العرافة العجوز للكاتب عادل عبد الله الحلقة ٢٤

مسلسل العرافة
للكاتب عادل عبد الله

الحلقة الرابعة و العشرون

وفجأة يرن هاتف فريد فيلتقط الهاتف فيجد أن المتصل صديقه أحمد المحامي !!!
يرد عليه فريد ازيك يا حماده اخبارك ايه 

احمد المحامي عندي لك أخبار جديدة بالنسبة لتغريد مراتك !!!!
فريد أخبار ايه 
المحامي أنا أتواصلت مع خالها توفيق وأتفقنا أننا نحل الموضوع بشكل ودي .
فريد أتفقتوا علي ايه 
المحامي أحنا اتفقنا علي مبدأ الحل الودي لكن مش هينفع اتفق علي حاجة طبعا الا في وجودك .
فريد وهنحل بشكل ودي أزاي 
المحامي أنا اخدت منه ميعاد يوم الجمعة الجاي هنروح عنده وهتكون تغريد موجودة ونقعد كلنا لغاية ما نشوف هنوصل لأيه .
فريد ماشي يا أحمد نتقابل يوم الجمعة ونروح مع بعض .
أنتهت المكالمة وجلس فريد يبدو علي ملامحه التوتر !!
هند فيه ايه 
فريد أحمد المحامي صاحبي أتكلم مع خال تغريد علشان نقعد ونتفاوض بشكل ودي بدل المحاكم .
هند أيوه أنا فهمت كده من كلامك معاه أنا قصدي أنت شكلك اتغير ليه بعد المكالمة 
فريد اكيد يا هند لازم اتضايق وشكلي يتغير .
هند ممكن اعرف أنت ناوي تصلحها وترجعها ولا لأ 
فريد بعصبية أنا لسه معرفش هعمل ايه يا هند بعد أذنك سبيني دلوقتي علشان تفكيري كله متلخبط ومش قادر أتكلم .
هند حاضر يا فريد أنا هسيبك دلوقتي لما تهدا لكن لنا كلام تاني مع بعض .
في صباح اليوم التالي 
هند أظن أنت هديت دلوقتي ممكن اعرف بقي أنت ناوي ترجعلها ولا لأ 
فريد يا هند عايزك تفهمي حاجة كويس اوي انتي والولاد بقيتوا جزء أساسي من حياتي وبالنسبة لتغريد أنا مش هرجعلها الا بشرط أنها تتغير فعلا وتتقبل وجودك يا هند انتي والولاد في حياتي .
هند يعني بجد لو تغريد رجعتلك هتفضل معانا ومش هتسيبنا 
فريد أيوه لكن اكيد مش هكون معاكم طول الوقت زي دلوقتي .
هند ماشي يا فريد لكن أنا عايزة اقولك أنك انت اللي رجعت لحياتي انا والولاد النور والطعم الحلو من تاني بعد مۏت المرحوم .
فريد يبتسم ممكن بقي تطمني وتسبيني انزل اروح شغلي 
هند تروح وترجع بالسلامة .
مرت عدت ايام وكانت كل يوم تحاول هند أن تثبت له أن سعادته الحقيقية لن يجدها الا معها !!
وفي يوم الجمعة التالية وصل فريد مع صديقه المحامي الي منزل خال تغريد .
جلس فريد والمحامي مع خالها توفيق الذي رحب بهم ثم بدأ المحامي الحديث 
أحمد المحامي يا استاذ توفيق أحنا جايين النهاردة ونيتنا كلها خير .
توفيق واحنا كمان نيتنا خير يا أستاذ احمد .
أحمد يبتسم مادام كلنا نيتتا خير يبقي الصلح خير بأذن الله .
توفيق صلح 
أحمد أيوه وهو فيه خير غير في الصلح !
توفيق الصلح ده لما بتكون المشكلة بسيطة يبقي خير أنما لما يكسر بنت اختي ويتجوز