رواية ابن أمي وأبويا ( حصرية ) للكاتب عادل عبد الله

محدش بيفكر فيها الا العبط اللي زيك دلوقتي .
ببص حواليا لقيت الشمس بتغرب وانا سرحان قولت اعوذ بالله من الشيطان الرجيم . ايه الشيطان اللي كان بيكلمني ده !! اعوذ بالله من الشيطان الرجيم .
لقيت سندس جاية وجايبة معاها طبق وقطفت شوية فاكهة من الاشجار اللي في الجنينة وغسلتهم وحطتهم قدامي وقعدت جنبي .
بصيتلها ومسكت ايديها وقولتلها ربنا يخليكي ليا ويديمك عليا نعمة .
قالتلي انت لسه زعلان علشان سيبت عبير لوحدها في البيت وخرجت 
قولتلها انتي بالذات مقدرش ازعل منك بس انا خاېف حد يدخل ما بينا ويفسد علينا حياتنا .
عمر ما حد ابدا يقدر يدخل بينا انا وانت روح واحدة في جسدين .
حمدت ربنا وقولت لنفسي دي رسالة من ربنا ليك علشان تبعد عن اي شيطان يلعب في دماغك .
وتاني يوم نزلت الصبح روحت شغلي واثناء وانا في الشغل رن رقم غريب علي تليفوني .
ولما رديت علي التليفون لقيت صوت حريمي بتقول صباح الخير يا بشمهندس .
قولتلها صباح النور . مين حضرتك .
ضحكت وقالتلي معقول ولا عارف صوتي ولا عارف رقمي انت زعلتني منك يا بشمهندس .
انتي عبير صح  
ايوه عامل ايه يا بشمهندس 
الحمد لله خير في حاجة امي تعبانة ولا حاجة اتكلمي بسرعة قلقتيني .
اطمن مفيش حاجة من دي انا بس كنت بطمن عملت ايه 
عملت ايه في ايه مش فاهم .
مش بعد ما انا مشيت قعدت تفكر في كلامنا 
ابن أمي وأبويا
الحلقة العاشرة
عبير اطمن مفيش حاجة من دي انا بس كنت بطمن عملت ايه 
عملت ايه في ايه مش فاهم .
عبير مش بعد ما انا مشيت قعدت تفكر في كلامنا 
استغربت هي عرفت منين اني كنت بفكر في كلامها !! رديت عليها عاوزة ايه يا عبير  
مفيش يا بشمهندس يعني انا غلطانة اني بتصل بيك !!
وفجأة الاتصال اتقطع اتصلت انا بيها علشان اعرف هي عايزة ايه بالظبط .
كنتي بتقولي ايه يا عبير 
كنت بسألك انا غلطانة اني بتصل بيك  
ايوه غلطانة وبصي بقي انا بحب مراتي ومفيش في دماغي اي حاجة تانية .
ربنا يخليكوا لبعض ومين جاب سيرة حاجة تانية !! 
وخلي بالك اتصالك بيا بالطريقة دي غلط لو في اي تفكير في دماغك من ناحيتي انسيه خالص .
انا مش بفكر من ناحيتك الا في كل خير .
مش واضح يا عبير اللي واضح ان تفكيرك من ناحيتي كله غلط في غلط خلي بالك انا بعتبرك زي اختي من وقت ما اتجوزتي اسامة .
وانا عملت ايه علشان تقولي الكلام ده كله ! كل الحكاية اني كنت عاوزة حد اشتكي له من اسامة وعلشان انت اخوه كنت هشتكيلك انت منه .
اسامة رجل وسيد الرجالة ومش مقصر في بيته في اي حاجة شوفي نفسك انتي وعيالك بتاكلوا احسن اكل وبتلبسوا احسن لبس عايزة ايه تاني !!
وهي الحياة كلها اكل ولبس وبس اخوك بيسيبنا لوحدنا بالاسبوع والاتنين منعرفش عنه حاجة .
وفيها ايه ظروف شغله كده . وارجوكي بقي ابعدي عني وعن مراتي ومتدخلناش في حياتكم مشاكلك انتي وجوزك حلوها مع بعض بعيد عننا .
انا كنت فاكرة ان انا ليها غلاوة عندك وهتسمع مني لما اشتكيلك . وعموما انا اسفة .
قفلت معها وكنت فرحان اني قدرت اقولها الكلام ده علشان تبعد عني وعن مراتي .
ومكنتش عامل حساب المفاجأة اللي حصلت بعد يومين !!
اتفاجأت باسامة جاي البيت وهو في قمة غضبه وبيتهجم عليا وبيزعق وبيقولي ايه اللي انت عملته ده يا ابن امي وابويا بتعاكس لمراتي !! صحيح انك ندل وجبان مش هسيبك الا لما امۏتك !!
انا كنت مندهش من كلامه وبعدين بدأت استوعب وقولتله طيب اهدي كده مفيش حاجة من اللي انت بتقولها دي حصلت .
تنكر ان انت عاكستها 
عاكست مين يا مچنون انت !! انت اتخبلت في دماغك !! 
ايوه عاكست عبير لما رجعت من شغلك وكانت مراتك مش موجوده وهي قاعدة بتخلي بالها من بيتك ...