حكاية شربات والخمس بنات للكاتب عادل عبد الله

يتزوجها .
ورغم مرور وقت اطول علي زواج أمل وشادي الا انهما لم يحدث حمل .
ذهبت امل مع شادي للاطباء واجرت فحوصات طبية وعرفت ان موضوع الحمل عندها صعب وقد يأخذ بعض الوقت مع العلاج .
في تلك الاثناء لم يمنع نزول السوق ومساعدة والدتهم كلا من اسماء وولاء من التفوق في دراستهم فدخلن الثانوية العامة وبعدها الجامعة .
التحقت ولاء بكلية العلوم والتحقت اسماء بكلية التربية .ولأول مرة يفترقا في التعليم بعد ان كانا سويا طيلة مشوار الدراسة .
وحينما دخلت ولاء الجامعة ظلت منطوية علي نفسها متحفظة في معاملتها مع الغير .
اما اسماء في الجامعة فكانت اكثر جرأة وانطلاقا ولذلك تعرفت علي اصدقاء جدد كثيرين . صديقات كثيرات وقليل من الزملاء الشباب الذين كانت علاقتها بهم سطحية بعض الشئ .
من بين هؤلاء الاصدقاء كان نور الذي اعجب كثيرا بأسماء ولكنه لم يفصح لها عن اعجابه بها فأحواله المادية كانت بسيطة فأثر كتمان اعجابه بها في قلبه .
ولكن بمرور الوقت كان هذا الاعجاب قد تحول الي حب عميق .
فكل شئ في اسماء كان يحبه بداية من جمالها و اسلوبها المهذب حتي اخلاقها الكريمة النادرة .وكان لابد له من ان يصارحها بحبه .
حتي جاء اليوم الذي صارحها فيه نور بحبه .....
الحلقة الثامنة 
لم يكن نور وحده الذي احبها ولكن اسماء ايضا دق قلبها له ولكنها كانت تخفي حبها في قلبها حينما تفكر انه من المستحيل ان تقبل أي اسرة محترمة ان تزوج ابنها لبنت شربات بلطجية السوق .
حتي جاء اليوم الذي صارحها فيه نور بحبه .
بمجرد ان اعترف نور لها بحبه وان اعجابه لها من اليوم الاول وقفت اسماء تبتسم وهي صامته ولم تستطيع ان تنطق بكلمة واحدة .ثم انصرفت مباشرة من امامه .
وفي اليوم الثاني حكيت له أسماء كل الظروف والبيئة التي تعيش فيها .وقالت له ان بسبب هذه الظروف قررت انها لن تدخل قصة حب ابدا لأنها مستحيل ان تصادف انسان مناسب يتقبل ظروفها .
نور كان له رأي مختلف فكان رأيه ان وجود انسانة مثلها في ظروفها التي عاشت فيها تدعو للفخر .و قال لها ان ما قالته يدعوه لأن يحبها ويتمسك بها بشكل اكبر .
نور ايضا حكي لها عن حياته وظروفه وان ظروفه المادية بسيطة وان مشوار الحياة مازال طويلا امامه .
ما زاد حب نور في قلب اسماء أخلاقه وصدقه وصراحته وايضا شجاعته .
اسماء وولاء بعد دخولهما الجامعة واكتمال نضج تفكيرهما اعترضتا علي أعمال البلطجة التي تمارسها أمهما وأخواتهما في السوق وطلبا منها البعد عن تلك البلطجة .........
انتي لازم تبعدي عن اللي بتعمليه في السوق ده يا أمي .
بعمل ايه يا بت انتي و هي هو انا بعمل حاجة غلط !!
ايوه طبعا غلط . والفلوس اللي احنا عايشين منها دي كلها فلوس حرام .بتاخديها من الناس بالعافية .
وهو انتي واختك جايين النهاردة علشان تعرفوني الصح من الغلط !!!!! 
العفو طبعا يا ماما مش قصدنا كده .لكن الدنيا بتاخد الواحد ساعات وبيختلط عليه الصح والغلط .
لا يا حبايبي انا مفيش حاجة اختلطت عليا انا عارفه الصح كويس والغلط كويس اوي .
ومادام عارفه ليه مصممة تكملي في طريق الغلط !!
ومين قالك انه غلط !! ده هو ده الصح بعينه .هي الدنيا كده يا بنتي انتي زي البحر وانتي بتختاري اما تكوني حوت وتاكلي الاصغر منك او تعيشي بساريا وتتاكلي من الاكبر منك . 
لأ يا ماما الدنيا مش بحر ولا غابة القوي بياكل فيها الضعيف .الدنيا دي لها رب خالقها وبيحاسب الناس .و بينتقم من الظالم للمظلوم .حتي في الحيوانات ربنا هيرجع كل حق لصاحبه .الدنيا مش سايبة ابدا يا أمي .
بطلي يا بت انتي وهي انتوا ياللي لسه مطلعتوش من البيضة هتعلموني !!
لا يا ماما مش بنعلمك لكن بنفكرك بس مش اكتر .
لو اتكلمتوا بدل اليوم الواحد سنة كاملة مش هتغيروا اللي في دماغي .
انتي حرة ياماما لكن يا ريت تفكري تاني .واحنا الاتنين بعد كده مش هنمد ايديا للحرام تاني ولا