مازال في العمر بقية للكاتب عادل عبد الله ( الجزءالأول )

و صابر وبدأت أصواتنا تعلا قدام الناس !! واتجمع حولنا بعض قرايبنا وفي النهاية قالولي بكره لنا كلام تاني معاكي !!
كريم اول ما شافني جري وكان فرحان واول ما قرب مني قال ايه يا عم الجمال دا كله !! بجد أنتي أجمل من العروسة .
 يابني بطل كدب بقي .
 بس والله قمر عارفة لو مكنتيش لبستي الفستان كنت هزعل بجد .
اديني أتجننت و  لبسته يا عم مبسوط  
كده أنا عرفت اني  غالي عندك  .
طبعا يابني انت غالي عندي زي إيناس بالظبط .
 لا ارجوكي أنا وضع وايناس وضع تاني  انا عاوز يكون  ليا وضع خاص عندك  .
 ازاي مش فاهمه !!
 يعني سيبك من حكاية اني زي ابنك وكدا .
 ما انت فعلا زي ابني .
 انا مش ابنك ولا عايز اكون زي ابنك
طيب  اومال عايز ايه !!
 عايز اتجوزك  .
كلمته صدمتني ارتبكت جدا ومش عارفة أتكلم وسبته ومشيت . 
حسيت بقلبي بيدق بسرعة وأن جسمي كله سخن وبيترعش !! يمكن يكون بسبب كسوفي ولا يكون هوه ده الحب اللي بسمع عنه !!!
كلام كريم حسسني أني لسه ممكن احب واتحب لكن أحب مين !! كريم ابن هبة !!! هو صحيح شاب ووسيم وطول بعرض واي واحدة تتمناه لكن واحدة من سنه مش واحدة من سني انا   ده كريم عنده ٢٤ سنة يعني انا اكبر منه ب ٢٥ سنة !!! كريم لما اتولد كنت انا اتجوزت وخلفت بنتي واترملت كمان !!
خلص الفرح ووصلت بنتي لبيتها الجديد مع عريسها ورجعت وكانت معايا هبة جارتي وابنها كريم .
هبة فضلت تكلمني عن جمالي وحلاوتي اللي كانت مستخبية قبل كده !!!
الف مبروك يا زيزي الفرح كان حلو اوي .
الله يبارك فيكي يا حبيبتي عقبال ما تفرحي بكريم .
في حياتك يا حبيبتي بس ايه الجمال ده كله يا زيزي !! ده كل الفرح كانت عينيهم هتطلع عليكي .
جمال ايه يا هبة !! خلاص راحت علينا .
لا يا زيزي بصراحة بعد ما شوفتك النهاردة وشوفت عيون الرجالة اللي كانت هتطلع عليكي مصدقش انك زي ما بتقولي راحت عليكي .
يا هبة خلاص انا داخلة علي الخمسين !!
طيب قوليلي بصراحة لو أتقدملك راجل محترم ومناسب مش هتفكري تتجوزي 
أنتي بتهزري يا هبة أتجوز ايه في السن ده !!