مازال في العمر بقية للكاتب عادل عبد الله ( الجزءالأول )
هفرح ببنتي كام مرة !! ده هي مرة واحدة في العمر ومعنديش عيال غيرها وفعلا وافقت .
عملوا شعري وصبغوه أسود وأتداري الشعر الأبيض وعملوا ميكاب كامل !!!!
علي قد ما كنت مكسوفة اوي علي قد ما كنت فرحانة جدا !! حسيت اني لسه حلوة وجميلة وصغيرة !!!
روحت البيت علشان ألبس وارجع لايناس الكوافير وحطيت الفستان اللي اشتراه كريم علي السرير وجنبه فستان اسود كنت ناوية ألبسه في الليلة دي وفضلت أبص علي الفستانين ومحتارة بين الخجل والكسوف اللي حاسة به وخۏفي من كلام الناس وبين اني نفسي اعيش اليوم ده واحس بفرحتي ببنتي و أحس أني لسه جميلة وصغيرة مش عجوزة وراحت عليا !!!
وقررت أني اټجنن وأعيش اللحظة دي اللي ضيعت عمري كله علشانها .
لبست الفستان السوارية وعدلت شعري ونزلت بدون حجاب !!!
أول ما دخلت لبنتي الكوافير كل صاحباتها عبروا عن اعجابهم الشديد بجمالي لدرجة أن واحدة من اللي شغالين هناك قالتلي في ودني اني فعلا أجمل من العروسة نفسها !!
هبة أم كريم كانت معايا ودخلنا القاعة مع بعض وطول الطريق هبة كانت بتتغزل فيا وفي جمالي وجمال الفستان وشعري كانت فرحانة اوي وبتقولي ده أنتي يا بت يا زينة صغيرتي وبقي شكلك زي ما تكوني عندك ٢٥ سنة !!
النهاردة الخميس ٥ شهر ٥ .
بعد ما دخلنا قاعة الفرح والعريس والعروسة قعدوا في الكوشة لقيت عبد الحميد اخويا بيكلم قاسم ابن عمنا وبعدها الاتنين بصوا عليا وقاسم شاور بايده عليا !!
فهمت ان أخويا كان مش شايفني و بيسأل ابن عمنا عني وهو شاور له عليا .
أخويا جري ناحيتي زي البرق وعينيه كلها شرر ومسكني من أيدي بعصبية وبيقولي انتي أيه اللي عملاه في نفسك ده يا مچنونة
أنتي مش شايفة منظرك
منظري ماله مش أنا أم العروسة ولا أيه
وعلشان انتي أم العروسة تلبسي كده !! وفين الحجاب وازاي تحضري الفرح بشعرك
دي ليلة في العمر كله يا أخويا وده فرح بنتي الوحيدة وأنا معنديش عيال تانيين افرح بيهم .
أنتي تتداري في أي مكان حالا علي ما نشوف حاجة تستري بيها نفسك .
أنتي الظاهر أنك نسيتي نفسك لازم تسمعي الكلام علشان معملش معاكي حاجة تزعلك قدام الناس !!
أنت اللي نسيت نفسك ونسيت أني أختك الكبيرة .
وهنا كان وصل اخواتي توفيق
