيرت من الفرح .ورديت عليها .
حمدلله علي سلامتك يا قلبي .وحشتيني اووووي .كنت حاسس اني ضايع وانتي بعيد عني .
وانت كمان وحشتني اووووي .مكنتش بفكر غير فيك قبل وبعد العملية .
هترجعي امتي انتي وحشاني اوي وعاوز اشوفك .ممكن تكلميني فيديو علشان اشوفك واطمن عليكي .
لا مش هينفع دا انا بتكلم دلوقتي وخاېفة حد يشوفني .المكالمات ممنوعة هنا في المستشفي .
طيب هترجعي امتي  
لسه قدامي من اسبوعين لشهر متابعة في المستشفي لحد ما ا رجع .
كتير اوووي .مش هقدر اتحمل غيابك كل ده .
معلش يا اسامه زي ما عدت الفترة اللي فاتت هتعدي الفترة دي .وهرجع ونتقابل .
الفترة اللي فاتت كانت صعبة اوي .بس انا النهارده اسعد انسان في الدنيا اني سمعت صوتك واطمنت عليكي .
حبيبي .بحبك اوووي .انا عملت العملية مخصوص علشانك .
وانا عايش مخصوص علشانك .
لو كنت مت كنت هتعمل ايه 
بعيد الشړ عنك .كانت حياتي اټدمرت .
بتحبني للدرجادي يا حبيبي 
لا .انا بحبك اكتر مما تتخيلي. احساسي اكبر من اني اعبر عنه بكلام .يا امل في مكان في قلبي محدش ډخله قبل كده وكنت حاسس ان المكان ده محجوز لحد معين .لحد ما قابلتك وعرفت انه مكانك انتي .
للدرجة دي بتحبني .انا فرحانه اووووي .والحمد لله اني عملت العملية علشان اعيش واسعدك .معلش لازم اقفل دلوقتي الدكتور جاي .
كل ما تعرفي تكلميني اتصلي بيا .
بعد ما قفلت معاها كنت طاير من السعادة علشان اطمنت علي حبيبتي .
لكن كنت حاسس ان الاسبوعين او الشهر الباقيين هيعدوا كأنهم عمر بحاله.
عدا اكتر من شهر بعدها ومتكلمتش مع امل خلاله الا مرات معدودة جدا .
عرفت منها انها خلاص راجعة من السفر.
بقيت بعد الايام لحد ما جي اليوم اللي رجعت فيه من السفر .
حاولت اقابلها ولكنها قالتلي انها راجعة من السفر تعبانه ولكنها كانت بتتكلم معايا طول الوقت بالليل والنهار .
لحد ما جي يوم وخرجنا فيه ولتقابلنا .
اول ما شوفت امل حسيت اني زي طفل صغير تاه من امه ورجعلها . كنت عاوز اضمها في حضني واحس بقربها بعد الغياب ده كله .
حاولت اتحكم في نفسي ولكني مسكت ايديها الاتنين وبوستهم وضمتهم ليا اوي .
امل كمان كان واضح عليها شوقها ليا واني كنت واحشها جدا .
قعدنا مع