باب أمل للكاتب عادل عبد الله

بعض اكتر من سبع ساعات عدوا كأنهم سبع دقايق .كنت فيهم فرحان من قلبي ولكن قبل ما تمشي قالتلي انها الفترة دي مش هتقدر تخرج وتقابلني كتير لانها لسه تعبانه من العملية .
لما كلمتها عن الخطوبة والجواز قالت ان الدكتور اللي عملها العملية قال انها مش هينفغ تتجوز قبل سنتين .
قلتلها طيب خطوبة علي الاقل دلوقتي .قالتلي اديني فرصة شهر نرتاح من العملية والسفر وهخليك تقابل بابا .
من جوايا حسيت ان امل فيها شئ مختلف بس انا مش قادر افهمه .رغم ان كلامها كله زي ما هو لكن انا حاسس ان في حاجه غريبه .
عدا اكتر من شهر خلال الفترة دي كان كل كلام امل حب في حب واول ما اتكلم عن الخطوبة تتغير طريقة كلامها ولكن مرة تقولي لسه مقلتش لبابا .
ومرة تقولي انها قالت لباباها وقالها بعدسنتين زي ما قلل الدكتور .ومرة تقول ان باباها قال بعد الجامعة علشان يطمن علي مستقبلها وتبقي فاضية للجواز .
اخر مرة قلتلها ان دي اخر مرة هكلمها في الموضوع ده قالتلي ان باباها عيان واول ما يخف هتحدد معاد وهقابله .
وفي يوم اقيت رقم غريب بيرن علي موبايلي .
رديت علي الموبايل كان صوت واحدة ست ............
الو .مين معايا 
الو..حضرتك اسامة 
ايوه يا فندم حضرتك مين  
انا مامت امل .
اهلا وسهلا يا ماما .ازي حضرتك وازي صحتك يارب تكوني بخير .
بخير الحمد لله .كنت عاوزة اشوفك .
تحت امرك في اي وقت يا ماما .
يناسب بكره الصبح يابني 
الصبح انا بكون في الشغل لو علي واحده الضهر ممكن اخد اذن .
ماشي يابني كويس .في نادي انا بقعد فيه احيانا هقابلك فيه .
حسيت من صوتها ان في مشكلة او حاجه غريبه هي امل كويسه يا طنط 
ايوه الحمد لله بخير .
طيب هي ليه مش كلمتني .مممكن بعد اذنك تدهاني اسلم عليها 
لا يا حبيبي .هي مش جنبي ومتعرفش ان انا بكلمك .
يعني مش هتكون معاكي بكره 
لا .
هو في حاجة انتي مخبياها عني يا طنط .
خير يابني .بكره هتعرف كل حاجة. 
الحلقة الاخيرة 
مكالمة صغيرة من مامت امل لكنها قلقتني جدا .
حسيت ان في مصېبة مامت امل مخبياها .حتي صوتها كمان متغير اوي وطريقتها واسلوبها في الكلام مش زي ما كلمتها قبل كده .
القلق بقي هيموتني علشان اعرف فيه ايه .
معرفتش انام طول الليل من القلق .
روحت الشغل الصبح وعلي الساعة ١٢ اخدت اذن انصراف ومشيت .
روحت علي النادي اللي قالتلي عليه .وقعدت استناها وانا قلبي بيرتجف من القلق واعصابي مش قادر اسيطر عليها .
بعد ربع ساعة لقيت مامت امل بتتصل بيا علشان تعرفني من بين اللي قاعدين في النادي .
قابلت مامت امل .كان واضح عليها انها حزينة اوي .
اهلا بيكي يا طنط اتفضلي استريحي .تحبي تشربي ايه حضرتك .
ازيك يا بني .مش مهم اشرب انا عاوزاك في حاجه اهم من كده. 
اتفضلي انا تحت امرك .يارب يكون خير .
مش خير ابدا .
خير حضرتك انتي كده قلقتيني اكتر ما كنت قلقان .هي امل بخير 
امل كانت بخير لحد ما عرفتك .
حضرتك تقصدي ايه .
اقصد ان امل كانت راضية بعيشتها وبجوزها لحد ما ظهرت انت في حياتها وهي دلوقتي عاوزه تطلق من جوزها وترمي بنتها .
نعم !!!!!!!!!! امل متجوزة 
هو انت فعلا متعرفش انها متجوزة زي ما هي قالتلي 
وحضرتك ليه مش قلتيلي قبل كده 
وانا كنت هقولك ازاي .انا لسه واخده رقم تليفونك منها البارح لما كلمتني في موضوعكم .
لكن لما كلمتيني قبل كده في التليفون مش قلتيلي انها متجوزه ليه 
كلمتك امتي يا بني 
حضرتك كلمتيني قبل كده علي تليفون امل وكلمت اختها كمان مامت جومانا .
انا عمري ما كلمتك قبل كده الا البارح .وامل معندهاش اخوات بنات اخوتها كلهم شباب وجومانا تبقي بنتها .
بقيت حاسس ان الدنيا بتلف بيا من الصدمة وحاسس ان