رواية ابن أمي وأبويا ( حصرية ) للكاتب عادل عبد الله

هتعيب في اخويا .
اخوك . اخوك .اخوك ده انسان اناني ومستغل وانتهازي ولا يعرف معني الاخوة اللي انت بتتكلم عنه ده .
لو هو ميعرفش انما انا اعرف وكل واحد بيعمل بأخلاقه . المهم دلوقتي يا ام زين يلا بقي نروح بيتنا .
هروح البيت ازاي بعد ما ثقتي فيك اتهزت !! ده غير كلام الناس هيقولوا اكيد مراته مش ملية عينه علشان كده بيبص لمرات اخوه .
لأ . مش عاوز ثقتك فيا تتهز والدليل علي حبي ليكي واني مش اقدر ابعد عنك اني جريت علشان اجيب دليل علي كدبها علشان انتي تصدقيني .
توعدني انك متخبيش عليا حاجة تاني 
اوعدك عمري ما هخبي عنك حاجة ابدا .
طيب ونظرة الناس ليا وليك بعد الموضوع ده 
انا هخلي اسامة وكل الناس تشوف سجل المكالمات ده علشان يصدقوا ان عبير كدابة ورجوعك معايا وثقتك فيا هتكون اكبر دليل علي صدقي وكدبها .
روحنا البيت وحاولت اكلم اسامه علشان يشوف سجل المكالمات من الشركة ويعرف كدب مراته لكن كان مش بيرد عليا ابدا حاولت افهم أمي واخواتي البنات امي كمان صدقت عبير وكدبتني انا انما اخواتي البنات صدقوني لكن قالولي ان اسامة معذور سيبه دلوقتي وبعد فترة لما الموضوع يهدا هنبقي نفهمه الحقيقة .
كمان اهل القرية اغلبهم صدقوني خصوصا لما شافوا سجل المكالمات ولما سندس رجعت البيت تاني .
مر كام شهر وجاء ميعاد ولادة سندس وجت سندس الصغيرة للدنيا ولما حبيت اعمل السبوع بتعها حاولت اقول لأسامة ولأمي علشان يحضروا لكن مفيش حد منهم رد عليا و قولت لاخواتي البنات اعتذروا علشان امهم هتزعل منهم لو عرفت انهم راحوا عندي !!!
اصعب حاجة في الدنيا احساس الظلم وانا طول عمري حاسس بالظلم منهم وكمان ظلمهم ليا بيتطور مع تطور اعمارنا وكبر سننا !!! 
لكن بعد ولادة سندس بأقل من شهر اتفاجأت وانا في البيت بأختي فريدة بتتصل بيا ومڼهارة من العياط وبتتكلم وانا مش قادر افهم هي بتقول ايه من عياطها قلبي انقبض وقولتلتلها بصوت عالي اهدي وبطلي عياط و فهميني بتقولي ايه من فاهم حاجة منك .
قالتلي اخوك اتقبض عليه ومتهم في قضية قتل !!!!!
قتل !!! ياهار اسود !! قتل مين 
بيقولوا قتل واحدة رقاصة !!!!!!

ابن أمي وأبويا
الحلقة الثانية عشر
سامية اختي قالتلي اخوك اتقبض عليه ومتهم في قضية قتل !!!!!
قتل !!! ياهار اسود !! قتل مين 
بيقولوا قتل واحدة رقاصة !!!!!!
خرجت جري من البيت و سافرت روحت القاهرة ودخلت قسم الشرطة وكانت هناك امي وعبير منهارين تماما سألت ظابط علي أسامة وعرفت انه فعلا محپوس پتهمة قتل رقاصة كان علي علاقة بيها .
طلبت زيارته لكن الظابط رفض وقال ان مفيش زيارة النهاردة ونصحني بطريقة ودية اشوف محامي كويس علشان القضية كبيرة .
سألت الظابط عن القضية قالي اخوك اسامة كان مصاحب واحدة رقاصة وكانوا قاعدين مع بعض في شقته من فترة طويلة وانها اټقتلت عنده في الشقة وكل الأدلة بتقول ان هو اللي قټلها !!!
عبير اول لما سمعت الكلام ده سابتنا ومشيت وبعدها بدقايق أمي وقعت علي الأرض أغمي عليها !!! 
حاولت افوقها معرفتش الظابط طلب الاسعاف وفعلا اخدت امي وروحنا المستشفي وبعدها كلمت سامية وفريدة اخواتي وقولتلهم علي اللي حصل وطلبت منهم واحدة تروح لعبير تهديها والتانية تيجي بسرعة تقعد مع أمي في المستشفي علشان اشوف محامي لأسامة .
بعد وقت قليل سامية جت القاهرة ووصلت المستشفي وقعدت مع أمي اللي عرفنا أن حصلها جلطة في المخ وحالتها صعبة ودخلت الرعاية المركزة .
بدأت اسأل علي محامي كويس لحد ما وصلت لمحامي قالي هروح معاك احضر التحقيقات مع المتهم واعرف القضية وبعدين نحدد الاتعاب .
اخدت المحامي وجريت علي قسم الشرطة و قابلنا أسامة وكان مڼهار تماما حاولت اطمنه و المحامي اتكلم معاه وسأله عن اللي حصل  
اسامه قاله انه كان يعرف الرقاصة دي من فترة طويلة وانه كان متجوزها عرفي وأنه فوجئ بيها مقتولة في الشقة .
سأله المحامي اذا كان هو اللي قټلها رد اسامة واقسم انه مش