العرافة العجوز للكاتب عادل عبد الله الحلقة ٢٠

مع القهوة .
فريد أنتي هتفطري معايا  
هند تضحك لو معندكش مانع .
فريد بالعكس ياريت  بس بلاش قهوة ليكي علشان انتي لسه تعبانة .
هند لا لا القهوة مادام فنجان واحد  مش مضرة بالنسبالي .
فريد طيب خليكي انتي مينفعش تقومي وانتي تعبانة .
هند لأ أنا كويسة خليك قاعد وأنا هجهزلك كل حاجة في دقايق .
فريد مينفعش وأنتي تعبانة !!
هند لا لا أنا  كويسة .
فريد طيب ما دام مصممة أنا هقف جنبك وانتي بتجهزي القهوة والفطار .
قاما ودخلا الي المطبخ واعدت هند فنجانين من القهوة مع بعض السندوتشات الخفيفة وخرجا ليجلسا ويفطرا سويا !!
وبعد تناول الأفطار استكملوا الحديث لبعض الوقت حتي   شردت هند قليلا   ثم قالت له أنا هقوم اعمل شاي أعملك معايا 
فريد أنتي لسه شاربة قهوة !! كده غلط عليكي !!
هند لا لا مش غلط أنا عايزة اشرب شاي دلوقتي .
فريد طيب سبيني أنا أعمل الشاي .
هند لا لا أنا اللي هعمله .
فريد طيب أروح اقف جنبك .
هند ماشي .
ذهبا سويا وبدأت هند تعد الشاي ثم سألته أنت واقف معايا علشان خاېف عليا ولا مجرد أحساسك بالمسئولية 
فريد الاتنين مع بعض .
وفجأة بدأت هند تمسك رأسها وتغمض عينيها !!!
فريد مالك  
هند دايخة شوية .
فريد قولتلك بلاش تتعبي نفسك .
ثم جلست مكانها علي الأرض وأمسكت رأسها بكلتا يديها !!
 هند لا لا مش عايزة أتعبك دقتين وهبقي كويسة واقوم .
فريد لا أنا هشيلك وأدخلك أحسن .
هند لا لا أسندني أنت بس وانا هقوم .
 حتي دخلا الغرفة سويا فعلقت هند يداها علي عنقه وتركت نفسها لتسقط فمسكها فريد قبل سقوطها وحملها 

وحاول أراحتها  علي فراشها بهدوء.