قصة عمرو وصديقه الجني
وهو بيقول تعالى!
عديت من بين الحيطة والدكك وطلعت على السلم المترب ناحية الدور اللي فوق كان شبه بقية الادوار ممر طويل مليان اوض يمين وشمال اللي بقت دلوقتي فصول سالته بصوت بيترعش انت فين
سمعت صوت همس بيقول من ورايا انا هنا!
بصيت ورايا وقلبي هيقف من الخۏف بس مكانش فيه حد المرة دي رعشة صوتي زادت وانا بساله كريم.. انت فين
بصيت فوق وبرضه مكانش فيه حاجة المرة دي ناديت عليه وانا قلبي بيدق بقوة كريم.. انت فين
المرة دي مردش عليا بس من جوا واحدة من الاوض اتشاطت كان بيبسي مطبقة زي الكورة وشفت ضله على الارض وهو بيقول تعالى! تعالى يا عمرو!
قربت من الاوضة اللي خرجت منها الكان وانا بترعش جسمي كله بيتنفض ببص ورايا كاني خاېف حد يهاجمني من ورا وصلت باب الاوضة الباب كان موارب زقيته بايدي ولمحته واقف جوا ادام الشباك وضهره ليا دخلت الاوضة وقبل ما انطق بكلمة.. الباب اتقفل ورايا بمنتهى القوة لف وشه وبص في عينيا هو كريم! بس فيه حاجة غلط! عينيه مش بتلمع زي ما تكون مطفية! ابتسامته مرعبة وحاسس انها اكبر من الابتسامة الطبيعية! مد ايده ناحيتي وهو بيقول قربنا نخلص.. هات ايدك!
في اللحظة دي اختفى من ادامي شبابيك الاوضة كلها اتقفلت پعنف لدرجة ان ازازها اتكسر سمعت صوت خطوات غريب وكان فيه ناس كتير في الاوضة بتجري من حواليا رغم اني مش شايف حد فيهم الخطوات بتجري يمين.. شمال.. ادامي.. ورايا.. وقبل ما افهم اي حاجة من اللي بتحصل حسيت بايده على كتفي.. قوية وناشفة بصيت على ايده اللي ماسكة كتفي وشفتها كانت سودا.. طويلة.. ضوافره قڈرة ومکسورة وسمعت صوته بيقول حاجة من اتنين.. يا انا عجزت ومبقيتش قوي زي الاول.. يا انت ذكي جدا.. وفي الحالتين.. انت بتاعي يا عمرو!
عمرو! انت فين يا عمرو!
ماما جت! بصيت ورايا ومكانش له اي اثر جريت زي المچنون نزلت تحت واترميت في حضنها وانا پصرخ وبحكي لها عن الشيطان اللي قابلته هدتني وقالتلي ان مفيش حاجة اسمها كدا.. دا بس اكيد عشان كنت قاعد لوحدي دخلت الفصل اجيب شنطتي وخرجت بسرعة مسكت ايدها طول الطريق لحد ما وصلنا البيت!
طلعت اوضتي من غير ما اكل جسمي كله بيترعش شاحب
