الچريمة الغامضة للكاتب عادل عبد الله
هي كانت غلبانة زمان لكن لما عيالها كبروا وافتروا شافت نفسها شوية بس بردو مهما كان هي غلبانة بالنسبة لباقي العيلة اكتر حاجة ممكن تعملها انها تعلي صوتها شوية علي الستات في السوق او جيرانها انما عمرها ما بتفتري علي حد اما مديحة مراته التانية دي بقي وضع تاني دي مفترية ومفيش ست تقدر تقف في وشها ورغم حلاوتها بس لما تعلي صوتها تحس انها مسترجلة ده غير اننا سمعنا عنها كلام الله يرحمها بقي .
يا بيه مفيش داعي هي ماټت خلاص ومينفعش نخوض فيها .
اي حاجة تعرفيها لازم تقوليها علشان تساعدي العدالة .
سمعنا انها بتشرب سجاير ومخډرات وسمعنا ان اخلاقها استغفر الله .
هل كان لها علاقة بشخص معين
سمعنا كتير يا بيه سمعنا انها مرافقة هيما اللي شغال عند جوزها وسمعنا انها مرافقة سيد ابن جوزها وسمعنا انها مرافقة جارهم حمدان .
يا بيه كلها اشاعات انما مفيش حد شاف حاجة .
واولاد المعلم عطية لهم اي علاقات مع البنات والستات في الشارع
ييييه ده كلهم كده من كبيرهم لصغيرهم .
وخميس ابن المعلم سمعنا انه اتجوز وطلق بعد شهر علطول
ايوه فعلا من سنة تقريبا اتجوز وطلق علطول بس مفيش حد يعرف السبب .
لا هي مش من هنا تقريبا كانت قريبته او معرفة من بعيد .
طيب اتفضلي يا ام عماد دلوقتي و لو احتجنالك هنبعتلك .
سليمان بيه قال لمساعده هشام بيه دلوقتي حالا ابعت هاتلي اللي اسمه حمدان ده من تحت الارض .
انت بتشك في ايه يا فندم
هتعرف دلوقتي .
بعد نص ساعة كان حمدان في مكتب سليمان بيه ...
اسمي حمدان ٤٩ سنة صاحب محل لبيع الطيور .
رأيك ايه يا حمدان في المعلم عطية واولاده
الله يرحمهم يا بيه هما في دار الحق واحنا في دار الباطل .
سمعت ان حصلت مشكلة وخناقة كبيرة بينك وبينهم
ايوه يا بيه ما هما جيرانا والصراحة يا بيه طول عمرهم عالم مؤذية وجيرتهم ما يعلم بيها الا ربنا .
يا بيه المحل بتاعي جنب محل الجزارة بتاعهم حصلت مشكل علشان واقفة الزباين و اللي اسمه سيد ابن عطية عاكس زبونة واقفة عندي ولما عاتبته حصلت المشكلة والعركة كبرت .
حصلت اصابات في الخناقة دي
ايوه يا بيه الخناقة لما كبرت اهلي في الصعيد عرفوا ولما وصلوا هنا المشكلة كبرت اكتر وكانت هتروح فيها ارواح لكن ربنا سترها .
خلصت بالصلح يا بيه .
وانت من جواك فضلت جواك حاجة من ناحيتهم
هكدب عليك يا بيه !! انا طول عمري مش صافي من ناحية الناس دي لأنهم مش كويسين لكن حكم الجيرة بقي لازم اتحملهم .
انت البيت عندك ممكن يبقي مسقط علي بيت المعلم عطية
ايوه يا بيه بس احنا عمرنا ما نعمل كده يا بيه احنا صعايده ونعرفوا في الاصول وعمرنا ما نتعدي علي بيوت الناس .
ضحك سليمان بيه وقال لحمدان وايه رأيك في مديحة مرات عطية
الحلقة ٣
مش هكدب عليك يا بيه !! انا طول عمري مش صافي من ناحية الناس دي لأنهم مش كويسين لكن حكم الجيرة بقي لازم اتحملهم .
انت البيت عندك ممكن يبقي مسقط علي بيت المعلم عطية
ايوه يا بيه بس احنا عمرنا ما نعمل كده يا بيه احنا صعايده ونعرفوا في الاصول وعمرنا ما نتعدي علي بيوت الناس .
ضحك سليمان بيه وقال لحمدان وايه رأيك في مديحة مرات عطية
رأئي فيها من ناحية ايه يا بيه
من ناحية كل حاجة .
هي ست مش كويسة ومش محترمة ولسانها زفر .
بس كده
انت عاوز تعرف ايه يا سعادة البيه
عاوز اعرف علاقتك بيها ايه
علاقة جيرة مش اكتر .
لأ انا عارف انك كنت ماشي معاها .
لأ يا بيه استغفر الله انا مليش في الكلام ده .
انت كده مش صريح معايا وبتلف وتدور تعالي معايا دوغري احسنلك .
يا بيه انا صريح مع سعادتك انا مراتي ملية عيني ومش ببص للحرام .
بس الناس كلها عارفة انها كان لها علاقة بك انت يا حمدان .
يا بيه انا مليش دعوة بكلام الناس انا ليا دعوة بنفسي و انا عارف نفسي كويس عمري ما اعمل الغلط .
طيب انا هصدقك بس لو طلعت
