مازال في العمر بقية للكاتب عادل عبد الله ( الجزءالأول )
انا كنت ناسية لبسهم ولا حتي مكانهم فين ووقفت اتفرج علي شكلي صحيح فيه ترهلات كتير لكنه لسه شكلي كامرأة جذاب !!!
ايه اللي انا بعمله ده !! أنا أتجننت ولا أيه ولا دي اللي بيقولوا عليها مراهقة متأخرة
ولا ده احساس الحرمان العاطفي اللي عيشت طول عمري حاسة بيه
أنا حاسة بنفسي كأني شجرة أصحابها أهملوها وهي صغيرة بدون ما تتروي لحد ما دبلت وقربت ټموت !!!!
يمكن لأني بدأت احس بالوحدة بسبب أنشغال إيناس بخطيبها او يمكن لأن كلها أيام وتتجوز وأعيش لوحدي !!!
مسكت التليفون ببص فيه كان كريم ابن هبة جارتي و صحبتي ....
الو .
صباح الفل يا ست الكل .
صباح النور يا كريم عامل ايه
ومامتك عاملة ايه
انا كويس طول ما بسمع صوتك .
مالك يا كريم ايه عاوز حاجة
أنا في الشغل دلوقتي بتصل بأمي ومش بترد عليا وأنا قلقت عليها ياريت تشوفيها مش بترد عليا ليه وتطمنيني .
روحت اشوف امه اللي هي هبة جارتي رنيت عليها كتير وبدأت اقلق أنا كمان ليكون حصلها حاجة وهي في الشقة وحدها هبة كمان عايشة وحدها مع ابنها كريم بعد طلاقها من جوزها من ٥ سنين وجواز بنتها من حوالي سنة .
ولسه هفكر اتصل بكريم و اقوله ييجي بسرعة يشوف فيه ايه شوفت امه طالعة علي السلم وراجعة ومعاها شنط خضار وفاكهة .
هبة قلبكم !!! أنتي ومين
انا وابنك .
هبة كريم هو فين
اتصل بيكي كتير ولما مش رديتي عليه قلق عليكي و كلمني وقالي اشوف فيه ايه عندك وواقفة من اكتر من ربع ساعة برن عليكي الجرس وبرن علي تليفونك وكنت لسه هكلمه علشان ييجي يشوف فيه ايه عندك !!
هبة حبيبتي يا زوزا ربنا يخليكي ليا أنا نسيت الموبايل ونزلت معليش اتصلي بالواد كريم طمنيه .
وبعد شوية رجعت شقتي تاني وفضلت قاعدة لوحدي لأن ايناس كانت قايلة انها بعد الشغل هتروح مع خطيبها يتفرجوا علي الأجهزة الكهربائية .
وقبل ميعاد الفرح بيوم واحد كريم أتصل بيا !!
قولت في بالي يا تري الولد ده عايز ايه
