باب أمل للكاتب عادل عبد الله

هيغمي عليا وهفقد الوعي .
معقول !!!! كدبت عليا في كل ده طيب وموضوع العملية كدب ده كمان 
عملية ايه 
عملية القلب اللي سافرت مع باباها تعملها بره .
يا حبيبي باباها مېت من كام سنة وهي زي الفل مفيهاش حاجه .هي قالتلك كده امتي 
كانت قايلالي من فترة ان عندها مرض في القلب وانا فضلت اشجعها انها تعمل العملية علشان نتجوز .ومن حوالي اكتر من شهرين قالت انها سافرت تعمل العملية مع باباها .
لا يا حبيبي مفيش حاجه من الكلام ده صح ده جوزها اللي مسافر يشتغل بره وبييجي كل سنة اجازة .وهو جي من ثلالثة شهور تقريبا ولسه مسافر من حوالي شهر .وبعدها قالتلي انها عاوزه تتطلق منه ولما ضغطت عليها قالت علي انها تعرفك .
بقيت قاعد مش عارف اتكلم من الصدمة .
طيب بعد اذنك يا طنط ممكن اطلب منك طلب 
انا اللي عاوزه اطلب منك تبعد عن بنتي علشان متخربش بيتها .هي كانت عايشه وراضية بعيشتها لحد ما انت ظهرت في حياتها .
حاضر انا هنفذلك طلبك حالا .بس ارجوكي اتصلي بيها وخليها تيجي وبلاش تقوليلها اني موجود .وانا هنهي الموضوع ده حالا .
فعلا مامت امل اتصلت بيها وخلال نص ساعة كانت امل وصلت عندنا واحنا قاعدين .
اول ما امل شافتني قاعد مع مامتها ارتبكت وكانت عاوزه تمشي .
لكن مامتها منعتها انها تمشي وخلتها تقعد معانا .
بدأت انا اتكلم ...
يا امل انا عرفت من مامتك كل حاجة .ممكن اعرف منك انتي كدبتي عليا كل الكدب ده كله ليه انا عملت فيكي ايه علشان تعملي فيا كده 
امل فضلت ساكته وباصه في الارض مبتتكلمش .
حاولت اعرف منها سبب اللي عملته ده ولكن كانت ساكته ومش عاوزه تتكلم .
لحد ما في الاخر اتكلمت  
لو تفتكر يا اسامة انا في البداية مكنتش بكلمك او بكلم اي حد .
هنا امها صړخت في وشها وقالتلها وايه اللي خلاكي تعملي كده 
اڼهارت امل من البكاء وقالت  
انا معملتش حاجة غلط انا انسانه عندي مشاعر واحاسيس والبيه جوزي سايبني وعايش بره وانا كنت حاسة اني بقيت زي الجماد كرسي او طربيزة في البيت .
وكنت عايشة ومستحملة وانا بتقطع من جوايا وحاسة اني مېتة .
لحد ما دخلت التعليم المفتوح علشان اذاكر واكمل تعليمي واحس اني لسه عايشة .
في الاول كنت رافضة اي علاقة باي حد وقلت ان حياتي كلها جومانا بنتي ومذاكرتي .لحد ما ظهر اسامه في حياتي .
وفي نفس الوقت ده عرفت من مرات واحد زميل جوزي في السفر انه اتجوز عليا واحده من البلد االي بيشتغل فيها .
كرامتي انجرحت وفي نفس الوقت لقيت من اسامة الحب والاحساس اللي كنت قربت انساه وبدأت احبه انا كمان .
مقدرتش اسيطر علي احاسيسي ومكنتش اقدر اقوله اني متجوزه وعندي بنت علشان ميبعدش عني .
حاولت اهرب من حبك كتير .لكن مقدرتش .
ولما حسيت ان حبك امتلكني وانت طلبت مني انك تتجوزني قلت لماما اني عاوزه اتطلق علشان نتجوز .
لو كنتي صارحتيني من البداية كنت بعدت عنك من الاول قبل ما اتورط في حبك .
.ولو مكنتش قدرت وحبك امتلكني كنت هحترم صراحتك ورغبتك في الانفصال عن جوزك .وكنت ساعدتك لحد ما تطلقي منه ونتجوز .
و يمكن كنت كمان هقبل اني اربي بنتك واعتبرها زي بنتي .لكن انتي كدبتي عليا بدل الكدبة الف كدبة .
انتهت .