رواية ابن أمي وأبويا ( حصرية ) للكاتب عادل عبد الله

عينيا وقولتلها ربنا هو اللي هيساعدنا .
صعبت عليا نفسي ودخلت اوضتي وقفلت الباب وقعدت ابكي .
يعني بعد كل التمييز اللي عانيت منه طول حياتي من امي واخويا وبعد ما هو اتجوز الانسانة اللي كنت بحبها كمان مش هيسبونا في حالنا وهينغصوا علينا حياتنا !!!!!! 
دخلت سندس عليا الاوضة وقالتلي انت زعلان ليه كده انا اسفة خلاص انت عندي بالدنيا كلها ومش هطلب منك حاجة تاني فوق طاقتك وزي ما انت قولت ربنا هو اللي هيساعدنا وان شاء الله يفرجها علينا واللي جاي يكون احسن .
كلام سندس هداني بطريقة مش طبيعية وحسيت اني فعلا متجوز انسانة زي الملايكة لكن الشياطين هي اللي كانت مأثرة عليها .
حقيقي ربنا عوضني بيها عن اي حاجة تانية وبقي نفسي احققلها كل اللي بتحلم بيه لكن الظروف هي اللي بتعجزني .
حاولت اهتم بشغلي اكتر علشان مرتبي يزيد غير اني كنت بدور علي شركة تانية يكون مرتبي فيها اعلي .
ده غير ان الفدانين بتوعي زرعتهم اشجار فاكهة وموالح وكنت براعيها لما كنت برجع كل يوم من الشغل .
زين ابننا كمل سنة ونص و سندس حملت تاني وعرفنا انها حامل في بنت .قولتلها اني هسميها سندس علي اسمها .
سندس كانت هتطير من الفرح وبقيت تقول لكل اللي حوالينا ان احمد هيسمي بنته اللي في بطني سندس علي اسمي .
لقيت اختي سامية بتتصل بيا وزعلانه وبتقولي بقي كده يا احمد !! سمعنا انك هتسمي بنتك سندس علي اسم مراتك حقيقي الكلام ده 
قولتلها ايوه حقيقي وفيها ايه  
قالتلي وليه مش تسميها علي اسم امك اللي ولدتك وربتك وكبرتك 
معرفتش امسك نفسي رديت وقولتلها انتي عامية يا بنتي ولا بتستهبلي !!!!! اسميها علي اسم امي ليه بعد كل اللي امك عملته فيا ده ولسه بتعمله لحد دلوقتي عاوزاني اسمي اسمها  
قالتلي انا عارفة يا احمد ان أمك ظلمتك وجت عليك كتير بس مهما كان دي أمك وليها عليك حق .
قولتلها وهو من حقها عليا أني اسمي بنتي علي اسمها اول مرة اعرف كده !!
قالتلي لأ مش كده بس من حقها عليك انك تفرح قلبها .
قولتلها أمك مش ظلمتني بس دي قهرتني ورغم كده لحد دلوقتي مش رفعت صوتي قدامها وبقولها نعم حاضر بس في اللي اقدر عليه انما اللي مقدرش عليه مش هعمله وكويس اوي اني احد دلوقتي بروح ابص عليها كل اسبوع ولا اتنين .
قالتلي ياااه ده انت قلبك اسود اوي من ناحيتها . دي امك يا اخي حرام عليك كده .
قولتلها مادام وصلنا لنقطة الحړام سيبي بقي حسابي عند ربنا هو اللي هيحاسبني . لو حد تاني في موقفي كان قاطع امه واخوه طول العمر لكن انا معملتش كده صحيح انا مش بار بيها كما ينبغي لكن بعمل اللي اقدر عليه .وفي النهاية حسابي عند ربنا .
مرت ايام وكنت عايش انا ومراتي سعدا بحملها الجديد .
وفي يوم روحت الشغل كالعادة لكن حسبت اني تعبان ومش قادر اكمل اليوم عملت اذن خروج مبكر. من الشغل ومشيت روحت علي البيت .
ورجعت البيت لقيت عبير في البيت عندنا لوحدها وسندس مش موجودة !!!
ابن أمي وأبويا
الحلقة الثامنة
ورجعت البيت لقيت عبير في البيت عندنا وسندس مش موجودة !!!
سألت عبير سندس فين  
قالتلي راحت الوحدة الصحية علشان زين ياخد التطعيم .
من امتي  
من حوالي ربع ساعة .
كنت عاوز اسألها ازاي تسيبها هنا لوحدها وتمشي لكن خۏفت اسبب لها حرج .
لكن الغريبة انها عرفت لوحدها عاوز اقول ايه لقيتها بتقولي هي سابتني هنا وخرجت علشان كانت بتعمل الاكل و سايبة البوتاجاز شغال خاڤت تمشي وتسيبه شغال ومفيش حد موجود .
طيب هسيبك براحتك وهخرج اقعد في الارض بره علي ما يرجعوا .
ضحكت وقالت انت مكسوف مني يا بشمهندس 
لا ابدا وهتكسف من ايه !! 
ضحكت تاني وقالت طول عمرك عينيك بتفضحك يا بشمهندس .
استغربت كلمتها اوي وقولتلها طول عمري !!
ايوه من زمان وانت عينيك بتقول اللي لسانك بيخبيه .
تقصدي ايه  
انت فاكرني مكنتش واخدة بالي منك من زمان .
سألتها بأندهاش تقصدي