وسمعتها بتصرخ رحمة! رحمةةة انتي فين!!
جريت للاوضة بتاعتها لقيتها بدور على رحمة اخواتها الاتنين واقفين بيحلفوا اني اخدتها ونزلنا من دقايق! اعصابي سابت صړخت فيهم كنت بتنيل بستحمى اخدتها امتى! العيال مش بيكدبوا عياطهم الجامد دليل صدقهم!
نشوى بتبص لي وبتعيط مش فاهمة طلعت برا الشاليه ناديت عليها بعلو صوتي اقرب مكان لينا بيحتاج نص ساعة مشي! مستحيل! نشوى ماسكة في دراعي خاېفة العيال جنبي مش مستوعبين طلعت الموبايل وكلمت الراجل تاني بنتي اختفت العيال بيقولوا اني أخدتها ونزلنا!
قالي بحسرة وصوت كله أسف هترجع بس انت متمشيش قول انك مش هتمشي هترجع والله بس اسمع مني.
كنت هعيط. صړخت في الموبايل ياعم مش همشي بس عايز بنتي مش همشي بس رحمة ترجع!
كملت الجملة لقيت رحمة خارجة من ورا الشاليه! جريت عليها مصډوم وشيلتها حضنتها بصيت حواليا ملقتش حد سالتها بهيستريا كنتي فين حصلك حاجة!
ردت بطفولية يحصلي حاجة ازاي يا بابا وانت معايا! وكملت باستغراب انت كنت معايا ورا الشاليه جيت هنا ازاي! نشوى بصت لي پخوف ورحمة رفعت أيدها وقالتلي خد الكنز بتاعك اهو! بصيت في ايدها لقيت سلسلة دهب قديمة وكبيرة وفيها فصوص غريبة! مسكت السلسلة تقيلة غالية تدخلها في ١٠٠ الف مثلا! سالتها پخوف جبتيها منين! ردت وهي بتضحك انت اللي جبتها من البحر واديتهالي وقولتلي انها علشان نقعد شوية هنا.
بصيت لنشوى عينها كلها استنكار مش مصدقة بصيت على الشاليه لقيت الست واقفة ورا الشباك باصة علينا جسمي قشعر خۏفت. طلعت الموبايل اتصلت بالراجل تاني وحكيت ليه اللي حصل لقيته بيقولي رزقك لما بنيت هنا الشاليه اتقال لي ان المكان فيه جنية بحر بتحرس سفينة ڠرقت من سنين السنين كلها كنوز ومجوهرات مش هكدب عليك كتير كنت بروح الشاليه والاقي مجوهرات ودهب!
الفكرة خوفتني اخدت نشوى على جنب وحكيت ليها اللي حصل ولما خلصت قولتها فكرتي.
...........
اسبوع مر علينا في الشاليه رغم الړعب اللي شوفناه بس حياتنا اتغيرت كنا بنصحى من النوم نلاقي واحدة واقفة قدام السرير باصة علينا. بنام ونسمع صوت غنا غريب برا!
بنعوم ونشوف الست واقفة بتراقبنا من الشبابيك بنستحمى ونلاقي خطوات في الحمام وحد بيتحرك.
تجاهلنا كل الړعب ده نشفنا قلبنا بنصحى كل يوم الصبح ندور في الشاليه على دهب ومجوهرات وكنا بنلاقي حاجات كتير. الجنية بتاعت البحر كانت محتاجة ونس واحنا محتاجين فلوس صفقة حلوة نشوى ممانعتش فيها قعدنا اسبوع مرعب بس محدش فينا اتأذى خلصنا وجمعنا دهب كتير الجنية كانت بتسيبه لينا مكافأة علشان قعدنا خلصنا الاسبوع والړعب مبقاش زي الاول اتعودنا حبينا المكان حتى لما شوفنا الست بشكل مخيف زي المسخ مخفتش كانت بتتحول علشان تقدر ترجع البحر بعد ما قضت وقت في البر يوم ما رجعت
كان فيه ړعب شوية برق ضړب في السما وشوفنا مخلوقات سودا غريبة وسط المياه بتتحرك وتتموج والمسخ دخل وسطهم واختفى في العتمة.
من بعد ما حصل كده والوضع هدي واطمنت وقررنا نرجع.
رجعنا ومعانا كنز دهب ومجوهرات كتير كفيلة تعيشنا عيشة حلوة نشوى مبقتش تخاف زي الاول العيال عرفوا أننا مش عايشين لوحدنا في العالم ده وحلفت عليهم محدش يجيب سيرة لاي مخلوق باللي حصل معانا ووعدتهم أننا كل سنة هنروح الشاليه ده بشرط.. اننا مش هينفع نمشي منه غير لما الجنية ترجع البحر.. مهما حصل أو شوفنا .
