رواية ابن أمي وأبويا ( حصرية ) للكاتب عادل عبد الله

ايه 
قصدي اني كنت عارفة انك بتحبني .
من صدمة كلامها سكت ومقدرتش اتكلم .
كملت كلامها وقالت انا كتت واخدة بالي منك اوي بس انت اللي مكنتش بتتكلم !!
واتجوزتي اسامة ليه 
و انت كنت عاوزني اقعد استني !! انت عمرك ما اتكلمت وكمان دخلت الجامعة وكان لسه قدامك تعليم كتير حتي لو كنت اتكلمت !! كان لازم اتجوز زي اي بنت .
ولما انتي عارفة احساسي ناحيتك تروحي تتجوزي اخويا !! 
هو اللي اتقدملي وقتها واهلي كانوا موافقين .
كنتي ممكن تتجوزي اي حد تاني .
هو اللي اتقدملي في الوقت ده واهلي موافقين مفيش سبب كان ينفع ارفضه بسببه .
عموما كل واحد بياخد نصيبه .
اكيد طبعا . بس يا تري انت راضي بنصيبك 
طبعا اكيد سندس انسانة طيبة وجميلة طبعا لازم اكون سعيد معها و احبها كمان .
ضحكت اوي وقالت بس انت لحد دلوقتي عينيك بتفضحك يا بشمهندس .
مكنتش عارف ارد لكن قولتلها بعد ما اتلخبطت تقصدي ايه 
وفجأة كان الباب بينفتح ودخلت سندس واحنا واقفين نتكلم .
سندس سألتني بتعجب ايه ده انت رجعت دلوقتي ليه يا احمد !!!
تعبت وانا في الشغل عندي صداع جامد جدا فأستأذنت ومشيت .
عبير قالت لسندس الطبيخ اللي علي البوتاجاز استوي وطفيت عليه . انا همشي بقي علشان يمكن ابو زين تعبان واكيد عاوز يستريح 
استأذنت عبير و مشيت وكان باين عليا الصدمة من كلامها لكن حاولت أداري و سألت سندس پغضب انتي ازاي تمشي وتسيبيها هنا لوحدها 
محصلش حاجة يا احمد انا كنت سايبة البوتاجاز وكنت مش هتأخر .
قولتلك قبل كده حرصي منها ومن اي حد من أهلي .
يا حبيبي عبير طيبة اوي وبتحبني وعمرها ما هتفكر تأذيني .
يا بنتي بطلي الطيبة اللي انتي فيها دي علشان الطيبة لما بتزيد عن حدها تقلب معاكي بهبل .
اذا كنت انا طيبة انت اطيب مني يا حبيبي .
قصدك ايه قصدك ان انا اهبل 
لا والله ابدا مش قصدي .
وفضلنا نضحك احنا الاتنين وبعدين قالتلي انت اطيب واحن رجل في الدنيا .
طيب يا سندس بس يا ريت تسمعي كلامي بعد كده وبلاش تتكرر تاني .
حاضر يا حبيبي .
خلصنا كلامنا وقعدنا اتغدينا وبعد العصر خرجت قعدت في الارض وانا بفكر في كلام عبير .
ابن أمي وأبويا
الحلقة التاسعة
خلصنا كلامنا وقعدنا اتغدينا وبعد العصر خرجت قعدت في الارض وانا بفكر في كلام عبير .
وبعدين قولت لنفسي انت اټجننت ولا ايه ازاي تفكر فيها دي مرات اخوك دلوقتي !!
لقيت نفسي بترد عليا هو انت بتفكر فيها في حاجة غلط لا قدر الله ! انت بتفكر في كلامها مش اكتر .
وفضلت اتكلم مع نفسي ....
لو مكنتش بحبها قبل كده كان يبقي عادي انما دي بالذات انا كنت بحبها من زمان .
بس كلامها ليك معناه انها حاسة انك لسه مش نسيتها !!
حتي لو هي فهمت كده سندس عندي بالدنيا كلها .
بس كلام عبير واضح ان في وراه حاجة !!
حاجة ايه انت اټجننت !!! انت عايز تخون اخوك 
مين بس جاب سيرة الخېانة !! ده مجرد تفكير في كلامها مش اكتر .
وهو ينفع افكر في مرات اخويا  
اخوك مين يا عم انت ! ده هو طول عمره مش بيفكر فيك ولا بيعتبرك حتي اخوه .
حتي لو هو تفكيره كده من ناحيتي لكن بردو مهما كان ده اخويا وعمر الډم ما يبقي ميه .
ده اخد فلوسك وحقك وتعبك وحرمك منه سنين طويلة ده كان مشغلك عنده بأكلك ومصاريف جامعتك زي ما امك قالتلك !!!
بردو مهما كان اخويا ودمه من دمي .
هتفضل طول عمرك عبيط طيبتك وعبطك ده اللي مخليك كده اهلك بيضحكوا عليك ورزقك ضيق وعايش بالعافية !! شوف اسامة بيعمل ايه واعمل زيه بيتعامل مع اي حد بمنطق المصلحة علشان كده الدنيا ماشية معاه ورزقه واسع انما انت بتعمل حساب حاجات قديمة الاخوة والخېانة والطيبة والاصول الحاجات دي