زيتونة الملكة للكاتب عادل عبد الله الحلقة الثالثة

وهي وحيدة بالمنزل لتبحث في مكتبته بنفسها لعلها تصل لشئ ما أي شئ يبدد خۏفها وحيرتها .
سريعا دخلت ملك الي غرفة مكتبته وبدأت تبحث بين كتبه الكثيرة .
ولكنها ما أن أمسكت بالكتب وبدأت في البحث حتي سمعت صوت جرس الباب !!!
من بالباب 
هي لا تنتظر احد !!
لا تعرف احد !!
هل عاد فايز من عمله بهذه السرعة !!
اعادت الكتب الي موضعها سريعا  وذهبت لتري من بالباب !!
نظرت من العين السحرية للباب فرأت أمرأة ثلاثينية شقراء .
فتحت الباب واذا بها تري أمرأة شديدة الجمال والأثارة !!!
قالت لها صباح الخير أسفة أني أزعجتك .
ملك لا أبدأ مفيش داعي للأسف .
أنتي العروسة اللي ساكنة هنا جديد 
ملك بأبتسامة أيوه .
أنا زيتونة جارتك في الدور العاشر .
ملك أسمك زيتونة 
أيوه وبيقولولي يا زيزي .
ملك أهلا وسهلا .
زيتونة أنتي طبعا مستغربة أنا نازلة ليه وعايزة ايه !
ملك لا أبدا البيت بيتك .
زيتونة   أنا بحب أتعرف علي الجيران خصوصا أني عايشة لوحدي .
ملك أهلا وسهلا طيب أتفضلي .
دخلت زيتونة وأغلقت ملك الباب و دلفا الي غرفة الأستقبال .
جلست زيتونة وأبتسمت وقالت أصل أنا جوزي متجوز عليا وعايشة لوحدي والملل والوحدة بېقتلوني علشان كده بحب أتعرف علي الجيران خصوصا اللي عمرهم قريب من عمري .
ملك ده شئ يسعدني خصوصا أن حضرتك واضح أنك أنسانة عشرية وحبوبة .
زيتونة بس مټخافيش أنا مش هتطفل عليكي كتير .
ملك لا أبدا بالعكس أنا كمان بحب الناس ومش بحب أعيش لوحدي خصوصا ان ماما بيتها بعيد عن هنا وجوزي هيفضل طول اليوم في الشغل .
زيتونة جوزك بيرجع من شغله أمتي 
ملك مش قبل الساعة ستة أخر النهار .
زيتونة ياااه علي كده هتبقي قاعدة لوحدك طول النهار .
ملك للأسف أيوه .
زيتونة أنا شوفت جوزك كام مرة واضح أنه انسان محترم وبيحبك .
ملك بيحبني قوي وأنا كمان بحبه پجنون تقدري تقولي بمۏت فيه .
تتغير ملامح زيتونة الي الڠضب وتتسع عيناها وتنتفخ قليلا ثم تعود أبتسامتها الزائفة وتقول الجواز لما بيكون عن حب بيكون أجمل حاجة في الدنيا .
ملك طبعا هو كمان بيحبني قوي   أحنا الأتنين بنحب بعض من أول يوم أتقابلنا فيه .
زيتونة جميل جميل جدا أهم حاجة خلي بالك منه لواحدة تانية  تيجي تخطفه منك .
ملك تضحك بثقة فايز لاااا مش ممكن فايز بيحبني جدا ومش ممكن يشوف أي واحدة في الدنيا غيري .
زيتونة بيتهيألك يا حبيبتي كل الرجالة عينيهم زايغة .
ملك بأنزعاج أنتي عايزة تقلقيني منه ولا أيه  
زيتونة لا يا حبيبتي أنا أكبر منك وأفهم عنك وصدقيني أنا بتمنالكم السعادة من قلبي .
ملك ممكن أسألك سؤال شخصي لكن سورري فضولي هيموتني أعرف .