الشالية المسکون

العرض كان مغري ٣ ايام في الساحل الشمالي ب٤٠٠٠ جنيه بس في شاليه جواه كل حاجة. 
مفتكرتش كتير طلبت الرقم بتاع الاعلان واتصلت رد عليا راجل صوته كبير في السن وبمنتهى البساطة حجزت معاه اخر الاسبوع اربع وخميس وجمعة وهمشي السبت.
مراتي طارت من الفرحة اولادي الثلاثة ريهام ورحمة ونوح عملوا فرح لما عرفوا أننا هنسافر. جهزت كل حاجة واتاكدت أن العربية تمام وسافرنا ووصلنا الاربع الصبح. 

الشاليه شكله لطيف باصص على البحر بسلالم قديمة شكلها حلو وطراز قديم شوية بس مريح. بمجرد ما دخلنا حسينا ان المكان ممتاز وهنقضي كذا يوم مسنسوش.. وده اللي حصل فعلا! 
قضينا اليوم في البحر الشاليه قدام المياه على طول وانا في البحر بصيت ناحيته لقيت واحدة واقفة ورا الشباك باصة ناحيتي! طبعا قلبي وقف مين دي! اكيد حرامية! ناديت على نشوى مراتي ولسه برجع بعيني للست لقيتها اختفت! 
طلعت من المياه وجريت على الشاليه وطلعت الاوضة اللي كانت باصة منها ملقتش حاجة! 
مردتش احكي لنشوى عن اللي شوفته علشان متخافش رجعت البحر وحاولت مركزش قولت يمكن بيتهيألي خلصنا بعد العصر وطلعنا نريح شوية ونتغدى ودخلت الحمام اخد شاور. 
استحميت وخلصت وببص جنبي على الفوطة ملقتهاش ناديت على نشوى هاتي فوطة من برا ثواني وباب الحمام اتفتح ولقيت ايد ممدودة بالفوطة. لسه هسحبها واشكر نشوى افتكرت حاجة.. الحمام مقفول من جوا بترباس! ازاي اتفتح! شايف من ورا ستارة الحمام ظل إنسانة واقفة بالفوطة طولها اكبر من نشوى! شعرها هايش رجلها ضخمة بشكل مش طبيعي! كنت هصرخ! مسكت نفسي ناديت بصوت عالي نشوووووى سمعت صوتها من برا عايز ايه يا عصام قلبي وقع في رجلي اكتر خاېف افتح الستارة! 
فضلت ثواني متسمر والأيد ممدودة بالفوطة اخدتها بايد بتترعش وبمجرد ما عملت كده لقيت الظل اختفى! بقيت لوحدي في الحمام! 
طلعت جري وجسمي بيتنفض لبست بسرعة وطلبت رقم الراجل بتاع الشاليه حكيت ليه اللي حصل. 
المكان ده ملبوس يا باشا! قولتها بعصبية وصوت واطي خاېف حد يسمعني. الراجل رد بصوت خاېف شوية كان لازم اجيبلها حد يونسها ده اتفاقنا! 
زعقت فيه مش فاهم يونس مين انت مچنون! الراجل قال بصوت بيترعش والله مش عايز أذى ليكم هي كل سنة بتطلع من البحر تعيش في المكان يومين ولو ملقتش حد فيه بتخربه وبتكلف كتير المكان حاله بقى واقف هي عايزة ونس بس وهترجع!
قفلت السكة في وشه من الصدمة. نشوى. ناديت على مراتي جت ووشها كله استغراب. كملت هنسيب الشاليه معليش يا حبيبي هنشوف مكان تاني. 
ردت پصدمة يعني ايه وليه! المكان حلو ورخيص والعيال مبسوطين! 
نشفت دماغي وقولتلها مش هشرحلك بس المكان ده مش حلو لازم نمشي! نشوى حنينة بتسمع الكلام بتثق فيا بلعت ريقها وسكتت شوية وقالت حاضر وطلعت. 
دقائق