رواية في رحاب الحب (حصرية) للكاتب عادل عبد الله
مفيش حاجة حصلت .
طيب انت ليه فسخت الخطوبة
كل شئ قسمة ونصيب يا بني .
ونعم بالله بس انا عايز اعرف السبب هل انا عملت حاجة تزعل رحاب مني او تزعلك او تزعل طنط ام رحاب
لأ الشهادة لله انت انسان كويس ومحترم وعمرك ما عملت حاجة تزعلنا .
تمام .طيب ليه تفسخوا الخطوبة ورحاب موافقة علي فسخ الخطوبة بالشكل ده
طيب ممكن اعرف السبب
حقك عليا يا باسم انا اللي غلطت علشان وافقت علي ارتباطك ببنتي لأن هي مش هينفع تتجوز غير ابن خالها .
اه يعني ابن خالها هو السبب لو خايفين منه انا هقف له ومش هيقدر يقرب منها طول ما انا عايش علي وش الارض .
يعني ايه
يعني ده قرار نهائي مفيش فيه راجعة .
حتي لو انت عارف انك هتكسر قلبي
معلش يا بني حقك عليا .انا مش عارف اقولك ايه .بس صدقني خلاص الكلام مفيش منه نتيجة .
طيب ممكن اشوف رحاب قبل ما امشي .
معلش مش هينفع سهم القدر نفذ خلاص . ومعلشي يا بني انا تعبان وعايز ادخل ارتاح شوية . ياريت تروح دلوقتي وتنسي موضوع بنتي خالص لأنه بالفعل انتهي .
بالتأكيد هناك شئ ما اكبر من هذا الرجل جعله يتخذ هذا القرار .
حاولت بعدها الاتصال برحاب كثيرا دون جدوي . و اصبحت رحاب لا تخرج من منزلها ابدا حتي عملها تركته .
حتي شرفة منزلها لا تظهر منها ابدا .
ما هو السر وراء كل هذا لا اعرف .
مر يوم تلو الأخر والأمل لدي لم ينقطع .
الو .اخيرا يا رحاب رديتي عليا !! مش عاوزة تردي عليا ليه كل ده
علشان مش عاوزة اوجع قلبك وقلبي اكتر من كده .
لما قلبك موجوع ليه سبتيني
مش بايدي صدقني يا باسم .
يعني ايه مش بايدك لو انتي عايزاني مفيش قوة علي وش الارض ممكن تفرق بينا .
يعني ايه
يعني في الف حاجة بتفرق بينا ومستحيل اننا نتجوز .
ليه مستحيل مفيش حاجة اسمها مستحيل .
خلاص يا باسم زي ما بابا قالك الكلام مفيش منه فايدة . انا رديت عليك علشان اقولك انساني وعيش حياتك .
وانتي هتقدري تنسيني
لأ. مش هينفع نسيب حبنا يضيع بالسهولة دي لازم نعمل اي حاجة .
للأسف مفيش حاجة نقدر نعملها .
لأ في حل .نهرب مع بعض ونتجوز ونحطهم كلهم قدام الامر الواقع .
بتقول ايه مستحيل .
يبقي انتي مش بتحبيني .
بحبك طبعا بس مينفعش نهرب .
هو ده الحل الوحيد .
طيب اديني فرصة افكر .
من غير تفكير .طول عمرنا بنمشي ورا عقلنا خلينا نمشي ورا قلبنا مرة .
بكره هرد عليك .
لأ . انتي تعملي حسابك بكره نهرب مع بعض ونتجوز .
مش هينفع يا باسم مينفعش احط راس ابويا في الارض لو هربت معاك ابويا مش هينفع يرفع عينه في حد وهيعيش طول عمره مذلول .ده كمان ممكن ېموت فيها .
يعني ايه يا رحاب
يعني زي ما قولتلك انساني وعيش حياتك وصدقني الايام هتنسينا .واحنا مش اول اتنين يحبوا بعض وتفرقهم الايام .
وبعد عدة ايام مرت كانت كسنوات طوال رأيت الزينة والأنوار تحيط بمنزلها انقبض قلبي بشدة وكاد يتوقف .
وعندما سألت عرفت بأن زفاف رحاب بعد يومين !!!
مستحيل أن اتخيل ان تصبح رحاب زوجة لرجل اخر !!
صعدت سريعا في خطوات قليلة لمنزلها وأنا في قمة ڠضبي وثورتي محاولا عمل اي شئ .
حاول والدها تهدئتي وطلب مني أن ارحل في هدوء .
ثم خرجت رحاب من غرفتها ودموعها تملأ عينيها ولم تنطق بكلمة .
حاول الجيران تهدأتي وابعدوني عن منزلها . ورحلت بعيدا وانا اري امام عيناي كل امالي واحلامي تتحطم وتتساقط امامي .
وفي صباح اليوم التالي استيقظت صباحا علي صوت سيارة الاسعاف !!
وعندما نظرت من الشرفة رأيت المسعفين يدخلوها سيارتهم لتوصيلها لأقرب مستشفي !!!!!
نزلت سريعا للحاق بها للاطمئنان عليها ومعرفة ما أصابها ولكن ....
وانا في طريقي للمستشفي فاجئني رجلين بالضړب علي رأسي بقوة وبعدها لم أشعر بنفسي الا في المستشفي !
حين
