العرافة العجوز للكاتب عادل عبد الله الحلقة ٢٠
هند لأ أبدا بالعكس أنا بقيت اطمن اكتر وأنت موجود .
فريد وصاحية ليه لحد دلوقتي مادام مطمنة ومش خاېفة
هند لا ابدا كل الحكاية أني مش جايلي نوم .
فريد فيه حاجة مضايقاكي ولا بتفكري في حاجة
هند لا ابدا مش متضايقة ابدا أنا كنت عايزة أسألك عن حاجة وبعد أذنك متعتبرهاش تدخل مني في شئونك الخاصة .
ضحك فريد لا ابدا أنتي المفروض مراتي يعني مفيش عندي حاجة خاصة أداريها عنك .
جلس فريد ثم قالت له هند أنت عملت ايه مع تغريد
أخذ فريد نفس عميق ثم قال لها تغريد بتتحداني وطلبت الطلاق .
هند عايز الصراحة معاها حق .
فريد يتعجب أنتي بتقولي معاها حق !!
هند أيوه الست لما جوزها يتجوز عليها بتحس أنها انكسرت وخصوصا لما تكون متجوزة واحد زيك راجل كريم وشهم وحنين و فجأة تتجوز عليها اكيد لازم تتجنن وتعمل أي حاجة .
هند يمكن رد فعلها ده بسبب حبها ليك
فريد لا لا هي تغريد كده من يوم ما أتجوزنا وبتتصرف معايا تصرفات لو أي حد تاني مكاني مكنش قبلها أبدا .
فريد علشان كنت بحبها .
هند كنت !! يعني أنت دلوقتي مش بتحبها
هند أزاي مش فاهمة .
فريد يعني الأول كنت بحبها پجنون لدرجة أني كنت مش شايف عيوبها أنما مع تصرفاتها معايا يوم بعد يوم وخصوصا بعد موقفها مع أمي في تعبها بدأت مشاعري من ناحيتها تتغير .
هند أنا فاكرة أن كلنا كنا شايفين عيوبها وعيوب مامتها من أول يوم وتقريبا العيلة كلها قالتلك علي العيوب دي لكن انت اللي صممت علي رأيك !!
هند طريقتك في الكلام زي ما تكون خلاص قررت تنفصل عنها !
فريد لأ لسه مش قررت اني انفصل عنها لكن طلاقنا دلوقتي بقي احتمال موجود ومش مستبعد .
هند أنا اسفة الكلام أخدنا وقعدتك وسهرتك وأنت المفروض تنام .
فريد لا أبدا أنا نمت كتير انا نايم من قبل الساعة ٩ للساعة ٣ يعني اكتر من ٦ ساعات .
فريد لا أنا خلاص مش هنام أنا هسيبك تنامي واروح اعمل قهوة واقعد شوية لغاية ميعاد الشغل .
هند لأ أنا مش هنام خليك قاعد انت وأنا هقوم اعمل القهوة واجيب حاجة نفطر بيها
