الچريمة الغامضة للكاتب عادل عبد الله
بتكدب عليا يا حمدان اعمل فيك ايه
ابقي اسجني يا بيه .
لا يا حمدان لو طلعت بتكدب هتبقي القضية دي كلها بتاعتك انت ودي يا حبيبي اخف حكم فيها الأعدام .
صح يا بيه لو طلعت بكدب علي سعادتك ابقي اعدمني .
طيب يا حمدان متفقين بس قولي بقي مديحة مرات المعلم عطية كانت ماشية مع مين
استغفر الله يا بيه اذكروا محاسن مۏتاكم دي ست ماټت ومينفعش نجيب سيرتها في كلام بطال .
حاضر يا بيه .
اتكلم مديحة كانت تعرف مين علي جوزها
انا مشفتش حاجة لكن كلام الناس كتير منهم اللي يقول ماشية مع هيما صبي جوزها ومنهم اللي يقول الواد سيد ابن جوزها و كمان قالوا علي فتحي ابن المعلمة فتحية .
كلامك مش دخل دماغي يا حمدان .
اصل اللي عمل الچريمة دي نط علي بيتهم من السطح . و المسقط الوحيد للسطح عندهم من بيتك مش معقول ناس يطلعوا بيتك لغاية السطح وينزلوا علي بيت عطية وانت متعرفش . ده غير ان اللي عملوا الچريمة مخرجوش من البيت يعني بردو طلعوا وهربوا من علي السطح !!
يا بيه انا قولت كل اللي اعرفه و معرفش حاجة وخبتها علي سعادتك .
تحت امرك يا بيه في اي وقت .
جلس سليمان بيه يحتسي قهوته ويفكر بينما الضابط هشام ينظر له ثم قال وبعدين يا سليمان بيه !! وصلت للجاني ولا لسه
لسه يا هشام .
عدم وجود شهود مصعب القضية اوي وكل اللي استجوبناهم بينكروا انهم يعرفوا اي حاجة ممكن توصلنا للجناة .
ومين قالك ان القاټل مش من بينهم
وانت فاكر ان المچرم هييجي يعترف علي نفسه ببساطة كده !! دا احنا اللي لازم نستنتجه ونعرفه وبعدين نواجهه لحد ما يعترف .
فعلا سعادتك عندك حق طيب دلوقتي هناخد اقوال مين
لازم اخد اقوال مرات حمدان انا متأكد ان كلامها هيفرق كتير وهيوضح حاجات اكتر .
وبعد حوالي ساعة وصلت زوجة حمدان ودخلت لأخذ اقوالها ..
اسمي سعاد ٤٠ سنة ربة منزل وساعات بساعد جوزي في محل الطيور.
تعرفي ايه عن المعلم عطية وعيتله
اعرف انهم ناس بلطجية ومجرمين .
تعرفي ايه عن حريم المعلم
تقصد سعدية و مديحة
ايوه وبنته زينة كمان .
سعدية غلبانة وفي حالها صحيح عايشة الدور شوية وبتزعق وتعلي صوتها في الشارع لكن غلبانة مش زي جوزها وعيالها خميس وسيد وبنتها زيزي احسن منها كمان تعليم وادب واخلاق تحس انها مش من العيلة دي انما العقربة مراته التانية اللي اسمها مديحة دي هي اللي مچرمة زي جوزها وعيالها عوكل وبسام مجرمين اكتر منها كمان .
ايوه بكرهها من افعالها السودة وقلة ادبها .
ده بسبب المشكلة اللي كانت بينكم قريب ولا علشان عرفتي ان جوزك حمدان كان ماشي معاها
كدب يا بيه حمدان جوزي ملوش في الغلط يا بيه وعمره ما مشي معاها ولا مع اي ست في الحرام .
ده كل الناس عارفين ان حمدان جوزك كان علي علاقة بالست دي وكان بيروحلها البيت
الكلام ده اشاعات وهي علشان ست مش مظبوطة طلع عليها كلام كتير ومن ضمن الكلام ده كان علي حمدان جوزي بس انا اشهد انه عمره ما عمل كده ابدا .
طيب هي كانت ماشية مع مين
معرفش يا بيه كلام الناس كتير لكن انا عمري ما شوفت حاجة بعينيا .
والناس كان بيقولوا انها كانت ماشية مع مين
في اللي قال مع هيما صبي جوزها و في اللي قال مع ابن جوزها وفي اللي قال مع فتحي ابن فتحية بتاعت المخډرات وغيرهم .
والمعلم عطية نفسه مكنش ماشي مع حد غير حريمه
هو مكنش راجل مظبوط في الشارع عندنا مكنش يقدر يعمل كده خوف من نسوانه لكن بعيد عن الشارع والحته اكيد كان يعرف كتير.
وتعرفي ايه عن ولاده
كلهم بتوع بنات وستات ومخډرات .
مش ده المهم انا مش بتكلم عن المعاكسات او العلاقات العادية المهم عندي هل حصلت مشكلة مع حد بسبب حاجة زي كده يعني مثلا حد فيهم كان ماشي مع ست وجوزها عرف او حد فيهم غلط مع بنت واهلها عرفوا حاجة زي كده مثلا
مفيش حاجة في الفترة الاخيرة الا خناقتهم مع ولاد ام عماد علشان عاكسوا اختهم .
